ಫೇಸ್‌ಬುಕ್‌ನಲ್ಲಿ ವೈರಲ್ ಆಗಿದೆ 'ಪ್ರಜಾಕೀಯ': ದೇಶದಲ್ಲೇ #UPPI ಟ್ರೆಂಡ್.!

ಉಪ್ಪಿಗೆ ಸಖತ್ ಬೆಂಬಲ:

ಈಗಾಗಲೇ ಉಪ್ಪಿಗೆ ಸಾಮಾಜಿಕ ಜಾಲಾತಾಣಗಳಾದ ಫೇಸ್‌ಬುಕ್, ಟ್ವೀಟರ್, ವಾಟ್ಸ್‌ಆಪ್ ನಲ್ಲಿ ಸಾಕಷ್ಟು ಬೆಂಬಲ ವ್ಯಕ್ತವಾಗುತ್ತಿದ್ದು, ಉಪ್ಪಿಯ ಹೊಸ ರಾಜಕೀಯ ಚಿಂತನೆಗೆ ತಮ್ಮ ಬೆಂಬಲವನ್ನು ಸೂಚಿಸುತ್ತಿದ್ದಾರೆ. ಅಲ್ಲದೇ ಬದಲಾವಣೆಗೆ ಬೆಂಬಲ ನೀಡುವುದಾಗಿ ತಿಳಿಸುತ್ತಿದ್ದಾರೆ.

ಟ್ವೀಟರ್ ನಲ್ಲೂ ಹವಾ:

ಇದಲ್ಲದೇ ಉಪ್ಪಿಗೆ ಮೈಕ್ರೋ ಬ್ಲಾಗಿಂಗ್ ಸೈಟ್ ಟ್ವೀಟರ್ ನಲ್ಲಿಯೂ ಬೆಂಬಲ ದೊರೆಯುತ್ತಿದ್ದು, ಉಪ್ಪಿ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಅಲ್ಲದೇ ಉಪ್ಪಿ ಮಾಡಿರುವ ಟ್ವೀಟ್ ಗಳನ್ನು ರೀಟ್ವಿಟ್ ಮಾಡುತ್ತಿದ್ದಾರೆ.

ಟ್ರೆಂಡ್ ಆಗಿದೆ #UPPI:

ಟ್ವೀಟರ್ ನಲ್ಲಿ #UPPI ಟ್ಯಾಗ್ ಹೆಚ್ಚು ಟ್ರೆಂಡ್ ಆಗಿದ್ದು, ಅಭಿಮಾನಿಗಳು ಮತ್ತು ಸಾಮಾನ್ಯ ಜನರು ಈ ಟ್ಯಾಗ್ ನಲ್ಲಿ ಉಪ್ಪಿ ರಾಜಕೀಯ ಪ್ರವೇಶದ ಬಗ್ಗೆ ಚರ್ಚೆಯನ್ನು ನಡೆಸುತ್ತಿದ್ದಾರೆ.

ಪ್ರಜಾಕಾರಣ.. ಪ್ರಜಾನೀತಿ.. ಪ್ರಜಾಕೀಯ..:

ಉಪ್ಪಿ ಹೇಳಿರುವ ಪ್ರಜಾಕಾರಣ.. ಪ್ರಜಾನೀತಿ.. ಪ್ರಜಾಕೀಯ.. ಎಂಬ ಮೂರು ಪದಗಳು ಸೋಶಿಯಲ್ ಮೀಡಿಯಾಗಳಲ್ಲಿ ಹರಿದಾಡುತ್ತಿದ್ದು, ಉಪ್ಪಿಯ ಈ ಹೊಸ ತತ್ವ ಯುವ ಜನತೆಗೆ ಹೆಚ್ಚು ಹತ್ತಿರವಾಗಿದೆ.

ರಾಷ್ಟ್ರ ಮಟ್ಟದಲ್ಲಿ ಸದ್ದು:

ಉಪ್ಪಿ ಹೊಸ ಐಡಿಯಾ ರಾಷ್ಟ್ರ ಮಟ್ಟದಲ್ಲಿ ಟ್ರೆಂಡ್ ಆಗಿದ್ದು, ಗೂಗಲ್ ನಲ್ಲಿ ಕೇವಲ upendra ಎಂದು ಟೈಮ್ ಮಾಡಿದರೆ ಸಾಕು ನಿಮಗೆ ಆ ಬಗ್ಗೆ ಸಂಪೂರ್ಣ ಮಾಹಿತಿಯೂ ದೊರೆಯಲಿದೆ. ರಾಷ್ಟ್ರಿಯಾ ಮಾಧ್ಯಮಗಳು ಉಪ್ಪಿ ಐಡಿಯಾ ಬಗ್ಗೆ ತಲೆ ಕಡಿಸಿಕೊಂಡಿವೆ. ಉಪ್ಪಿ ಬಗ್ಗೆ ಸುದ್ದಿ ಮಾಡುತ್ತಿವೆ.

ವೈರಲ್ ಆಗಿದೆ ವಿಡಿಯೋ: ನೀವು ನೋಡಿ!

ಉಪ್ಪಿ ಮಾತನಾಡಿರುವ ವಿಡಿಯೋವೊಂದು ನಿನ್ನೆಯಿಂದಲೂ ವೈರಲ್ ಆಗಿದ್ದು, ಫೇಸ್‌ಬುಕ್ ನಲ್ಲಿ ಪ್ರತಿಯೊಬ್ಬರು ಶೇರ್ ಮಾಡುತ್ತಿದ್ದಾರೆ. ಹಾಗಿಯೇ ವಾಟ್ಸ್‌ಆಪ್ ಗ್ರೂಪ್‌ಗಳಲ್ಲಿಯೂ ಈ ವಿಡಿಯೋ ಸದ್ದು ಮಾಡುತ್ತಿದೆ. ಅದರಲ್ಲೂ ಉಪ್ಪಿ ಅಭಿಮಾನಿಗಳು ಹೆಚ್ಚು ಶೇರ್ ಮಾಡುತ್ತಿದ್ದಾರೆ.