ಭಾರತದಲ್ಲಿ U&i ಬ್ರ್ಯಾಂಡ್‌ನಿಂದ 35W ಫಾಸ್ಟ್‌ ಚಾರ್ಜರ್‌ ಡಿವೈಸ್‌ ಲಾಂಚ್‌! ಫೀಚರ್ಸ್‌ ಏನಿದೆ?

ಹೌದು, ಯು ಆಂಡ್‌ ಐ ಬ್ರ್ಯಾಂಡ್‌ ಹೊಸದಾಗಿ U&i 35W ಫಾಸ್ಟ್‌ ಚಾರ್ಜರ್‌ ಮತ್ತು U&i ಬೈಯರ್ ಸರಣಿ 10,000mAh 24W 4-in-1 ಪವರ್ ಬ್ಯಾಂಕ್ ಅನ್ನು ಲಾಂಚ್‌ ಮಾಡಿದೆ. ಈ ಹೊಸ ಚಾರ್ಜಿಂಗ್ ಡಿವೈಸ್‌ಗಳು ಸ್ಮಾರ್ಟ್‌ಫೋನ್‌, ಹೆಡ್‌ಫೋನ್‌ ಮತ್ತು TWS ಇಯರ್‌ಫೋನ್‌ಗಳನ್ನು ತ್ವರಿತವಾಗಿ ರೀಚಾರ್ಜ್ ಮಾಡುವುದಕ್ಕೆ ಅವಕಾಶ ನೀಡಲಿವೆ. ಇನ್ನು ಈ ಎರಡು ಡಿವೈಸ್‌ಗಳು ಆಕರ್ಷಕ ಫೀಚರ್ಸ್‌ಗಳನ್ನು ಒಳಗೊಂಡಿದ್ದು, ಬಳಕೆದಾರರ ಗಮನಸೆಳೆದಿವೆ. ಹಾಗಾದ್ರೆ ಈ ಪವರ್‌ ಡಿವೈಸ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

U&i 35W ವೇಗದ ಚಾರ್ಜರ್ ಫೀಚರ್ಸ್‌

U&i 35W ವೇಗದ ಚಾರ್ಜರ್ ಡಿವೈಸ್‌ USB-A ನಿಂದ USB-C ಡೇಟಾ ಕೇಬಲ್‌ ಅನ್ನು ಒಳಗೊಂಡಿದೆ. ಇನ್ನು ಈ ಡಿವೈಸ್‌ ಕ್ವಾಲ್ಕಾಮ್‌ ಕ್ವಿಕ್‌ ಚಾರ್ಜ್‌ 3.0 (QC3.0), ಫ್ಲ್ಯಾಶ್ ಚಾರ್ಜ್, ಸೂಪರ್ ವೂಕ್‌, DASH ಚಾರ್ಜ್ ಮತ್ತು WARP ಚಾರ್ಜ್ ಅನ್ನು ಹೊಂದಿದೆ. ಈ ಡಿವೈಸ್‌ ಚಾರ್ಜರ್ ಸೆಫ್ಟಿ ಮಾನದಂಡಗಳನ್ನು ಒಳಗೊಂಡಿದ್ದು, ಓವರ್‌ ವೋಲ್ಟೇಜ್, ಓವರ್‌ಕರೆಂಟ್, ಓವರ್‌ಹೀಟಿಂಗ್ ಮತ್ತು ಓವರ್‌ ಚಾರ್ಜಿಂಗ್‌ನಿಂದ ರಕ್ಷಿಸುತ್ತದೆ. ಇದಕ್ಕಾಗಿ ಈ ಚಾರ್ಜರ್ BIS ಪ್ರಮಾಣೀಕರಣವನ್ನು ಪಡೆದುಕೊಂಡಿದೆ.

