ಮ್ಯಾಪ್ ನಲ್ಲೇ ಫುಡ್ ಆರ್ಡರ್ ಮಾಡಲು ಅವಕಾಶ ನೀಡಿದ ಗೂಗಲ್

ಫುಡ್ ಆರ್ಡರ್ ಗೆ ಅವಕಾಶ ನೀಡಲಿರುವ ಮ್ಯಾಪ್:

ಗೂಗಲ್ ಹೊಸದಾಗಿ ಆರ್ಡರ್ ಆನ್ ಲೈನ್ ಬಟನ್ ನ್ನು ಸರ್ಚ್ ನಲ್ಲಿ ಸೇರಿಸಿದೆ. ರೆಸ್ಟೋರೆಂಟ್ ಗಳ ಹುಡುಕಾಟವನ್ನು ಮ್ಯಾಪ್ ನಲ್ಲಿ ಬಳಕೆದಾರರು ಹುಡುಕಿದಾಗ ಆ ಹೊಟೆಲ್ ನಲ್ಲಿ ಆರ್ಡರ್ ಮಾಡುವುದಕ್ಕೂ ಕೂಡ ಸಾಧ್ಯವಾಗುತ್ತದೆ.

ಮ್ಯಾಪ್ ನಲ್ಲೇ ಡೆಲಿವರಿ ಆಯ್ಕೆ:

ಬಳಕೆದಾರರು ಪಿಕ್ ಅಪ್ ಮತ್ತು ಡೆಲಿವರಿಯನ್ನು ಆಯ್ಕೆ ಮಾಡಬಹುದು ಮತ್ತು ಅವರು ಯಾವ ಫುಡ್ ನ್ನು ಬಯಸುತ್ತಾರೆ ಎಂಬುದನ್ನು ಗೂಗಲ್ ಸರ್ಚ್ ನಲ್ಲೇ ಸೆಲೆಕ್ಟ್ ಮಾಡಬಹುದು. ಒಂದು ವೇಳೆ ಆ ರೆಸ್ಟೋರೆಂಟ್ ಇವರ ಆರ್ಡರ್ ಗೆ ಬೆಂಬಲ ನೀಡಿದರೆ, ಗೂಗಲ್ ಪೇ ಮತ್ತು ಗೂಗಲ್ ಇಂಟರ್ ಫೇಸ್ ಗಳ ಮೂಲಕವೇ ಸಂಪೂರ್ಣ ಪ್ರೊಸೀಜರ್ ನ್ನು ನಿರ್ವಹಿಸಲಾಗುತ್ತದೆ. ಅಂದರೆ ಪಾವತಿ ಕೂಡ ಗೂಗಲ್ ನಲ್ಲೇ ನಡೆಯುತ್ತದೆ.

ಗೂಗಲ್ ಅಸಿಸ್ಟೆಂಟ್ ಸಹಾಯ:

ಗೂಗಲ್ ಅಸಿಸ್ಟೆಂಟ್ ನ ಸಹಾಯವನ್ನು ಬೇಕಿದ್ದರೂ ಬಳಕೆದಾರರು ಪಡೆದುಕೊಳ್ಳಬಹುದು. ಆದರೆ, ಗೂಗಲ್ ಅಸಿಸ್ಟೆಂಟ್ ಅನೇಬಲ್ ಆಗಿರುವ ಸ್ಮಾರ್ಟ್ ಸ್ಪೀಕರ್ ಮತ್ತು ಸ್ಮಾರ್ಟ್ ಡಿಸ್ಪ್ಲೇಗಳಲ್ಲಿ ಇದು ಕೆಲಸ ಮಾಡುತ್ತದೆಯಾ ಎಂಬ ಬಗ್ಗೆ ಇನ್ನು ಖಚಿತತೆ ಇಲ್ಲ.

ಐದು ವಿಭಿನ್ನ ಡೆಲಿವರಿ:

ಐದು ವಿಭಿನ್ನ ರೀತಿಯ ಡೆಲಿವರಿ ಸೇವೆಯನ್ನು ಊಟದ ಸಮಯಕ್ಕಾಗಿ ಇದು ಬೆಂಬಲಿಸುತ್ತದೆ -ಡೋರ್ ಡ್ಯಾಷ್,ಪೋಸ್ಟ್ ಮೇಟ್ಸ್, ಡೆಲಿವರಿ.ಕಾಮ್, ಸ್ಪೈಸ್ ಮತ್ತು ಚೌನೌ ಮತ್ತು ಗೂಗಲ್ ಝುಪ್ಲಿಯರ್(Zuppler) ಗೆ ಬೆಂಬಲ ನೀಡುವುದಕ್ಕೆ ಪ್ಲಾನ್ ಮಾಡಿದೆ ಎಂದು ವರದಿ ಹೇಳುತ್ತಿದೆ.

ಗೂಗಲ್ ಸರ್ಚ್ ನಲ್ಲಿ ಹೊಸ ಡಿಸೈನ್:

ಇತ್ತೀಚೆಗೆ ಗೂಗಲ್ ಸರ್ಚ್ ಇಂಜಿನ್ ನಲ್ಲಿ ಮೊಬೈಲ್ ನ ಸರ್ಚ್ ಇಂಟರ್ ಫೇಸ್ ನಲ್ಲಿ ಹೊಸ ಡಿಸೈನ್ ಮಾಡಲಾಗಿತ್ತು. ಇದರ ಪ್ರಮುಖ ಉದ್ದೇಶ ಬಳಕೆದಾರರಿಗೆ ಏನು ಮತ್ತು ಎಲ್ಲಿಂದ ಎಂಬ ಮಾಹಿತಿಗಳು ಸರಿಯಾಗಿ ಸಿಗಬೇಕು ಗೊಂದಲ ಆಗಬಾರದು ಎಂಬ ಚಿಂತನೆಯಿಂದ ಮಾಡಿದ ಬದಲಾವಣೆ ಇದಾಗಿತ್ತು.

ಯುಸ್ ನಲ್ಲಿ ಮಾತ್ರ:

ಒಟ್ಟಿನಲ್ಲಿ ಸದ್ಯ ಈ ಸೌಲಭ್ಯವು ಯುಸ್ ನಲ್ಲಿ ಲಭ್ಯವಾಗುತ್ತಿದೆ. ಭಾರತದಲ್ಲಿ ಲಭ್ಯವಾಗಲಿದೆಯಾ ಮುಂದಿನ ದಿನಗಳಲ್ಲಿ ಎಂಬ ಬಗ್ಗೆ ಯಾವುದೇ ಖಚಿತತೆ ಇಲ್ಲ.