ಫೇಸ್‌ಬುಕ್ ಪ್ರಿಯತಮೆಗೆ ಮರುಳಾಗಿ 35 ಲಕ್ಷ ಕಳೆದುಕೊಂಡ ಬ್ಯಾಂಕರ್ ತಾತ!!

ಮಾಯಾಂಗನೆ ಬಲೆ ಬಿದ್ದಿದ್ದು ಹೇಗೆ?

ಮೋಸಹೋದ ನಿವೃತ್ತ ಬ್ಯಾಂಕ್ ಉದ್ಯೋಗಿಯೋರ್ವವರ ಖಾತೆಗೆ ಜೆನ್ನಿ ಆಂಡರ್ಸನ್ ಹೆಸರಿನ ಮಹಿಳೆ ಫ್ರೆಂಡ್‌ ರಿಕ್ವೆಸ್ಟ್ ಕಳಿಸಿದ್ದಳು. ಅವಳ ಮನವಿಯನ್ನು ಬ್ಯಾಂಕ್ ಉದ್ಯೋಗಿ ಸ್ವೀಕರಿಸಿದ ಬಳಿಕ ಇಬ್ಬರ ನಡುವೆ ಮಾತುಕತೆ ಶುರುವಾಗಿದೆ. ಫೇಸ್‌ಬುಕ್‌ನಲ್ಲಿ ಜೆನ್ನಿ ಆಂಡರ್ಸನ್ ಆರಂಭಸಿದ ಮಾತುಕತೆ, ವಾಟ್ಸಪ್ ಚಾಟ್‌‌ವರೆಗೆ ಬೆಳೆದಿದೆ.

ಪರಿಚಯದಿಂದ ಮನೆಯವರೆಗೆ!

ಫೇಸ್‌ಬುಕ್‌ನಲ್ಲಿ ಪರಿಚಯವಾಗ ಜೆನ್ನಿ ಆಂಡರ್ಸನ್ ಯುವತಿಯು ತಾನು ಲಂಡನ್‌ನಲ್ಲಿ ವಾಸವಾಗಿರುವುದಾಗಿ ನಿವೃತ್ತ ಬ್ಯಾಂಕ್ ಉದ್ಯೋಗಿಗೆ ನಂಬಿಸಿದ್ದಾಳೆ. ಚೆಂದದ ಮಾತುಗಳ ಮೂಲಕ ಬಲೆಗೆ ಬೀಳಿಸಿ, ಕೆಲಸದ ನಿಮಿತ್ತ ಭಾರತಕ್ಕೆ ಬರುವುದಾಗಿ ಮತ್ತು ನಿಮ್ಮನ್ನು ಭೇಟಿಯಾಸಿ ನಿಮ್ಮ ಮನೆಯಲ್ಲಿಯೇ ಉಳಿದುಕೊಳ್ಳುವುದಾಗಿ ಹೇಳಿದ್ದಾಳೆ.

ಬಲೆಗೆ ಬಿದ್ದ ಬ್ಯಾಂಕ್ ಉದ್ಯೋಗಿ

ಜೂನ್ 1 ರಂದು ವ್ಯವಹಾರದ ನಿಮಿತ್ತ ಭಾರತಕ್ಕೆ ಬರುತ್ತಿದ್ದೇನೆ ಎಂದು ಜೆನ್ನಿ ಆಂಡರ್ಸನ್ ಹೇಳಿದ ನಂತರ, ವೃತ್ತ ಬ್ಯಾಂಕ್ ಉದ್ಯೋಗಿ ಅವಲ ಆಗಮನಕ್ಕಾಗಿ ಕಾದುಕುಳಿತಿದ್ದಾರೆ. ಆ ಮಹಿಳೆ ಸುಳ್ಳು ಕಥೆ ಕಟ್ಟುವ ಮೂಲಕ ವಂಚನೆಯ ಜಾಲ ಹೆಣೆದಿರುವುದು ಅವಳ ಆಗಮನದ ನಿರೀಕ್ಷೆಯಲ್ಲಿದ್ದ ಬ್ಯಾಂಕರ್‌ಗೆ ತಾನು ಮೋಸದ ಬಲೆಯಲ್ಲಿ ಬಿದ್ದಿರುವುದು ಅರಿವಾಗಿಲ್ಲ.

ಮೋಸದ ಬಲೆ ಹೆಣೆದದ್ದು ಹೀಗೆ!

