ಟ್ವಿಟರ್‌ನ ಹೊಸ ಫೋಟೋ ಫೀಚರ್‌ನಿಂದ ಬಳಕೆದಾರನಿಗೆ ರೋಮಾಂಚನ

ಸಾಮಾಜಿಕ ಜಾಲತಾಣ ಟ್ವಿಟರ್‌ ಈಗ ತನ್ನ ಬಳಕೆದಾರರಿಗೆ ಫೋಟೋ ಬಳಸುವ ವಿಧಾನದಲ್ಲಿ ಹೊಸ ಫೀಚರ್‌ ನೀಡಿದೆ.

ಟ್ವಿಟರ್‌ ಬಳಕೆದಾರರು ಫೋಟೋ ಶೇರಿಂಗ್‌ ಮಾಡಬೇಕಾದರೆ ಇನ್ನು ಮುಂದೆ ಕ್ಯಾಪ್ಚರ್‌ ಮಾಡಿದ ಫೋಟೋಗಳನ್ನು ಕ್ರಾಪ್‌ ಮಾಡದೆ ನೇರವಾಗಿ ಪೋಸ್ಟ್‌ ಮಾಡಬಹುದಾಗಿದೆ.

ಈ ಮೊದಲು ಯಾವುದೇ ಫೊಟೋವನ್ನು ಕ್ರಾಪ್‌ ಮಾಡಿ ಹಾಕ ಬೇಕಿತ್ತು. ಆದರೆ ಈಗ ಕ್ರಾಪ್‌ ಮಾಡದೇ ಪೋಸ್ಟ್‌ ಶೇರ್‌ ಮಾಡಬಹುದಾಗಿದ್ದು, ಜೊತೆಗೆ ಮಲ್ಟಿ ಫೋಟೋ ಡಿಸ್‌ಪ್ಲೆ ಫೀಚರ್‌ ನೀಡಿದೆ.

ಟ್ವಿಟರ್‌ ತನ್ನ ಮಾಧ್ಯಮ ಸೇವೆಯಲ್ಲಿ ಉತ್ತಮ ಸುಧಾರಣೆ ತಂದಿದ್ದು, ವಿಸ್ಯುವಲ್‌ ಮಿಡಿಯಾ ಫೋಕಸ್‌ ಅನ್ನು ಲಾಂಚ್‌ ಮಾಡಿದೆ.

ಈ ಮೊದಲು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡುವ ಫೋಟೋ ಗಾತ್ರ ಚಿಕ್ಕದಾಗಿತ್ತು. ಆದರೆ ಈಗ ಫೋಟೋ ಗಾತ್ರ ಹೆಚ್ಚಿಸಿರುವುದರಿಂದ ಬಳಕೆದಾರ ಅನುಭವ ಸುಧಾರಿಸಿ ಹೆಚ್ಚು ರಿಟ್ವೀಟ್‌ ಮಾಡುತ್ತಾರೆ ಎನ್ನಲಾಗಿದೆ.

ಟ್ವಿಟರ್‌ನ ಈ ಹೊಸ ಫೀಚರ್‌ನಿಂದ ಫೋಟೋ ಪೋಸ್ಟ್‌ ಮಾಡಲು ಕ್ರಾಪ್‌ ಮಾಡುತ್ತಿದ್ದ ಸಮಯ ಉಳಿತಾಯವಾಗುತ್ತದೆ. ಅಲ್ಲದೆ. ಫೋಟೋ ಎಡಿಟಿಂಗ್‌ ತಿಳಿಯದವರು ಸಹ ಇನ್ನುಮುಂದೆ ಫೋಟೋ ಪೋಸ್ಟ್‌ ಮಾಡಲು ಅನುಕೂಲವಾಗಿದೆ.

ಈ ಚಿತ್ರದಲ್ಲಿ ಮೊದಲು ಹೇಗೆ ಪೋಸ್ಟ್‌ ಮಾಡಿದ ಫೋಟೋಗಳು ಕಾಣುತ್ತಿದ್ದವು ಈಗ ಹೇಗೆ ಕಾಣುತ್ತಿವೆ ಎಂಬುದನ್ನು ತಿಳಿಯಬಹುದಾಗಿದೆ.

ಟ್ವಿಟರ್‌ನಲ್ಲಿ ಮಲ್ಟಿ ಫೋಟೋ ಫೀಚರ್‌

ಟ್ವಿಟರ್‌ನ ಈ ಹೊಸ ಫೀಚರ್ ಪ್ರಸ್ತುತದಲ್ಲೇ ಎಲ್ಲರಿಗೂ ಲಭ್ಯವಿಲ್ಲ. ಇದನ್ನು ಈಗ ಕೆಲವರಿಗೆ ಮಾತ್ರ ನೀಡಿದ್ದು, Twitter.com ಗೆ ಅಪ್‌ಡೇಟ್‌ ಶೀಘ್ರದಲ್ಲೇ ಆಗುವ ಬಗ್ಗೆ ಹೇಳಿದೆ.