ಭಾರತದಲ್ಲಿ ಆ್ಯಪಲ್ ಐಫೋನ್ 7 ಹಾಗು 7ಪ್ಲಸ್ ಫೋನುಗಳ ಬೆಲೆ ಎಷ್ಟಿರುತ್ತದೆ ಗೊತ್ತಾ?

ಆ್ಯಪಲ್ ಐಫೋನ್ 7 ಬೆಲೆ.

16ಜಿಬಿಯ ಆ್ಯಪಲ್ ಐಫೋನ್ 6ಎಸ್ ನ ಬೆಲೆ 53,500 ರುಪಾಯಿಯಷ್ಟಿತ್ತು, ದುಬಾರಿ ಫೋನದು. ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 7 ಕೂಡ ನಮ್ಮ ಜೇಬುಗಳಿಗೆ ಕತ್ತರಿ ಹಾಕುವಂತೆ 59,990 ರುಪಾಯಿದ್ದಾಗಿತ್ತು.

ಆ್ಯಪಲ್ ಖಂಡಿತವಾಗಿ ನೋಟ್ 7 ಜೊತೆಗೆ ಪೈಪೋಟಿ ನೀಡುವಂತಹ ಬೆಲೆಯನ್ನೇ ಇಡುತ್ತದೆ. ಜೊತೆಗೆ 2016ರ ಐಫೋನುಗಳಲ್ಲಿ ಕನಿಷ್ಟ 32ಜಿಬಿ ಸಂಗ್ರಹ ಸಾಮರ್ಥ್ಯವಿರುತ್ತದೆ.

32ಜಿಬಿಯ ಫೋನಿಗೆ 62,000 ರುಪಾಯಿ.

ಮೊದಲೇ ಹೇಳಿದಂತೆ ಆ್ಯಪಲ್ ತನ್ನ ಹೊಸ ಫೋನುಗಳ ಬೆಲೆಯನ್ನು ನೋಟ್ 7ಗೆ ಪೈಪೋಟಿ ಕೊಡುವಂತೆಯೇ ಇಡುತ್ತದೆ. 32ಜಿಬಿಯ ಫೋನಿಗೆ ಸರಿಸುಮಾರು 53,000 ರುಪಾಯಿಗಳಷ್ಟಾಗುತ್ತದೆ ಎನ್ನುತ್ತದೆ ವ್ಯೀಬೋದ ಲೇಖನ. 64ಜಿಬಿಯ ಫೋನಿಗೆ 61,000 ರುಪಾಯಿ ಹಾಗೂ 256ಜಿಬಿಯ ಫೋನಿಗೆ 71,000 ರುಪಾಯಿಗಳಾಗುತ್ತದೆ.

ವ್ಯೀಬೋದ ಬೆಲೆಗಳು 'ಯುವಾನ್' ನಲ್ಲಿದ್ದವು

ವ್ಯೀಬೋದ ಲೇಖನದಲ್ಲಿ ಐಫೋನಿನ ಬೆಲೆಗಳು ಚೀನಾದ ಯುವಾನ್ ಕರೆನ್ಸಿಯಲ್ಲಿದ್ದವು. ಆ್ಯಪಲ್ ವಿಶ್ವ ಮಾರುಕಟ್ಟೆಯ ದರದಂತೆ ಭಾರತದಲ್ಲಿ ತನ್ನ ಫೋನುಗಳನ್ನು ಬಿಡುಗಡೆ ಮಾಡುವುದಿಲ್ಲ. ಯಾವಾಗಲೂ ಹೊರಗಡೆಗಿಂತ ಭಾರತದಲ್ಲೇ ಐಫೋನಿನ ಬೆಲೆ ಹೆಚ್ಚಿರುತ್ತದೆ.

ಇದೇ ಟ್ರೆಂಡ್ ಮುಂದುವರೆದರೆ 32ಜಿಬಿಯ ಐಫೋನ್ 7ರ ಬೆಲೆ 62,000ದ ಆಸುಪಾಸಿನಲ್ಲಿರುತ್ತದೆ.

ಐಫೋನ್ 7ಪ್ಲಸ್ 62,000 ರುಪಾಯಿಯಿಂದ ಪ್ರಾರಂಭವಾಗುತ್ತದೆ.

ವ್ಯೀಬೋದ ಲೇಖನದ ಪ್ರಕಾರ 32ಜಿಬಿಯ ಐಫೋನ್ 7 ಪ್ಲಸ್ ಗೆ 62,000 ರುಪಾಯಿಗಳಾಗುತ್ತದೆ.64ಜಿಬಿಯ ಫೋನಿಗೆ 70,000 ರುಪಾಯಿ ಮತ್ತು 256 ಜಿಬಿಯ ಫೋನಿಗೆ 79,000 ರುಪಾಯಿಗಳಾಗುತ್ತದೆ.

ಇದು ಅಂತಿಮ ಬೆಲೆಯೇನಲ್ಲ.

ಐಫೋನ್ 6ಎಸ್ ಮತ್ತು ಐಫೋನ್ 6ಎಸ್ ಪ್ಲಸ್ ಬಿಡುಗಡೆಯಾಗುವ ಮುನ್ನವೂ ಇದೇ ರೀತಿಯ ಬೆಲೆ ಲೆಕ್ಕಾಚಾರ ನಡೆದಿತ್ತು. ಆದರೆ ಐಫೋನ್ ಆ ಲೆಕ್ಕಾಚಾರಗಳಿಗಿಂತ ಹೆಚ್ಚಿನ ಬೆಲೆಯನ್ನು ನಿಗದಿಗೊಳಿಸಿತ್ತು.

ಉಳಿದ ಐಫೋನುಗಳಂತೆ, ಐಫೋನ್ 7ರ ಬೆಲೆಯೂ ಭಾರತದಲ್ಲಿ ಹೆಚ್ಚೇ ಇರುತ್ತದೆ. ಸ್ಮಾರ್ಟ್ ಫೋನ್ ಅಧಿಕೃತವಾಗಿ ಬಿಡುಗಡೆಯಾಗುವವರೆಗೆ ಕಾಯಬೇಕಷ್ಟೇ.