ಜೂನ್ 1 ರಂದು, ಪೂಜಾ ಎಂದು ಪರಿಚಯಿಸಿಕೊಂಡ ಯುವತಿಯೋರ್ವಳು ಆತನಿಗೆ ಫೋನ್ ಕರೆ ಮಾಡಿದ್ದಾಳೆ. ಜೆನ್ನಿ ಮುಂಬಯಿ ವಿಮಾನ ನಿಲ್ದಾಣಕ್ಕೆ ಬಂದು ಇಳಿದಿದ್ದಾರೆ. 68 ಲಕ್ಷ ರೂಪಾಯಿ ಹೊಂದಿರುವ ಜಿನ್ನಿ ಅವರು ಕಡ್ಡಾಯವಾಗಿ ಸಲ್ಲಿಸಬೇಕಾದ ದಾಖಲೆ ಇಲ್ಲ. ಅವರು ನಿಮ್ಮ ಬಳಿ ಮಾತನಾಡಬೇಕಂತೆ ಎಂದು ಜಿನ್ನಿಗೆ ಫೋನ್ ಕರೆ ವರ್ಗಾಯಿಸಿದ್ದಾಳೆ.

35 ಲಕ್ಷ ರೂ.ಬೇಕಾಗಿದೆ.!!

ಮೋಸಹೋದ ಬ್ಯಾಂಕ್ ಉದ್ಯೋಗಿ ಬಳಿ ಅಳುತ್ತ ಮಾತನಾಡಿದ ಜೆನ್ನಿ, ದಂಡ ಕಟ್ಟಲು 35 ಲಕ್ಷ ರೂಪಾಯಿ ಬೇಕಾಗಿದೆ. ನಿಮ್ಮನ್ನು ಬಿಟ್ಟು ಬೇರೆ ಯಾರು ನನಗೆ ಗೊತ್ತಿಲ್ಲ. ದಯವಿಟ್ಟು ಸಹಾಯ ಮಾಡಿ. ನಾನು ನಿಮ್ಮ ಹಣವನ್ನು ಹಿಂತಿರುಗಿ ನೀಡುತ್ತೇನೆ ಎಂದು ಗೋಳಾಡಿದ್ದಾಳೆ. ಆಕೆಯ ಕಣ್ಣೀರಿಗೆ ಈತನು ಯಾಮಾರಿದ್ದಾನೆ.

35 ಲಕ್ಷ ರೂಪಾಯಿ ಪಂಗನಾಮ!

ಆಕೆಯ ಕಣ್ಣೀರಿಗೆ ಸೋತ ಬ್ಯಾಂಕರ್, ತಾನು ಕೂಡಿಸಿಟ್ಟಿದ್ದ ಹಣ ಹಾಗೂ ಇತರರಿಂದ ಸಾಲ ಪಡೆದು ಜಿನ್ನಿ ನೀಡಿದ ವಿವಿಧ 20 ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಿದ್ದಾನೆ. 15 ದಿನಗಳು ಹಣ ಹೊಂದಿಸಿ ನೀಡಿದ ನಂತರ ಆಕೆ ಸಂಪರ್ಕ ಕಡಿದುಕೊಂಡಿದ್ದಾಳೆ. ನಂತರ ಬ್ಯಾಂಕರ್‌ಗೆ ತಾನು ಮೋಸ ಹೋಗಿರುವುದಾಗಿ ಅರಿವಾಗಿದೆ.

ಎಚ್ಚರವಿರಲಿ!

ತಾನು ಮೋಸ ಹೋಗಿರುವುದಾಗಿ ತಿಳಿದ ಬ್ಯಾಂಕರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾನೆ. ಪೊಲೀಸರು ಈ ಪ್ರಕರಣದ ಬಗ್ಗೆ ತನಿಖೆ ನಡೆಸುತ್ತಿದ್ದು, ವಂಚಕರನ್ನು ಹಿಡಿಯುವ ಪ್ರಯತ್ನದಲ್ಲಿದ್ದಾರೆ. ಆದರೆ, ಒಮ್ಮೆ ಕಳೆದುಕೊಂಡ ಹಣ ಮತ್ತೆ ವಾಪಸ್ ಕೈಸೇರುವುದು ಅನುಮಾನ. ಹಾಗಾಗಿ, ನೀವು ಇಂತಹ ವಂಚನೆಯ ಬಲೆಯಲ್ಲಿ ಬೀಳದಿರಿ.!