U&i ಬೈಯರ್ ಸರಣಿ 10,000mAh 24W 4-in-1 ಪವರ್ ಬ್ಯಾಂಕ್

ಯು ಆಂಡ್‌ ಐ ಕಂಪೆನಿ ಪರಿಚಯಿಸಿರುವ ಹೊಸ ಯು ಆಂಡ್‌ ಐ ಬೈಯರ್ ಸರಣಿ 10,000mAh 4-in-1 ಪವರ್‌ಬ್ಯಾಂಕ್ ಕಾಂಪ್ಯಾಕ್ಟ್ ವಿನ್ಯಾಸವನ್ನು ಹೊಂದಿದೆ. ಇನ್ನು ಈ ಯುಎಸ್‌ಬಿ-ಸಿ ಮತ್ತು ಲೈಟ್‌ನಿಂಗ್ ಪೋರ್ಟ್ ಹೊಂದಿದೆ. ಇದು ಡ್ಯುಯಲ್ ಕೇಬಲ್‌ ಹೊಂದಿದ್ದು, ಯುಎಸ್‌ಬಿ-ಸಿ ಪೋರ್ಟ್‌ನೊಂದಿಗೆ ಬರುವ ಐಫೋನ್‌ಗಳು ಮತ್ತು ಇತರ ಸ್ಮಾರ್ಟ್‌ಫೋನ್‌ಗಳನ್ನು ಬಳಕೆದಾರರು ಚಾರ್ಜ್ ಮಾಡಬಹುದು.

ಇನ್ನು ಈ ಪವರ್‌ಬ್ಯಾಂಕ್ 10,000mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ. ಈ ಪವರ್‌ಬ್ಯಾಂಕ್ ವಿವಿಧ ಸುರಕ್ಷತಾ ಮಾನದಂಡಗಳನ್ನು ಪ್ರಮಾಣೀಕರಿಸಲ್ಪಟ್ಟಿದೆ. ಆದರಿಂದ ಈ ಪವರ್‌ ಬ್ಯಾಂಕ್‌ ಓವರ್‌ವೋಲ್ಟೇಜ್, ಓವರ್‌ಕರೆಂಟ್, ಓವರ್‌ಹೀಟಿಂಗ್ ಮತ್ತು ಓವರ್‌ಚಾರ್ಜ್‌ನಿಂದ ಪ್ರೊಟೆಕ್ಷನ್‌ ನೀಡಲಿದೆ. ಇದಲ್ಲದೆ ಈ ಡಿವೈಸ್‌ ಆಂತರಿಕ ಬ್ಯಾಟರಿ ಸಾಮರ್ಥ್ಯದ ಬಗ್ಗೆ ನಿಮಗೆ ಮಾಹಿತಿ ನೀಡುವ ಡಿಸ್‌ಪ್ಲೇ ಅನ್ನು ಕೂಡ ಒಳಗೊಂಡಿದೆ. ಇದರಲ್ಲಿ ಚಾರ್ಜಿಂಗ್‌ ಪ್ರಮಾಣ ಎಷ್ಟಿದೆ ಅನ್ನೊದನ್ನ ತಿಳಿಯಲು ಸಾಧ್ಯವಾಗಲಿದೆ.

ಬೆಲೆ ಮತ್ತು ಲಭ್ಯತೆ

U&i ಕಂಪನಿಯ ಹೊಸ ಆಲ್ ರೌಂಡರ್ ಸೀರೀಸ್ 35W ಫಾಸ್ಟ್ ಚಾರ್ಜರ್ ಡಿವೈಸ್‌ ಭಾರತದಲ್ಲಿ 1,999ರೂ. ಬೆಲೆಯನ್ನು ಹೊಂದಿದೆ. ಇನ್ನು U&i ಬೈಯರ್ ಸೀರೀಸ್ ಪವರ್‌ಬ್ಯಾಂಕ್ ಡಿವೈಸ್‌ ಬೆಲೆ 2,799ರೂ ಬೆಲೆಯನ್ನು ಹೊಂದಿದೆ. ಇನ್ನು ಈ ಎರಡು ಡಿವೈಸ್‌ಗಳು ಭಾರತದಲ್ಲಿರುವ ಎಲ್ಲಾ U&i ಔಟ್‌ಲೆಟ್‌ಗಳು ಮತ್ತು ಇತರ ಪ್ರಮುಖ ರಿಟೇಲ್‌ ಸ್ಟೋರ್‌ಗಳಲ್ಲಿ ಖರೀದಿಗೆ ಸಿಗಲಿದೆ. ಇದು ಯಾವ ಬಣ್ಣದ ಆಯ್ಕೆಯಲ್ಲಿ ಬರಲಿದೆ ಅನ್ನೊದು ಇನ್ನು ಬಹಿರಂಗವಾಗಿಲ್ಲ.