ವಾಟ್ಸ್ ಆಪ್ ನಲ್ಲಿ ಆಡಿಯೋ ಫೈಲ್ಸ್ ಕಳಿಸುವುದು ಇನ್ನು ಮುಂದೆ ಸುಲಭ

ಬೇಟಾ ವರ್ಷನ್ ನಲ್ಲಿ ಲಭ್ಯ:

ವಾಟ್ಸ್ ಆಪ್ ನ ಮುಂಬರುವ ಅಪ್ ಡೇಟ್ ಗಳ ಬಗ್ಗೆ ಟ್ರ್ಯಾಕ್ ಮಾಡುವ ವಾಬೇಟಾಇನ್ಫೋ ಮಾಹಿತಿಯ ಪ್ರಕಾರ ಈ ಹೊಸ ಎಡಿಷನ್ ಈಗಾಗಲೇ ವಾಟ್ಸ್ ಆಪ್ ನ ಆಡ್ರಾಂಯ್ಡ್ ಆಪ್ ವರ್ಷನ್ 2.19.1 ನಲ್ಲಿ ಲಭ್ಯವಿದೆ.

30 ಫೈಲ್ಸ್ ಗಳಿಗೆ ಅವಕಾಶ:

ವಾಬೇಟಾಇನ್ಫೋ ತಿಳಿಸಿರುವಂತೆ ವಾಟ್ಸ್ ಆಪ್ ನ ಈ ಸೆಕ್ಷನ್ ನಲ್ಲಿ ಬಳಕೆದಾರರು ಆಡಿಯೋ ಮತ್ತು ಇಮೇಜ್ ಎರಡನ್ನೂ ಪ್ರಿವ್ಯೂ ನೋಡುವುದಕ್ಕೆ ಅವಕಾಶವಿರುತ್ತದೆ.ಇದು ಗರಿಷ್ಠ 30 ಫೈಲ್ಸ್ ಗಳಿಗೆ ಬೆಂಬಲ ನೀಡುತ್ತದೆ.

ಬೇಟಾ ವರ್ಷನ್ ನಲ್ಲಿ ಲಭ್ಯ:

ಸದ್ಯ ಎಲ್ಲಾ ಆಂಡ್ರಾಯ್ಡ್ ಬಳಕೆದಾರರಿಗೂ ಇದು ಬಿಡುಗಡೆಗೊಂಡಿಲ್ಲವಾಗಿರುವುದರಿಂದಾಗಿ, ಈ ಸೌಲಭ್ಯ ನಿಮಗೆ ಸಿಗಬೇಕು ಎಂದರೆ ನೀವು ವಾಟ್ಸ್ ಆಪ್ ನ ಬೇಟಾ ಬಳಕೆದಾರರಾಗಿರಬೇಕಾಗುತ್ತದೆ. ಐಓಎಸ್ ಆಪರೇಟಿಂಗ್ ಸಿಸ್ಟಮ್ ಗೆ ಇದು ಬಿಡುಗಡೆಗೊಳ್ಳಲಿದೆಯೇ ಅಥವಾ ಇಲ್ಲವೇ ಎಂಬ ಬಗ್ಗೆ ಇದುವರೆಗೂ ಯಾವುದೇ ಮಾಹಿತಿ ಲಭ್ಯವಿಲ್ಲ ಆದರೆ ಈ ಫೀಚರ್ ಬಿಡುಗಡೆಗೊಂಡ ನಂತರದ ದಿನಗಳಲ್ಲಿ ಖಂಡಿತ ನಿಧಾನವಾಗಿಯಾದರೂ ಐಓಎಸ್ ನಲ್ಲಿ ಬಿಡುಗಡೆಗೊಳ್ಳಲಿದೆ ಎನ್ನಲಾಗುತ್ತಿದೆ.

ಪಿಐಪಿ ಮೋಡ್ ಬಿಡುಗಡೆ:

ಸದ್ಯ ವಾಟ್ಸ್ ಆಪ್ ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಪಿಕ್ಚರ್ ಇನ್ ಪಿಕ್ಚರ್ ಮೋಡ್ ನ್ನು ವಾಟ್ಸ್ ಆಪ್ ನಲ್ಲಿ ಬಿಡುಗಡೆಗೊಳಿಸಿದೆ. ಇದನ್ನು ಬಳಸಿ ಬಳಕೆದಾರರು ಯುಟ್ಯೂಬ್ ,ಫೇಸ್ ಬುಕ್, ಇನ್ಸ್ಟಾಗ್ರಾಂ ನಲ್ಲಿ ವೀಡಿಯೋಗಳನ್ನು ವಾಟ್ಸ್ ಆಪ್ ನ ಒಳಗೆ ಚಾಟ್ ವಿಂಡೋ ವನ್ನು ಸ್ಕ್ರೋಲ್ ಮಾಡುವ ಮೂಲಕೇ ಸ್ಟ್ರೀಮ್ ಮಾಡಬಹುದು.ಈ ಫೀಚರ್ ನಿಮಗೆ ಬೇರೆ ವೀಡಿಯೋ ಸರ್ವೀಸ್ ನಿಂದ ಲಿಂಕ್ ಬಂದಾಗ ತಕ್ಷಣವೇ ಟ್ರಿಗ್ಗರ್ ಆಗುತ್ತದೆ. ವೀಡಿಯೋವನ್ನ ಟ್ಯಾಪ್ ಮಾಡಿದಾಗ ಈ ಪಿಐಪಿ ಮೋಡ್ ಸ್ವಯಂಚಾಲಿತವಾಗಿ ಆಕ್ಟಿವೇಟ್ ಆಗುತ್ತದೆ. ಉಳಿದೆಲ್ಲ ಚಾಟ್ ನ್ನು ನೇವಿಗೇಟ್ ಮಾಡುವುದಕ್ಕೆ ನೆರವಾಗುತ್ತದೆ.

ಪ್ರೈವೇಟ್ ರಿಪ್ಲೈ:

ಪ್ರೈವೇಟ್ ರಿಪ್ಲೈ ಫೀಚರ್ ನ್ನು ಕೂಡ ಬಿಡುಗಡೆಗೊಳಿಸಲಾಗಿದೆ. ಈ ಫೀಚರ್ ಗ್ರೂಪ್ ಚಾಟ್ ನಲ್ಲಿ ಕೆಲಸ ನಿರ್ವಹಿಸುತ್ತದೆ.ಹೆಸರೇ ಸೂಚಿಸುವಂತೆ ಗ್ರೂಪಿನ ಯಾವುದೇ ಸದಸ್ಯರಿಗೆ ವಯಕ್ತಿಕವಾಗಿ ಗ್ರೂಪ್ ಚರ್ಚೆಯ ನಡುವೆಯೇ ಮೆಸೇಜ್ ಕಳಿಸುವುದಕ್ಕೆ ಇದು ನೆರವು ನೀಡುತ್ತದೆ.