ವಾಟ್ಸ್‌ಆಪ್ ಪೇಮೆಂಟ್‌ಗೆ ಸೆಡ್ಡು: ಗೂಗಲ್ ತೇಜ್‌ನಲ್ಲಿ ಹೊಸ ಕೊಡುಗೆ...!

ಬಿಲ್ ಪಾವತಿ ಮಾಡಬಹುದು

ತೇಜ್ ಬಳಕೆದಾರರು ಇನ್ನು ಮುಂದೆ ತಮ್ಮ ಆಪ್ ನಿಂದಲೇ ಎಲ್ಲಾ ಮಾದರಿಯ ಬಿಲ್ ಗಳನ್ನು ಪಾವತಿ ಮಾಡಬಹುದಾಗಿದೆ. DTH, ಮೊಬೈಲ್ ರಿಚಾರ್ಜ್, ಮೊಬೈಲ್ ಬಿಲ್, ಎಲೆಕ್ಟ್ರಿಕ್ ಮತ್ತು ವಾಟರ್ ಬಿಲ್ ಪಾವತಿ ಮಾಡುವ ಅವಕಾಶವನ್ನು ಮಾಡಿಕೊಡಲಿದೆ ಎನ್ನಲಾಗಿದೆ.

ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲ:

ಗೂಗಲ್ ತೇಜ್ ಆಪ್ ನಲ್ಲಿ ನೀವು ಬಿಲ್ ಗಳನ್ನು ಪಾವತಿ ಮಾಡಿದ ಸಂದರ್ಭದಲ್ಲಿ ಯಾವುದೇ ಮಾದರಿಯಲ್ಲಿ ಹೆಚ್ಚು ಹಣವನ್ನು ಪಾವತಿ ಮಾಡಬೇಕಾಗಿಲ್ಲ ಎನ್ನಲಾಗಿದೆ. ಉಚಿತವಾಗಿ ಮತ್ತು ತ್ವರಿತವಾಗಿ ನೀವು ಹಣವನ್ನು ಪಾವತಿ ಮಾಡುವ ಅವಕಾಶವನ್ನು ತೇಜ್ ನಿಮಗೆ ಮಾಡಿಕೊಡಲಿದೆ.

80 ಸ್ವೀಕೃತಿದಾರರು

ತೇಜ್ ಒಟ್ಟು 80ಕ್ಕೂ ಹೆಚ್ಚು ಮಂದಿ ಸ್ವೀಕೃತಿದಾರರನ್ನು ಹೊಂದಿದ್ದು, ಇದರಲ್ಲಿ ಪ್ರೈವೇಟ್ ಮತ್ತು ಸರ್ಕಾರಿ ಸೇವೆಗಳು ಸೇರಿಕೊಂಡಿದೆ ಎನ್ನಲಾಗಿದೆ. ದೇಶದ ಎಲ್ಲಾ ಭಾಗದಲ್ಲಿಯೂ ತೇಜ್ ಈ ಬಿಲ್ ಪಾವತಿ ಸೇವೆಯನ್ನು ಚಾರಿಯಲ್ಲಿಟ್ಟಿದೆ.

ಸುಲಭ:

ಇತರೆ ಆಪ್ ಗಳಿಗೆ ಹೊಲಿಕೆ ಮಾಡಿಕೊಂಡರೆ ತೇಜ್ ಬಳಕೆ ಸುಲಭವಾಗಿದೆ ಎನ್ನಬಹುದು. ಕಾರಣ ಇದರಲ್ಲಿ ಬಳಕೆದಾರರಿಗೆ ಕನ್‌ಪ್ಯೂಸ್ ಮಾಡುವ ಯಾವುದೇ ಅಂಶಗಳು ಇಲ್ಲ. ಅಲ್ಲದೇ ಸರಳವಾದ ಇಂಟರ್ಫೇಸ್ ಹೊಂದಿದೆ. ಈ ಹಿನ್ನಲೆಯಲ್ಲಿ ಇದರ ಬಳಕೆ ಸುಂದರ ಮತ್ತು ಸರಳವಾಗಿದೆ.

ವಾಟ್ಸ್‌ಆಪ್ ಗೆ ಸೆಡ್ಡು:

ಈಗಾಗಲೇ ಮಾರುಕಟ್ಟೆಯಲ್ಲಿ ಹವಾ ಎಬ್ಬಿಸಿರುವ ವಾಟ್ಸ್‌ಆಪ್ ಪೇಮೆಂಟ್ ಸೇವೆಗೆ ಸೆಡ್ಡು ಹೊಡೆಯುವ ಸಲುವಾಗಿ ಗೂಗಲ್ ತನ್ನ ತೇಜ್ ಆಪ್‌ನಲ್ಲಿ ಹೊಸ ಹೊಸ ಸೇವೆಗಳನ್ನು ನೀಡಲು ಶುರು ಮಾಡಿದೆ ಎನ್ನಲಾಗಿದೆ.