ಆಪಲ್ ಮೇಲೆ ಲಿಬ್ರಾಟೋನ್ ಸ್ಪೀಕರ್ ಪ್ರೀತಿ

ವೈರ್ ಲೆಸ್ ಸ್ಪೀಕರ್ ಗೆ ಮಾರುಕಟ್ಟೆಯಲ್ಲಿ ಬಹು ಬೇಡಿಕೆ ಇದೆ. ಈ ಬೇಡಿಕೆಯನ್ನು ಅರಿತ ಲಿಬ್ರಾಟೋನ್ ಏರ್ ಪ್ಲೇ ಸೌಂಡ್ ಅನ್ನು ಬೆಂಬಲಿಸುವ ಸ್ಪೀಕರ್ ಅನ್ನು ಬಿಡುಗಡೆ ಮಾಡಿದೆ.

ಈ ಸ್ಪೀಕರ್ ಪರ್ಸನಲ್ ಕಂಪ್ಯೂಟರ್ ಅಥವಾ ಮ್ಯಾಕ್ ಸಿಸ್ಟಮ್ ನ್ಲಲಿ ಶೇಖರಿಸಿಟ್ಟ ಹಾಡಿನ ಸವಿಯನ್ನು ಉತ್ತಮ ಗುಣಮಟ್ಟದಲ್ಲಿ ಸವಿಯಲು ಸಹಾಯ ಮಾಡುತ್ತದೆ. ಅಲ್ಲದೆ ಆಪಲ್ ಐಫೋನ್ ಮತ್ತು ಐಪೋಡ್ ಗಳಲ್ಲಿ ಸಂಗ್ರಹಿಸಿದ ಹಾಡನ್ನು ಲಿಬ್ರಾಟೋನ್ ಸ್ಪೀಕರ್ ನಲ್ಲಿ ವೈಫೈ ಬಳಸಿ ಪ್ಲೇ ಮಾಡಬಹುದಾಗಿದೆ.

ಈ ಸ್ಪೀಕರ್ ವೆನಿಲಾ, ಗ್ರೇ ಮತ್ತು ಕಪ್ಪು ದ್ರಾಕ್ಷಿಯ ಬಣ್ಣದಲ್ಲಿ ಲಭ್ಯವಿದೆ.ಈ ಸ್ಪೀಕರ್ ಬೆಲೆ ರು. 64,000 ಆಗಿದ್ದು , ಹಸಿರು ಮತ್ತು ಕೆಂಪು ಬಣ್ಣದಲ್ಲಿ ಸಹ ಕೇಳಿ ಪಡೆದುಕೊಳ್ಳಬಹುದಾಗಿದ್ದು ಅವುಗಳ ಬೆಲೆ ರು. 68,000 ಆಗಿರುತ್ತದೆ.

ಅದಕ್ಕಿಂತ ಚಿಕ್ಕ ಗಾತ್ರದ ಸ್ಟ್ಯಾಂಡರ್ಡ್ ಲಿಬ್ರಾಟೋನ್ ಸ್ಪೀಕರ್ ರು 34, 000ಕ್ಕೆ ಆಗಿದ್ದು , ಅದರ ಪ್ರೀಮಿಯಂ ಮಾಡಲ್ ಬೆಲೆ ರು. 40, 000 ಆಗಿದೆ.

ಲಿಬ್ರಾಟೋನ್ ಅಪ್ಲಿಕೇಶನ್ ಉಚಿತವಾಗಿ ಸಿಗುತ್ತಿದ್ದು ಅದನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದಾಗಿದೆ. ಈ ಸ್ಪೀಕರ್ ಅನ್ನು ಮನೆಯಲ್ಲಿ ಎಲ್ಲಿ ಇಟ್ಟರು ಉತ್ತಮ ಗುಣಮಟ್ಟದ ಶಬ್ದವನ್ನು ನೀಡುವುದು.

ಆದರೆ ಈ ಸ್ಪೀಕರ್ ಬಳಸುವವರು ಆಪಲ್ ಕಂಪನಿಯ ಐಫೋನ್, ಐಪೋಡ್, ಐಪ್ಯಾಡ್ ಹೊಂದಿದ್ದರೆ ಅತ್ಯುತ್ತಮ ಗುಣಮಟ್ಟದ ಶಬ್ದದಲ್ಲಿ ಸಂಗೀತದ ಸವಿ ಸವಿಯಬಹುದಾಗಿದೆ.