ಪ್ರೀಮಿಯಂ ಸ್ಮಾರ್ಟ್ಫೋನ್ಗಳಲ್ಲಿ HDR ಸಪೋರ್ಟ್ ನೀಡುತ್ತಿರುವ ಯೂಟ್ಯೂಬ್ ಮೊಬೈಲ್ ಆಪ್!

ಗೂಗಲ್ ತನ್ನ ಯೂಟ್ಯೂಬ್ ಸ್ಮಾರ್ಟ್ಫೋನ್ ಆಪ್ನಲ್ಲಿ ನೀಡುತ್ತಿದೆಯಂತೆ HDR ವೀಡಿಯೋಗಳನ್ನು ನೋಡುವ ಸಾಮರ್ಥ್ಯ. ಈ ಸುದ್ದಿ ಈಗಾಗಲೇ ಖಾತ್ರಿಯಾಗಿದ್ದು ಈ ಕುರಿತು ಹೆಚ್ಚಿನ ಮಾಹಿತಿ ಹೊರಬಿದ್ದಿದೆ. ಯೂಟ್ಯೂಬ್ ಆಪ್ನಲ್ಲಿ ನಾವು ನೋಡುವ ವೀಡಿಯೋಗಳ ಗುಣಮಟ್ಟವನ್ನು HDR ಗೆ ಬದಲಾಯಿಸುವ ಮೂಲಕ HDR ವೀಡಿಯೋಗಳನ್ನು ನಮ್ಮ ಸ್ಮಾರ್ಟ್ಫೋನ್ಗಳಲ್ಲಿ ನೋಡಬಹುದು.

ಯೂಟ್ಯೂಬ್ ಆಪ್ ನೀಡಲಿದೆ 1080p ರೆಸೊಲ್ಯೂಶನ್ ಮತ್ತು 60fps ಗುಣಮಟ್ಟದ HDR ವೀಡಿಯೋಗಳನ್ನು. ಯೂಟ್ಯೂಬ್ ಈ ಅಪ್ಡೇಟ್ ಅನ್ನು ಸದ್ದಿಲ್ಲದೆ ಬಿಡುಗಡೆ ಮಾಡಿದ್ದರೂ, ಮೊಬೈಲ್ ಆಸಕ್ತರ ದೃಷ್ಟಿ ಇದರತ್ತ ಹರಿದಿದೆ.

ಯೂಟ್ಯೂಬ್ ನಲ್ಲಿ HDR ಸಾಮರ್ಥ್ಯವನ್ನು ನವಂಬರ್ 2016ರಲ್ಲೇ ನೀಡಿದ್ದರೂ, HDR ಸ್ಕ್ರೀನ್ ಹೊಂದಿರುವ ಎಲ್ಲಾ ಸ್ಮಾರ್ಟ್ಫೋನ್ಗಳಿಗೆ ಈ ಸಾಮರ್ಥ್ಯವನ್ನು ಇನ್ನೂ ಒದಗಿಸಿಲ್ಲ. ಸಧ್ಯಕ್ಕೆ ಈ ಸಾಮರ್ಥ್ಯ ಕೇವಲ ಹೈ-ಎಂಡ್ ಪ್ರೀಮಿಯಂ ಸ್ಮಾರ್ಟ್ಫೋನ್ಗಳಿಗೆ ನೀಡಲಾಗಿದೆ. ಗ್ಯಾಲಕ್ಸಿ S8, ನೋಟ್ 8, ಗೂಗಲ್ ಪಿಕ್ಸೆಲ್, LG V30, ಎಕ್ಸ್ಪೀರಿಯಾ XZ ಪ್ರೀಮಿಯಂ ಮೊದಲಾದ ಮೊಬೈಲ್ಗಳಲ್ಲಿ ಈ ಸಾಮರ್ಥ್ಯ ನೀಡಲಾಗಿದೆ.

ಗೂಗಲ್ ಭವಿಷ್ಯದಲ್ಲಿ HDR ಸಾಮರ್ಥ್ಯದೊಂದಿಗೆ ಬಿಡುಗಡೆಯಾಗಲಿರುವ ಮತ್ತಷ್ಟು ಸ್ಮಾರ್ಟ್ಫೋನ್ಗಳಲ್ಲಿ ಉತ್ತಮ ಗುಣಮಟ್ಟದ ವೀಡಿಯೋಗಳನ್ನು ನೋಡಲು ಅಗತ್ಯ ಬೆಂಬಲ ನೀಡಲಿದೆ.

HDR ಸಪೋರ್ಟ್ ಹೊಂದಿರುವ ಸ್ಮಾರ್ಟ್ಫೋನ್ಗಳು ತಮ್ಮ ಡಿಸ್ಪ್ಲೇ ಯ ರೆಸೊಲ್ಯೂಶನ್ ನಲ್ಲಿ ಯಾವುದೇ ಹೆಚ್ಚಳವನ್ನು ಮಾಡುವುದಿಲ್ಲ. HDR ಅಂದರೆ ಹೈ ಡೈನಾಮಿಕ್ ರೇಂಜ್ ಡಿಸ್ಪ್ಲೇ ಹೊಂದಿರುವ ಸ್ಮಾರ್ಟ್ಫೋನ್ ನಲ್ಲಿರುತ್ತದೆ ನಮ್ಮ ಕಣ್ಣಿಗೆ ಕಾಣಿಸುವಂಥ ಅತ್ಯಧಿಕ ಬಣ್ಣಗಳಿರುವ ಕಲರ್ ಸ್ಪೆಕ್ಟ್ರಮ್.

ಈ ಮೂಲಕ HDR ಡಿಸ್ಪ್ಲೇ ಹೊಂದಿರುವ ಮೊಬೈಲ್ಗಳು ಎಲ್ಲಾ ಬಣ್ಣಗಳನ್ನು ಹೆಚ್ಚಿನ ನಿಖರತೆಯೊಂದಿಗೆ ತೋರಿಸುವ ಸಾಮರ್ಥ್ಯವನ್ನು ಹೊಂದಿದ್ದು, ವೀಡಿಯೋ ಮತ್ತು ಫೋಟೋಗಳು ಹೆಚ್ಚು ನೈಜವಾಗಿ ಮತ್ತು ಜೀವಂತಿಕೆಯಿಂದ ಕೂಡಿದಂತೆ ಕಾಣಿಸುತ್ತವೆ.