ವಾಟ್ಸ್ ಪೇಮೆಂಟ್ ನಲ್ಲಿ ಹೊಸ ಆಯ್ಕೆ: ಹಣಕ್ಕಾಗಿ ರಿಕ್ವೇಸ್ಟ್ ಮಾಡಿ..!

ದೇಶಿಯ ಪೇಮೆಂಟ್ ವಿಭಾಗದಲ್ಲಿ ಹೊಸ ಭಾಷ್ಯವನ್ನು ಬರೆಯಲು ಫೇಸ್ ಬುಕ್ ಒಡೆತನದ ವಾಟ್ಸ್ ಆಪ್ ಮುಂದಾಗಿದ್ದು, ಇದಕ್ಕಾಗಿ ತನ್ನ ಬಳಕೆದಾರರಿಗೆ ಪೇಮೆಂಟ್ ಸೇವೆಯನ್ನು ನೀಡಲು ಸಿದ್ಧತೆ ನಡೆಸಿದೆ. ಈಗಾಗಲೇ ಬೀಟಾ ಬಳಕೆದಾರರಿಗೆ ಈ ಸೇವೆಯು ಲಭ್ಯವಿದ್ದು, ಸದ್ಯ ಹೊಸದೊಂದು ಆಯ್ಕೆಯು ಬಳಕೆದಾರರಿಗೆ ಸೇರಿಕೊಂಡಿದೆ. ವಾಟ್ಸ್ ಆಪ್ ನಲ್ಲಿ ಹಣವನ್ನು ಕಳುಹಿಸುವುದಲ್ಲದೇ, ಹಣವನ್ನು ಕಳುಹಿಸುವಂತೆ ರಿಕ್ವೇಸ್ಟ್ ಸಹ ಮಾಡಬಹುದಾಗಿದೆ.

ಈ ಹಿಂದೆ ಹಣವನ್ನು ಕ್ಯೂಆರ್ ಸ್ಕ್ಯಾನರ್ ಮೂಲಕ ಹಣವನ್ನು ಸೆಂಡ್ ಮಾಡುವ ಅವಕಾಶವನ್ನು ನೀಡಿತ್ತು. ಆದರೆ ಈಗ ಬಳಕೆದಾರರು ಹಣವನ್ನು ಕಳುಹಿಸುವಂತೆ ರಿಕ್ವೇಸ್ಟ್ ಮಾಡುವ ಅವಕಾಶವನ್ನು ಮಾಡಕೊಡಲು ಮುಂದಾಗಿದೆ. ಈ ಮೂಲಕ ಮಾರುಕಟ್ಟೆಯಲ್ಲಿ ಬೇರೆ ಆಪ್ ಗಳಿಗೆ ಸೆಡ್ಡು ಹೊಡೆಯಲು ಮುಂದಾಗಿದೆ ಎನ್ನಲಾಗಿದೆ.

ಹಣಕ್ಕಾಗಿ ರಿಕ್ವೇಸ್ಟ್ ಕಳುಹಿಸುವುದು ಹೇಗೆ..?

ವಾಟ್ಸ್ಆಪ್ ನಲ್ಲಿ ಹಣಕಳುಹಿಸುವುದು ಹೇಗೆ ಎಂಬುದನ್ನು ಈ ಕೆಳಗೆ ವಿವರಿಸಲಾಗಿದೆ.

ಹಂತ 01: ವಾಟ್ಸ್ಆಪ್ ಓಪನ್ ಮಾಡಿರಿ, ನಂತರ ಸೆಟ್ಟಿಂಗ್ಸ್ ಡಾಟ್ ಮೇಲೆ ಕ್ಲಿಕ್ ಮಾಡಿ.

ಹಂತ 02: ನಂತರ ಪೇಮೆಂಟ್ ಆಯ್ಕೆಯ ಮೇಲೇ ಕ್ಲಿಕ್ ಮಾಡಿ. ಅಲ್ಲಿ ಹೊಸ ಪೇಮೆಂಟ್ ಸೆಲೆಕ್ಟ್ ಮಾಡಿಕೊಳ್ಳಿ.

ಹಂತ 03: ಅಲ್ಲಿ ನಿಮಗೆ ಎರಡು ಆಯ್ಕೆಗಳು ಕಾಣಿಸಿಕೊಳ್ಳಲಿದೆ. ಅದರಲ್ಲಿ ಯುಪಿಐ ಐಡಿ ಮತ್ತು ಕ್ಯೂರ್ ಆರ್ ಕೋಡ್ ಇರಲಿದೆ.

ಹಂತ 04: ನಂತರ ಎರಡು ಆಯ್ಕೆಗಳು ಕಾಣಿಸಿಕೊಳ್ಳಲಿದೆ. ನೀವು ಅಲ್ಲಿ ಹಣವನ್ನು ಕಳುಹಿಸುವ ಮತ್ತು ಸ್ವೀಕರಿಸುವ ಆಯ್ಕೆಯೂ ಇರಲಿದೆ.

ಹಂತ 05: ಇಲ್ಲಿ ನೀವು ಹಣವನ್ನು ಸ್ವೀಕರಿಸಲು ರಿಕ್ವೇಸ್ಟ್ ಅನ್ನು ಕಳುಹಿಸಬಹುದಾಗಿದೆ. ಕಳುಹಿಸಿದ ರಿಕ್ಚೇಸ್ಟ್ ಗೆ ಸ್ವೀಕರಿಸಿದವರು ಪಾವತಿಯನ್ನು ಮಾಡಬಹುದಾಗಿದೆ.

ಈ ವಾಟ್ಸ್ ಆಪ್ ಪೇಮೆಂಟ್ ಆಯ್ಕೆಯಲ್ಲಿ ಹಣಕ್ಕಾಗಿ ಕಳುಹಿಸುವ ರಿಕ್ವೇಸ್ಟ್ 24 ಗಂಟೆಗಳ ಕಾಲ ವ್ಯಾಲಿಡಿಟಿಯನ್ನು ಹೊಂದಿರಲಿದೆ ಎನ್ನಲಾಗಿದೆ. ಇದರಿಂದಾಗಿ ಒಂದು ದಿನದ ಒಳಗೆ ಹಣವನ್ನು ಕಳುಹಿಸಲು ಅವಕಾಶವಿರಲಿದೆ.

ಬೆಂಗಳೂರಿಗರಿಗೆ 1 GBPS ವೇಗದಲ್ಲಿ ತಿಂಗಳಿಗೆ 2500 GB ಡೇಟಾ ಬಳಕೆಗೆ ನೀಡುತ್ತಿದೆ ಈ ಕಂಪನಿ..!

Source