ಮೀಡಿಯಾಟೆಕ್‌ನಿಂದ ಹೊಸ ಪ್ರೊಸೆಸರ್‌ ಲಾಂಚ್‌!..ವೇಗದ ಡೌನ್‌ಲೋಡ್‌ ಸಾಮರ್ಥ್ಯ!

ಹೌದು, ಮೀಡಿಯಾಟೆಕ್‌ ಕಂಪೆನಿ ಹೊಸ 5G ಪ್ರೊಸೆಸರ್‌ ಅನ್ನು ಪರಿಚಯಿಸಿದೆ. ಇದು ಬಳಕೆದಾರರು ಎಲ್ಲೇ ಇದ್ದರೂ ಹೆಚ್ಚಿನ ವೇಗದ, ಕಡಿಮೆ-ಸುಪ್ತತೆಯ 5G ಅನ್ನು ಬಳಸುವುದಕ್ಕೆ ಅನುಮತಿಸಲಿದೆ. ಜೊತೆಗೆ ಟ್ರೂಲಿ ಕಂಪ್ಯೂಟಿಂಗ್ ಫ್ರಿಡಂ ಅನ್ನು ನೀಡಲಿದೆ ಎಂದು ಮೀಡಿಯಾಟೆಕ್‌ ಕಾರ್ಪೊರೇಟ್ ಉಪಾಧ್ಯಕ್ಷರಾದ JC Hsu ಹೇಳಿದ್ದಾರೆ. ಅಲ್ಲದೆ ಈ ಪ್ರೊಸೆಸರ್‌ ಸ್ಮಾರ್ಟ್‌ಫೋನ್‌ಗಳ ಬ್ಯಾಟರಿ ಅವಧಿಯನ್ನು ಹೆಚ್ಚಿಸುತ್ತದೆ ಎನ್ನಲಾಗಿದೆ. ಹಾಗಾದ್ರೆ ಹೊಸ ಪ್ರೊಸೆಸರ್‌ನ ವಿಶೇಷತೆ ಏನು? ಇದರ ಕಾರ್ಯದಕ್ಷತೆ ಹೇಗಿರಲಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಮೀಡಿಯಾಟೆಕ್‌ T800 ಸಲ್ಯೂಶನ್‌ ಪ್ರೊಸೆಸರ್‌ 7.9Gbps ​​ವರೆಗಿನ ಡೌನ್‌ಲೋಡ್ ಸ್ಪೀಡ್‌ ಅನ್ನು ಬೆಂಬಲಿಸಲಿದೆ. ಇದು 5G ಅಲ್ಟ್ರಾಸೇವ್ ಪವರ್-ದಕ್ಷತೆಯ ಟೆಕ್ನಾಲಜಿಯನ್ನು ಎಲ್ಲಾ 5G ಕನೆಕ್ಟೆಡ್‌ ಸಲ್ಯೂ‍ಶನ್‌ಗಳಿಗೆ ಬ್ಯಾಟರಿ ಅವಧಿಯನ್ನು ಹೆಚ್ಚಿಸಲಿದೆ. ಅಲ್ಲದೆ ಈ ಪ್ರೊಸೆಸರ್‌ ಬಳಕೆದಾರರಿಗೆ ಬ್ರೌಸ್ ಮಾಡಲು, ಸ್ಟ್ರೀಮ್ ಮಾಡಲು ಮತ್ತು ಗೇಮಿಂಗ್‌ ಅನ್ನು ಹೆಚ್ಚಿನ ಸಮಯ ಆಡುವುದಕ್ಕೆ ಅನುಮತಿಸಲಿದೆ.

ಇದಲ್ಲದೆ ಈ ಪ್ರೊಸೆಸರ್‌ 3GPP ರಿಲೀಸ್‌-16 5G ಸೆಲ್ಯುಲಾರ್ ಮೋಡೆಮ್, FR1 ಟ್ರಾನ್ಸ್‌ಸಿವರ್‌ಗಳು, ಎನ್ವಲಪ್ ಟ್ರ್ಯಾಕಿಂಗ್ (ET) ಚಿಪ್, MLNA, GNSS ರಿಸೀವರ್ ಮತ್ತು ಸಂಬಂಧಿತ PMICಗಳೊಂದಿಗೆ ತೆಳುವಾದ ಮೋಡೆಮ್ ಅನ್ನು ಒಳಗೊಂಡಿದೆ. ಇದರಲ್ಲಿ ತೆಳುವಾದ ಮೋಡೆಮ್ ಅನ್ನು ಅಪ್‌ಗ್ರೇಡ್‌ 4nm ಪ್ರೊಸೆಸ್‌ ನೋಡ್‌ನಲ್ಲಿ ಬಿಲ್ಟ್‌ ಮಾಡಲಾಗಿದೆ. ಅಲ್ಲದೆ PCIe + USB ಹೋಸ್ಟ್ ಇಂಟರ್‌ಫೇಸ್‌ಗಳು ಮತ್ತು ಇತರ ಇನ್‌ಪುಟ್ ಆಯ್ಕೆಗಳನ್ನು ಕೂಡ ಸಂಯೋಜಿಸಲಿದೆ.

