iphoneನಲ್ಲಿ ಲೈಬ್ರರಿ ನೋಟಿಫಿಕೇಶನ್ ಬ್ಯಾಡ್ಜ್‌ಗಳನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ?

ಹೌದು, ಆಪಲ್‌ ಸಂಸ್ಥೆ ಐಒಎಸ್ 14 ಅಪರೇಟಿಂಗ್ ಸಿಸ್ಟಮ್ ಅನ್ನು ಪರಿಚಯಿಸಿದ ನಂತರ ಐಫೋನ್‌ನಲ್ಲಿ ಸಾಕಷ್ಟು ಬದಲಾವನೆಗಳನ್ನ ಕಾಣಬಹುದಾಗಿದೆ. ಇದರಲ್ಲಿ ನೋಟೀಫಿಕೇಷನ್‌ ಬ್ಯಾಡ್ಜ್‌ಗಳು ಕುಡ ಒಂದಾಗಿದೆ. ಇದು ಐಫೋನ್‌ನಲ್ಲಿ ಲಭ್ಯವಿರುವುದರಿಂದ ನೀವು ಓದದ 100 ಇಮೇಲ್‌ಗಳನ್ನು ಹೊಂದಿದ್ದರೆ, ಅದು ಅಪ್ಲಿಕೇಶನ್ ಐಕಾನ್ ಅಥವಾ ಫೋಲ್ಡರ್ ಒಳಗೆ ಅಪ್ಲಿಕೇಶನ್ ಇರಿಸಿದ್ದರೆ ಫೋಲ್ಡರ್ ಮೇಲೆ "100" ಎಂಬ ಸಂಖ್ಯೆಯ ಎಣಿಕೆಯನ್ನು ತೋರಿಸುತ್ತದೆ. ಇದು ನೊಟೀಫಿಕೇಷನ್‌ ಮಾದರಿಯಲ್ಲಿ ಬರುವುದರಿಂದ ಈ ನೋಟಿಫಿಕೇಶನ್ ಕಿರಿಕಿರಿ ತಪ್ಪಿಸಿಕೊಳ್ಳಲು ನಿಮಗೆ ಅವಕಾಶ ಕೂಡ ಇದೆ. ಅದು ಹೇಗೆ ಮಾಡುವುದು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಲೈಬ್ರರಿ

ಆಪ್ ಲೈಬ್ರರಿ ಫೋನಿನಲ್ಲಿ ಒಂದೇ ರೀತಿಯ ಅಪ್ಲಿಕೇಶನ್‌ಗಳ ಗುಂಪುಗಳಂತೆ ವರ್ತಿಸುವ ಅಪ್ಲಿಕೇಶನ್ ಲೈಬ್ರರಿ ಅನ್ನು ಓಎಸ್14 ಒದಗಿಸಿದೆ. ಸಲಹೆಗಳು ಹಾಗೂ ಇತ್ತೀಚಿಗೆ ಸೇರಿಸಲಾದ ಆಪ್ಸ್‌ಗಳ ಸಂಗ್ರಹಕ್ಕೆ AI ಬಳಕೆ ಮಾಡಲಾಗುತ್ತದೆ. ಆಪ್ಸ್‌ ಹುಡುಕಾಟ ಪ್ರಕ್ರಿಯೆಯು ಸುಲಭವಾಗಿರಲಿದೆ. ಇದರಲ್ಲಿ ನೋಟೀಫಿಕೇಷನ್‌ ಅನ್ನು ಸಹ ನೀಡಲಾಗಿದೆ. ನೀವು ಐಒಎಸ್ 14 ಅನ್ನು ಚಲಾಯಿಸುತ್ತಿದ್ದರೆ ನಿಮ್ಮ ಐಫೋನ್‌ನಲ್ಲಿನ ಅಧಿಸೂಚನೆ ಬ್ಯಾಡ್ಜ್‌ಗಳನ್ನು ಸುಲಭವಾಗಿ ನಿಷ್ಕ್ರಿಯಗೊಳಿಸುವುದು ಹೇಗೆ ಅನ್ನೊದನ್ನ ಹಂತಹಂತವಾಗಿ ತಿಳಿಸಿಕೊಡ್ತಿವಿ ಓದಿರಿ.

ಆಪಲ್‌ನ ಅಪ್ಲಿಕೇಶನ್ ಲೈಬ್ರರಿ ನೋಟಿಫಿಕೇಶನ್ ಬ್ಯಾಡ್ಜ್‌ಗಳನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ

ಹಂತ 1: ಮೊದಲನೆಯದಾಗಿ, ನಿಮ್ಮ ಐಫೋನ್‌ನಲ್ಲಿ ಸೆಟ್ಟಿಂಗ್‌ಗಳ ಅಪ್ಲಿಕೇಶನ್ ತೆರೆಯಿರಿ.

ಹಂತ 2: ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು "ಹೋಮ್ ಸ್ಕ್ರೀನ್" ಆಯ್ಕೆಯನ್ನು ಟ್ಯಾಪ್ ಮಾಡಿ.

ಹಂತ 3: ಈಗ, "Show In App Library" ಆಯ್ಕೆಗಾಗಿ ಟಾಗಲ್ ಬಟನ್ ಅನ್ನು ಹುಡುಕಿ. ಅಧಿಸೂಚನೆ ಬ್ಯಾಡ್ಜ್‌ಗಳನ್ನು ನಿಷ್ಕ್ರಿಯಗೊಳಿಸಲು, ಆಯ್ಕೆಯನ್ನು ಟಾಗಲ್ ಮಾಡಿ.