ಮಂಗಳ ಗ್ರಹಕ್ಕೆ ಹಾರಲಿದೆ ಸ್ನೇಕ್ ರೊಬೊಟ್‌!

By Ashwath

Updated: Wednesday, September 18, 2013, 15:12 [IST]

ವಿಜ್ಞಾನಿಗಳಲ್ಲಿ ಮಂಗಳ ಗ್ರಹದ ಕುತೂಹಲ ದಿನೆ ದಿನೇ ಹೆಚ್ಚಾಗುತ್ತಿದೆ. ಕ್ಯೂರಿಯಾಸಿಟಿ ನೌಕೆ ಈಗಾಗಲೇ ಮಂಗಳ ಗ್ರಹದ ಚಿತ್ರಗಳನ್ನು ಕಳುಹಿಸುತ್ತಿದೆ.ಇನ್ನೊಂದು ಕಡೆ ಮಂಗಳ ಗ್ರಹಕ್ಕೆ ಮಾನವರನ್ನು ಕಳುಹಿಸುವ ಯೋಜನೆ ಆರಂಭವಾಗಿದೆ ಈ ಮಧ್ಯೆ ಮಂಗಳ ಗ್ರಹಕ್ಕೆ ಹೊಸ ಸ್ನೇಕ್‌ ರೊಬೊಟ್‌ ಕಳುಹಿಸಲು ವಿಜ್ಞಾನಿಗಳು ಮುಂದಾಗಿದ್ದಾರೆ.

ಯುರೋಪಿಯನ್‌ ಸ್ಪೇಸ್‌ ಎಜೆನ್ಸಿ(ESA) ಸಂಶೋಧಕರು ಈಗ ಮಂಗಳ ಗ್ರಹದ ಹೆಚ್ಚಿನ ಅಧ್ಯಯನ ನಡೆಸಲು ಸ್ನೇಕ್‌ ರೊಬೊಟ್‌‌ನ್ನು ಅಭಿವೃದ್ಧಿಪಡಿಸಿದ್ದಾರೆ.ನಾಸಾ ಈಗಾಗಲೇ ಕ್ಯೂರಿಯಾಸಿಟಿ ರೋವರ್‌‌ನ್ನು ಮಂಗಳ ಗ್ರಹಕ್ಕೆ ಕಳುಹಿಸಿದೆ. ಆದರೆ ಈ ವಾಹನದಲ್ಲಿ ಚಕ್ರಗಳಿದ್ದು,ಇದರ ಮೂಲಕ ರೋವರ್‌‌ ಚಲಿಸುತ್ತಿದೆ. ರೋವರ್‌ ಮಂಗಳ ಗ್ರಹದ ದೂರದ ಪ್ರದೇಶಗಳ ಮಾಹಿತಿ, ಫೋಟೋವನ್ನು ಕಳುಹಿಸುತ್ತಿದ್ದರೂ,ಮಂಗಳ ಗ್ರಹದ ನೆಲದ ಬಗ್ಗೆ ಅಧ್ಯಯನ ಮಾಡಲು ಈ ಕ್ಯೂರಿಯಸಿಟಿ ರೋವರ್‌‌ ಅಷ್ಟೇನು ಸಾಮರ್ಥ್ಯ ಹೊಂದಿಲ್ಲವಂತೆ. ಹೀಗಾಗಿ ಈ ಹೊಸ ಸ್ನೇಕ್‌ ರೊಬೊಟ್‌‌ನ್ನು ಸಂಶೋಧಕರು ಅಭಿವೃದ್ಧಿ ಪಡಿಸಿದ್ದಾರೆ.

ಹಾವಿನಂತೆ ಸ್ನೇಕ್‌ ರೊಬೊಟ್‌ ನೆಲದಲ್ಲಿ ತೆವಳಿಕೊಂಡು ಹೋಗುವುದರಿಂದ ಮಂಗಳ ಗ್ರಹದ ನೆಲದಲ್ಲಿರುವ ಮಣ್ಣು ಶಿಲೆ,ಬಗ್ಗೆ ಅಧ್ಯಯನ ಮಾಡಲು ಈ ಸ್ನೇಕ್‌ ರೊಬೊಟ್‌ ಉತ್ತಮ ಎನ್ನುವ ಅಭಿಪ್ರಾಯವನ್ನು ಸಂಶೋಧಕರು ವ್ಯಕ್ತಪಡಿಸಿದ್ದಾರೆ.ಈ ಸ್ನೇಕ್ ರೊಬೊಟ್‌‌ನ್ನು ರೋವರ್‌ಗೆ ಕೇಬಲ್‌ ಮೂಲಕ ಕನೆಕ್ಟ್‌‌ ಮಾಡಿ ಸಂವಹನ ಮಾಡಲು ಸಾಧ್ಯವಾಗುವಂತಹ ಯೋಜನೆಯನ್ನು ಸಂಶೋಧಕರು ರೂಪಿಸುತ್ತಿದ್ದಾರೆ.

ಈ ಯೋಜನೆಗೆ ExoMars ಎನ್ನುವ ಹೆಸರನ್ನಿಟ್ಟಿದ್ದು ಈ ಸಂಶೋಧನೆ ಯಶಸ್ವಿಯಾದಲ್ಲಿ 2018ರಲ್ಲಿ ಸ್ನೇಕ್ ರೊಬೊಟ್‌ ಮಂಗಳ ಗ್ರಹಕ್ಕೆ ಹಾರಲಿದೆ.

ಇದನ್ನೂ ಓದಿ: ಮಂಗಳ ಗ್ರಹದ ಪ್ರಯಾಣ ಹೀಗೆ..