ಮಂಗಳ ಗ್ರಹದ ಪ್ರಯಾಣ ಹೀಗೆ..

By Ashwath

Updated: Wednesday, September 18, 2013, 15:09 [IST]

ಮಂಗಳ ಗ್ರಹದ ಪ್ರಯಾಣದ ನೋಂದಣಿಗೆ ಸುಮಾರು 8 ಸಾವಿರ ಭಾರತೀಯರು ಸಹಿ ಹಾಕಿದ್ದಾರೆ. ಈ ಮೂಲಕ ಮಾರ್ಸ್‌ ಒನ್‌ ಪ್ರಾಜೆಕ್ಟ್‌ಗೆ ನೋಂದಣಿ ಮಾಡಿಕೊಂಡ ರಾಷ್ಟ್ರಗಳ ಪೈಕಿ ಭಾರತ 4ನೇ ಸ್ಥಾನ ಪಡೆದಿದೆ.

2011 ಜನವರಿಯಿಂದ ಆರಂಭಗೊಂಡ ಈ ಮಾರ್ಸ್‌ ಒನ್‌ ಪ್ರಾಜೆಕ್ಟ್‌ ಈ ವರ್ಷದ ಮೇ ತಿಂಗಳಿನಲ್ಲಿ 78 ಸಾವಿರ ಜನರು ಸಹಿ ಹಾಕಿದ್ದರು. ನಂತರ ಈ ಪ್ರಾಜೆಕ್ಟ್‌ ಸುದ್ದಿ ವಿಶ್ವದ ಮಾಧ್ಯಮಗಳಲ್ಲಿ ಸುದ್ದಿಯಾಗಿಜನರು ಈ ಪ್ರಾಜೆಕ್ಟ್‌ ಸಹಿ ಹಾಕಲು ಆರಂಭಿಸಿದ್ದರು. ಅಗಸ್ಟ್‌ 31 ಸಹಿ ಹಾಕಲು ಅಂತಿಮ ದಿನವಾಗಿದ್ದು, ಈ ಡೆಡ್‌ ಲೈನ್ ಸಮೀಪಿಸುತ್ತಿದ್ದಂತೆ, ಇದುವರೆಗೂ ಒಟ್ಟು 140 ದೇಶಗಳಿಂದ 1.65 ಲಕ್ಷ ಮಂದಿ ಈ ಯೋಜನೆಗೆ ಸಹಿ ಹಾಕಿದ್ದಾರೆ.

ಪ್ರಾಜೆಕ್ಟ್‌ಗೆ ನೋಂದಣಿ ಮಾಡಿಕೊಂಡ ರಾಷ್ಟ್ರಗಳ ಪೈಕಿ ಅಮೆರಿಕ ಮೊದಲ ಸ್ಥಾನ ಪಡೆದಿದೆ.ಅಮೆರಿಕದಿಂದ 37,852 ಮಂದಿ,ಚೀನಾ(13,124), ಬ್ರೆಜಿಲ್ (8686), ರಷ್ಯಾ(7138),ಬ್ರಿಟನ್ (6999),ಮೆಕ್ಸಿಕೋ(6771),ಕೆನಡಾ(6593),ಸ್ಪೇನ್(3621),ಫಿಲಿಪ್ಪೀನ್(3516) ಈವರೆಗೆ ನೋಂದಣಿ ಮಾಡಿಕೊಂಡಿದ್ದಾರೆ2023ರ ವೇಳೆಗೆ ಮಂಗಳನಲ್ಲಿ ಕಾಯಂ ಕಾಲೋನಿ ನಿರ್ಮಿ‌ಸಲು ಕಾಲೋನಿ ನಿರ್ಮಿಸಲು ಉದ್ದೇಶಿಸಿ 'ಮಾರ್ಸ್ ಒನ್‌' ಪ್ರಾಜೆಕ್ಟ್ ಹಮ್ಮಿಕೊಳ್ಳಲಾಗಿದೆ. ಇದು ಒನ್ ವೇ ಟ್ರಿಪ್ ಆಗಿದ್ದು, ಅಲ್ಲಿ ಹೋದವರು ಮರಳಿ ಭೂಮಿಗೆ ಬರುವಂತಿಲ್ಲ.18 ಮತ್ತು ಅದಕ್ಕಿಂತ ಹೆಚ್ಚು ವಯಸ್ಸಿನವರು ಏಕಮುಖ ಮಂಗಳಯಾನಕ್ಕೆ ಅರ್ಜಿ ಸಲ್ಲಿಸಿದ್ದು,ಯೋಜನೆಯ ಮೊದಲ ಯಾನಕ್ಕೆ 600 ಕೋಟಿ ಡಾಲರ್ ವೆಚ್ಚವಾಗಲಿದೆ ಎಂದು ಮಾರ್ಸ್‌ ಒನ್ ಸಿಇಒ ಲಾನ್ಸ್‌ಡ್ರಾಪ್ ತಿಳಿಸಿದ್ದಾರೆ.

ಬಂದಿರುವ ಅರ್ಜಿ‌ಯನ್ನು ಪರಿಶೀಲಿಸಿ ವಿವಿಧ ರಾಷ್ಟ್ರಗಳ 40 ಜನರನ್ನು ಈ ಯಾನಕ್ಕೆ ಆರಿಸಲಾಗುವುದು. ನಂತರ ಈ 40 ಜನರನ್ನು,ನಾಲ್ಕು ಜನರಿರುವ ಹತ್ತು ತಂಡಗಳಾಗಿ ವಿಂಗಡಿಸಿ ಅಂತಿಮ ಹೆಸರನ್ನು 'ಮಾರ್ಸ್ ಒನ್‌' ಪ್ರಾಜೆಕ್ಟ್ ತಂಡ ಆಯ್ಕೆ ಮಾಡಲಿದೆ.

ಈ ನಾಲ್ಕು ಮಂದಿಯಲ್ಲಿ ತಲಾ ಇಬ್ಬರು ಪುರುಷರು ಮತ್ತು ಮಹಿಳೆಯರು 2022ರ ಸೆಪ್ಟೆಂಬರ್‌ನಲ್ಲಿ ಪ್ರಯಾಣ ಆರಂಭಿಸಲಿದ್ದು, 2023ರ ಏಪ್ರಿಲ್‌ನಲ್ಲಿ ಮಂಗಳನಲ್ಲಿ ಇಳಿಯುವಂತೆ ವೇಳಾಪಟ್ಟಿ ತಯಾರಾಗಿದೆ.

ಹೀಗಾಗಿ ಇಲ್ಲಿ ಇದರ ಟೈಮ್‌ ಲೈನ್‌ ಹೇಗಿದೆ ಎನ್ನುವುದಕ್ಕೆ ಇಲ್ಲಿ ಕೆಲವು ಮಾಹಿತಿಯಿದೆ. ಒಂದೊಂದೆ ಪುಟವನ್ನು ತಿರುಗಿಸಿ ಓದಿಕೊಂಡು ಹೋಗಿ.

ಇದನ್ನೂ ಓದಿ:ಮಂಗಳ ಗ್ರಹದಲ್ಲಿ ಇಲಿ ಪತ್ತೆ !