ಈ ಪ್ರೊಸೆಸರ್‌ ಸ್ವತಂತ್ರ (SA) ಮತ್ತು ನಾನ್-ಸ್ಟಾಂಡಲೋನ್ (NSA) ಉಪ-6GHz ಮತ್ತು mmWave 5G ಎರಡನ್ನೂ ಕೂಡ ಬೆಂಬಲಿಸುತ್ತದೆ. ಇದರಿಂದ ಭಾರತದಲ್ಲಿ ಹೊಸ 5G ನೆಟ್‌ವರ್ಕ್‌ಗೆ ಇದು ಸೂಕ್ತವಾಗಿದೆ. ಜೊತೆಗೆ ಮಿಕ್ಸೆಡ್ ಡ್ಯುಪ್ಲೆಕ್ಸ್ FDD/TDD ಡ್ಯುಯಲ್ 5G SIM (DSDS) ಅನ್ನು ಸಾಧನ ತಯಾರಕರ ಅಗತ್ಯತೆಗಳ ಆಧಾರದ ಮೇಲೆ ಬೆಂಬಲಿಸಲಿದೆ. ಈ ಪ್ರೊಸೆಸರ್‌ ಒಳಗೊಂಡ ಸ್ಮಾರ್ಟ್‌ಫೋನ್‌ಗಳು ಭಾರತದ 5G ನೆಟ್‌ವರ್ಕ್‌ಗೆ ಸೂಕ್ತ ಎನಿಸಲಿದೆ.

ಇನ್ನು ಇದೇ ವರ್ಷ ಮೀಡಿಯಾಟೆಕ್‌ ಕಂಪೆನಿ ಹೊಸ ಮೀಡಿಯಾ ಟೆಕ್ ಡೈಮೆನ್ಸಿಟಿ 1300 ಪ್ರೊಸೆಸರ್‌ ಪರಿಚಯಿಸಿತ್ತು. ಈ ಪ್ರೊಸೆಸರ್‌ ಕೂಡ 5G ಸಂಪರ್ಕವನ್ನು ಬೆಂಬಲಿಸಲಿದೆ. ಈ ಪ್ರೊಸೆಸರ್‌ ಅನ್ನು TSMC ಯ 6nm ಪ್ರಕ್ರಿಯೆಯನ್ನು ಬಳಸಿಕೊಂಡು ನಿರ್ಮಿಸಲಾಗಿದೆ. ಇದು ನಾಲ್ಕು ಆರ್ಮ್ ಕಾರ್ಟೆಕ್ಸ್-A78 ಪ್ರೊಸೆಸರ್‌ಗಳನ್ನು ಒಳಗೊಂಡಿದೆ. ಅಲ್ಲದೆ ಮೀಡಿಯಾ ಟೆಕ್ ಡೈಮೆನ್ಸಿಟಿ 1300 ಪ್ರೊಸೆಸರ್ 3GHz ವರೆಗೆ ಕಾರ್ಯನಿರ್ವಹಿಸುವ 'ಅಲ್ಟ್ರಾ-ಕೋರ್', 2GHz ವರೆಗಿನ ಆಪರೇಟಿಂಗ್ ಫ್ರಿಕ್ವೆನ್ಸಿಯೊಂದಿಗೆ ಆರ್ಮ್ ಕಾರ್ಟೆಕ್ಸ್-A55 ಪ್ರೊಸೆಸರ್‌ ಹೊಂದಿದೆ.

ಇದರಲ್ಲಿ ನಾಲ್ಕು ದಕ್ಷತೆಯ ಕೋರ್‌ಗಳು ಮತ್ತು 9-ಕೋರ್ ಆರ್ಮ್ ಮಾಲಿ GPUಯನ್ನು ಒಳಗೊಂಡಿದೆ. ನೀವು ಈ ಪ್ರೊಸೆಸರ್‌ ಅನ್ನು 16GB ವರೆಗೆ 4266Mbps LPDDR4x RAM ಮತ್ತು UFS 3.1 ಪ್ರಕಾರದ ಸ್ಟೋರೇಜ್‌ನೊಂದಿಗೆ ಜೋಡಿಸಬಹುದು. ಈ ಪ್ರೊಸೆಸರ್‌ ಮೀಡಿಯಾಟೆಕ್‌ ಹೈಪರ್‌ ಇಂಜಿನ್‌ 5.0 ನಿಂದ ಬೆಂಬಲಿತವಾಗಿದೆ. ಇನ್ನು ಗೇಮಿಂಗ್-ಸಂಬಂಧಿತ ಆಪ್ಟಿಮೈಸೇಶನ್‌ಗಳಂತಹ ವಿಶೇಷವಾದ AI-VRS, Wi-Fi ಮತ್ತು ಬ್ಲೂಟೂತ್ ಹೈಬ್ರಿಡ್ 2.0, ಜೊತೆಗೆ ಬ್ಲೂಟೂತ್‌ LE Audio ಟೆಕ್ನಾಲಜಿ ಹೊಂದಿದೆ.