ಪ್ರಂಪಚದಲ್ಲೇ ಹೆಚ್ಚು ಬಳಸುವ ಸೋಶಿಯಲ್ ಮೀಡಿಯಾ ಯಾವುದು ಗೊತ್ತಾ? ವಾಟ್ಸ್‌ಆಪ್‌ಗೆ ಮೂರನೇ ಸ್ಥಾನ..!

6ನೇ ಸ್ಥಾನದಲ್ಲಿ ಇಸ್ಟಾಗ್ರಾಮ್:

ಅತೀ ಹೆಚ್ಚು ಮಂದಿ ಫೋಟೋ ಶೇರಿಂಗ್ ಗಾಗಿ ಬಳಕೆ ಮಾಡಿಕೊಳ್ಳುತ್ತಿರುವ ಆಪ್ ಇದಾಗಿದ್ದು, 813 ಮಿಲಿಯನ್ ಬಳಕೆದಾರರನ್ನು ಹೊಂದಿದೆ. ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ.

ವಿಚಾಟ್‌ಗೆ 5ನೇ ಸ್ಥಾನ:

ಚೀನಾದ ವಾಟ್ಸ್‌ಆಪ್ ಎನ್ನಲಾಗಿರುವ ವಿಚಾಟ್ ಮಾರುಕಟ್ಟೆಯಲ್ಲಿ 980 ಮಿಲಿಯನ್ ಬಳಕೆದಾರರನ್ನು ಹೊಂದುವ ಮೂಲಕ ಐದನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು, ಅತೀ ಹೆಚ್ಚು ಬಳಕೆದಾರರು ಚೀನಾದವರಾಗಿದ್ದಾರೆ.

4ನೇ ಸ್ಥಾನದಲ್ಲಿ ಫೇಸ್ ಬುಕ್ ಮೆಸೆಂಜರ್:

ಇದಲ್ಲದೇ 4ನೇ ಸ್ಥಾನದಲ್ಲಿ ಫೇಸ್‌ಬುಕ್ ಮೆಸೆಂಜರ್ ಕಾಣಿಸಿಕೊಂಡಿದ್ದು, ಸುಮಾರು 1.3 ಬಿಲಿಯನ್ ಬಳಕೆದಾರರು ಈ ಫೇಸ್ ಬುಕ್ ಮೆಸೆಂಜರ್ ಸೇವೆಯನ್ನು ಪಡೆದುಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.

ವಾಟ್ಸ್‌ಆಪ್ ಮೂರನೇ ಸ್ಥಾನದಲ್ಲಿ:

ವಾಟ್ಸ್‌ಆಪ್ ಇಲ್ಲದ ಸ್ಮಾರ್ಟ್‌ಫೋನ್ ಇಲ್ಲ ಎನ್ನಬಹುದಾಗಿದ್ದು, ವಿಶ್ವದಲ್ಲಿ 1.5 ಬಿಲಿಯನ್ ಬಳಕೆದಾರರನ್ನು ಹೊಂದುವ ಮೂಲಕ ಮೂರನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ.

2ನೇ ಸ್ಥಾನದಲ್ಲಿ ಯೂಟ್ಯೂಬ್;

ಅತೀ ಹೆಚ್ಚು ಮಂದಿ ವಿಡಿಯೋ ನೋಡುವ ಸಲುವಾಗಿ ಬಳಕೆ ಮಾಡುವ ತಾಣ ಇದ್ದಾಗಿದ್ದು, 1.5 ಬಿಲಿಯನ್ ಬಳಕೆದಾರರನ್ನು ಹೊಂದುವ ಮೂಲಕ ವಿಶ್ವದಲ್ಲಿ ಅತೀ ಹೆಚ್ಚು ಮಂದಿ ಬಳಕೆ ಮಾಡುವ ಜಾಲತಾಣಗಳಲ್ಲಿ ಎರಡನೇ ಸ್ಥಾನ ಪಡೆದುಕೊಂಡಿದೆ.

ನಂಬರ್ ಒನ್ ಫೇಸ್‌ಬುಕ್:

ಹೇಳುವುದೇ ಬೇಡ. ವಿಶ್ವದ ನಂಬರ್ ಒನ್ ಸಾಮಾಜಿಕ ಜಾಲತಾಣದಲ್ಲಿ ಫೇಸ್‌ಬುಕ್ಕಿಗೆ ಮೊದಲ ಸ್ಥಾನವು ದೊರೆತ್ತಿದ್ದು, ವಿಶ್ವದಾದ್ಯಂತ ಸುಮಾರು 2.2 ಬಿಲಿಯನ್ ಬಳಕೆದಾರರನ್ನು ಹೊಂದಿದೆ ಎನ್ನಲಾಗಿದೆ.