ತುರ್ತು ಸಮಯದಲ್ಲಿ ರಕ್ತಕ್ಕಾಗಿ ಆಪ್ ನಿರ್ಮಿಸಿದ ವಿದ್ಯಾರ್ಥಿಗಳು.!

ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿರುವ ಆಪ್:

ಈ ಬ್ಲಡ್ ಬ್ರಿಡ್ಜ್ ಆಪ್ ಅನ್ನು ಹೈದರಾಬಾದ್ ಮೂಲದ ಖಾಸಗಿ ಇಂಜಿನಿಯರಿಂಗ್ ಕಾಲೇಜಿನ ಮೂವರು ವಿದ್ಯಾರ್ಥಿಗಳು ಸೇರಿ ಅಭಿವೃದ್ಧಿಪಡಿಸಿದ್ದಾರೆ ಎನ್ನಲಾಗಿದೆ. ಈ ಆಪ್ ಮೂಲಕ ತುರ್ತು ಸಮಯದಲ್ಲಿ ರಕ್ತ ದೊರೆಯುವಂತೆ ಮಾಡಿ ಜೀವ ಉಳಿಸುವುದೇ ಇವರ ಗುರಿಯಾಗಿದೆ.

ಆಪ್ ಹೇಗೆ ಕಾರ್ಯನಿರ್ವಹಿಸುತ್ತದೆ..?

ಈ ಆಪ್ ನಲ್ಲಿ ರಕ್ತವನ್ನು ದಾನ ಮಾಡುವವರು ತಮ್ಮ ಮೊಬೈಲ್ ನಲ್ಲಿ ಆಪ್ ಇನ್‌ಸ್ಟಾಲ್ ಮಾಡಿಕೊಂಡು ತಮ್ಮ ಹೆಸರು, ವಿಳಾಸ ಹಾಗೂ ಅವರ ಮೊಬೈಲ್ ಸಂಖ್ಯೆಯನ್ನು ನೀಡಿ ರಿಜಿಸ್ಟರ್ ಆಗಬೇಕಾಗುತ್ತಿದೆ. ನಂತರ ರಕ್ತ ಬೇಕಾಗಿರುವವರು ಈ ಆಪ್ ಹಾಕಿಕೊಂಡು ಅದರಲ್ಲಿ ರಕ್ತದ ಮಾದರಿ ಮತ್ತು ಸ್ಥಳದ ಮಾಹಿತಿಯನ್ನು ನಮೂದಿಸಬೇಕುತ್ತದೆ.

ನೋಟಿಫಿಕೇಷನ್ ಬರಲಿದೆ:

ರಕ್ತದ ಅಗತ್ಯ ಇದ್ದವರು ರಕ್ತದ ಮಾದರಿ ಮತ್ತು ಸ್ಥಳದ ಮಾಹಿತಿಯನ್ನು ನೀಡಿದ ಸಂದರ್ಭದಲ್ಲಿ ಅದು ರಕ್ತ ದಾನಿಗಳ ಮೊಬೈಲ್ ಸಂಖ್ಯೆಗೆ ಆ ಮಾಹಿತಿ ರವಾನೆ ಮಾಡುತ್ತದೆ. ಈ ಸಂದರ್ಭದಲ್ಲಿ ರಕ್ತ ಬೇಕಾಗಿರುವವರ ಹತ್ತಿರದಲ್ಲಿ ಇರುವ ದಾನಿಗಳು ಅವರ ಸ್ಥಳಕೆ ತೆರಳಿ ರಕ್ತವನ್ನು ದಾನ ಮಾಡಬಹುದು.

ಸದ್ಯ ಆಂಡ್ರಾಯ್ಡ್ ಆಪ್ ಮಾತ್ರವೇ ಲಭ್ಯ:

ಈ ಬ್ಲಡ್ ಬ್ರಿಡ್ಜ್ ಆಪ್ ಸದ್ಯ ಆಂಡ್ರಾಯ್ಡ್ ಬಳಕೆದಾರರಿಗೆ ಮಾತ್ರವೇ ದೊರೆಯಲಿದೆ. ಸದ್ಯಕ್ಕೆ ಈ ಆಪ್ ಹೈದರಾಬಾದ್ ನಗರವನ್ನು ಮಾತ್ರ ಕೇಂದ್ರಿಕರಿಸಿಕೊಂಡು ಕಾರ್ಯನಿರ್ವಹಿಸುತ್ತಿದೆ. ಮುಂದಿನ ದಿನದಲ್ಲಿ ಇದರ ಕಾರ್ಯ ವ್ಯಾಪ್ತಿಯನ್ನು ವಿಸ್ತರಿಸುವ ಸಾಧ್ಯತೆ ಇದೆ.