ಫೇಸ್‌ಬುಕ್‌ನಲ್ಲಿ ನೀವು ಹಾಕುವ ವಿಡಿಯೋಗೆ ಹಣ ಸಿಗುತ್ತೇ..! ಹೌದು ಇದು ನಿಜ!!

ವಿಡಿಯೋ ಹಾಕಿದವರಿಗೆ ಸಮಪಾಲು

ಈಗಾಗಲೇ ಈ ಕುರಿತು ಒಂದು ಸುತ್ತಿನ ಯೋಜನೆಯನ್ನು ಸಿದ್ಧಪಡಿಸಿಕೊಂಡಿರುವ ಫೇಸ್‌ಬುಕ್, ವಿಡಿಯೋಗಳ ಮಧ್ಯ ತಾನು ಪ್ರಸಾರ ಮಾಡುವ ಜಾಹಿರಾತಿನಿಂದ ಬರುವ ಆದಾಯದಲ್ಲಿ ವಿಡಿಯೋ ಹಾಕುವವರಿಗೂ ಸಮಪಾಲನ್ನು ನೀಡುವುದಾಗಿ ತಿಳಿಸಿದೆ. ಮೂಲಗಳ ಪ್ರಕಾರ ಶೇ 55ರಷ್ಟು ಆದಾಯ ವಿಡಿಯೋ ಪ್ರಕಾಶಕರಿಗೆ ದೊರೆಯಲಿದೆ.

ಯೂಟೂಬ್ ಮಾದರಿ ಅನುಸರಿಸುತ್ತಿರುವ ಫೇಸ್‌ಬುಕ್

ಯೂಟೂಬ್ ಮಾದರಿಯನ್ನು ಅನುಸರಿಸಲು ಮುಂದಾಗಿರುವ ಫೇಸ್‌ಬುಕ್ ವಿಡಿಯೋ ಪ್ರಸಾರವಾಗುವ ವೇಳೆಯಲ್ಲಿ ಪಾಪ್‌ ಆಪ್ ಜಾಹಿರಾತು, ವಿಡಿಯೋ ಆರಂಭದಲ್ಲಿ ಸ್ಕಿಪ್ ಮಾಡಬಹುದುದಾದ ಜಾಹಿರಾತು, ವಿಡಿಯೋ ಮಧ್ಯದಲ್ಲಿ ಜಾಹಿರಾತು ಮತ್ತು ವಿಡಿಯೋದ ಕೊನೆಯಲ್ಲೂ ಜಾಹಿರಾತನ್ನು ಹಾಕಲು ಸಿದ್ಧತೆ ನಡೆಸಿದೆ.

ಹೊಸ ವಿಧಾನದ ಆಯ್ಕೆ

ಇದರೊಂದಿಗೆ ವಿಡಿಯೋ ನೋಡಿದರವ ಅಂಕೆ-ಸಂಖ್ಯೆಯನ್ನು ಅಳತೆ ಮಾಡಲು, ಜಾಹಿರಾತು ನೀಡಿದವರಿಗೆ ಸಹಾಯವಾಗಲಿ ಎಂದು ಹೊಸದೊಂದು ವಿಧಾನವನ್ನು ಅಳವಡಿಸಿಕೊಳ್ಳುತ್ತಿದೆ ಎನ್ನುವ ಮಾಹಿತಿಯೂ ಹೊರಬಿದ್ದಿದೆ.

ಅಧ್ಯಯನ ಶುರುಮಾಡಿದ ಫೇಸ್‌ಬುಕ್

ಒಟ್ಟಿನಲ್ಲಿ ಯಾವುದೇ ಅಡೆ ತಡೆ ಇಲ್ಲದೇ ಪ್ರಸಾರವಾಗುತ್ತಿದ್ದ ಫೇಸ್‌ಬುಕ್ ವಿಡಿಯೋಗಳ ಮಧ್ಯೆ ಈಗ ಜಾಹಿರಾತು ತೂರಿಕೊಳ್ಳುತ್ತಿದ್ದು, ಬಳಕೆದಾರರು ಇದನ್ನ ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಅರಿತುಕೊಳ್ಳಲು ಈಗಾಗಲೇ ಫೇಸ್‌ಬುಕ್ ಸರ್ವೇ ಆರಂಭಿಸಿದೆಯಂತೆ.