ಎಲ್ ಜಿ ಸ್ಪೆಕ್ಟ್ರಮ್ ಸುತ್ತ ಊಹೆಗಳದ್ದೆ ಕಾರುಬಾರು

ತಾಂತ್ರಿಕ ಜಗತ್ತಿನಲ್ಲಿ ಈಗಾಗಲೆ ಬಿಡುಗಡೆಯಾಗಲಿರುವ ಎಲ್ ಜಿ ಸ್ಪೆಕ್ಟ್ರಮ್ ಬಗ್ಗೆ ಅನೇಕ ಸುದ್ಧಿಗಳು ಕೇಳಿ ಬರುತ್ತಿದೆ. ಆದರೆ ಯಾವುದರಲ್ಲೂ ಇದರ ಗುಣಲಕ್ಷಣ ಬಗ್ಗೆ ಪೂರ್ಣ ಮಾಹಿತಿ ಇಲ್ಲ. ಆದ್ದರಿಂದ ಈ ಎಲ್ ಜಿ ಸ್ಪೆಕ್ಟ್ರಮ್ ಮತ್ತಷ್ಟು ಕುತೂಹಲವನ್ನು ಉಂಟುಮಾಡಿದೆ. ಸಿಕ್ಕಿರುವ ಮಾಹಿತಿ ಪ್ರಕಾರ ಈ ಮೊಬೈಲ್ ಈ ಕೆಳಗಿನ ಲಕ್ಷಣಗಳನ್ನು ಹೊಂದಿರಬಹುದು ಎಂದು ಊಹಿಸಲಾಗಿದೆ.

ಈಗಾಗಲೆ ಕೇಳಿ ಬರುತ್ತಿರುವ ಪ್ರಕಾರ ಎಲ್ ಜಿ ಸ್ಪೆಕ್ಟ್ರಮ್ ನೋಡಲು ಆಕರ್ಷಕವಾಗಿದೆ ಅಲ್ಲದೆ ಗಾತ್ರದಲ್ಲಿ ತೆಳುವಾಗಿದೆ.ಇದರಲ್ಲಿ ಒಂದೆ ಬಣ್ಣವನ್ನು ಬಳಸಿರುವುದರಿಂದ ನೋಡಲು ಫ್ರೊಫೆಷನಲ್ ಲುಕ್ ಕೊಡುತ್ತದೆ. ಇದರ ಸ್ಕ್ರೀನ್ 4 ಇಂಚು ಹೊಂದಿದ್ದು ದೊಡ್ಡ ಸ್ಕ್ರೀನ್ ಹೊಂದಿರುವ ಸ್ಮಾರ್ಟ್ ಪೋನಿನಲ್ಲಿ ಇದೂ ಕೂಡ ಒಂದಾಗ ಬಹುದು ಎಂದು ಕೇಳಿ ಬರುತ್ತಿದೆ.

ಇದರ ರೆಸ್ಯೂಲೇಶನ್ 720p ಇರಬಹುದು ಎಂದು ಹೇಳಲಾಗಿದೆ. ಈ ಮೊಬೈಲ್ ನ ಕ್ಯಾಮೆರಾ ಸಾಮರ್ಥ್ಯ 8 ಮೆಗಾ ಪಿಕ್ಸಲ್ ಇದೆ ಎಂದು ಕೂಡ ಹೇಳಲಾಗುತ್ತಿದೆ. ಇದರಲ್ಲಿ ಡ್ಯುಯೆಲ್ ಕೋರ್ ಪ್ರೊಸೆಸರ್ ಇದ್ದು ಕ್ಲೋಕ್ ವೇಗ 1.5GHz ಆಗಿದೆ.ಈ ಮೊಬೈಲ್ ಬಂದರೆ ಸ್ಮಾರ್ಟ್ ಫೋನ್ ಗೆ ತಕ್ಕ ಸ್ಪರ್ಧಿಯಾಗಲಿದೆ ಎಂದು ಹೇಳಲಾಗುತ್ತಿದ್ದು ಇದರ ಬೆಲೆ ಬಗ್ಗೆ ಖಚಿತ ಮಾಹಿತಿ ದೊರಕಿಲ್ಲ.