ಭಾರತೀಯ ಬಳಕೆದಾರರಿಗೆ ಇಲ್ಲಿದೆ 10 ಅಮೇಜಾನ್ ಸ್ಕಿಲ್ ಗಳು

ಊಬರ್ ಅಥವಾ ಓಲಾ ಬುಕ್ ಮಾಡಿ

ಅಲೆಕ್ಸಾ ಬಳಕೆದಾರರು ತಮ್ಮ ಓಲಾ ಅಥವಾ ಊಬರ್ ಖಾತೆಯನ್ನು ಆಪ್ ನೊಂದಿಗೆ ಲಿಂಕ್ ಮಾಡುವ ಮೂಲಕ ಓಲಾ/ಊಬರ್ ನಲ್ಲಿ ಕ್ಯಾಬ್ ಬುಕ್ ಮಾಡಬಹುದು. ಓಲಾ ಅಥವಾ ಊಬರ್ ಖಾತೆಯನ್ನು ಅಲೆಕ್ಸಾ ಜೊತೆ ಜೋಡಿಸಿದ ನಂತರ ಅಲೆಕ್ಸಾ ನಿಮಗಾಗಿ ಕ್ಯಾಬ್ ಬುಕ್ ಮಾಡಬಲ್ಲದು.

ಸ್ಮಾರ್ಟ್ ಹೋಮ್ ಉತ್ಪನ್ನಗಳನ್ನು ನಿಯಂತ್ರಿಸಿ

ಭಾರತದಲ್ಲಿ ಗೂಗಲ್ ಹೋಮ್ ಇನ್ನೂ ಲಭ್ಯವಾಗಿರದ ಕಾರಣ , ಭಾರತದಲ್ಲಿ ಯಾರಾದರೂ ಸ್ಮಾರ್ಟ್ ಹೋಮ್ ಸೆಟ್ ಮಾಡಲು ಬಯಸಿದರೆ ಅವರು ಅಲೆಕ್ಸಾ ದ ಮೊರೆಹೋಗಬಹುದು.

ಅಮೇಜಾನ್ ನಲ್ಲಿ ಉತ್ಪನ್ನಗಳನ್ನು ಖರೀದಿಸಿ

ಅಮೇಜಾನ್ ನಲ್ಲಿ ನೀವು ಏನನ್ನಾದರೂ ಖರೀದಿಸಲು ಬಯಸಿದರೆ ಈ ರೀತಿಯಾಗಿ ಹೇಳಿ "ಅಲೆಕ್ಸಾ , ಆರ್ಡರ್ ಲೈಟ್ಬಲ್ಬ್". ಈ ರೀತಿಯ ಹೇಳಿಕೆಗಳ ಮೂಲಕ ಅಲೆಕ್ಸಾ ನಿಮ್ಮ ಆರ್ಡರ್ ಹಿಸ್ಟರಿಯನ್ನೊಮ್ಮೆ ಪರಿಶೀಲಿಸಿ, ಈ ಮೊದಲು ನೀವು ಅದೇ ಮಾದರಿಯ ವಸ್ತುವನ್ನು ಖರೀದಿಸಿದ್ದರೆ , ಮತ್ತೊಮ್ಮೆ ಅದೇ ವಸ್ತುವಿಗೆ ಆರ್ಡರ್ ನೀಡಬೇಕೇ ಎಂದು ನಿಮ್ಮನ್ನು ಕೇಳುತ್ತದೆ.

ಝೊಮ್ಯಾಟೋ ದಿಂದ ಆಹಾರ ತರಿಸಿ

ಅಲೆಕ್ಸಾ ದ ಝೊಮ್ಯಾಟೋ ಸ್ಕಿಲ್ಗಳನ್ನು ಸಕ್ರಿಯಗೊಳಿಸುವ ಮೂಲಕ ಅಲೆಕ್ಸಾ ನಿಮಗಾಗಿ ಝೊಮ್ಯಾಟೋ ದಿಂದ ಮನೆಗೇ ಆಹಾರ ಆರ್ಡರ್ ಮಾಡಬಲ್ಲದು ಅಥವಾ ನಿಮಗೆ ರೆಸ್ಟೋರೆಂಟ್ಗಳ ಕುರಿತು ಸಲಹೆಗಳನ್ನು ನೀಡಬಲ್ಲದು. ನಿಮ್ಮ ಆಯ್ಕೆಯ ತಿನಿಸುಗಳಿಗೆ ಸೂಕ್ತವಾದ ನಿಮ್ಮ ಸಮೀಪದ ರೆಸ್ಟೋರೆಂಟ್ಗಳ ಪಟ್ಟಿಯನ್ನು ಅಲೆಕ್ಸಾ ನಿಮಗಾಗಿ ತಯಾರಿಸಬಲ್ಲದು!

ಸ್ಕೋರ್ ಅಪ್ಡೇಟ್ಗಳನ್ನು ಪಡೆಯಿರಿ

ಅಲೆಕ್ಸಾ ವನ್ನು ಸ್ಕೋರ್ ಕುರಿತು ಮಾಹಿತಿ ಕೇಳಿದರೆ ಸಾಕು ಅದು ನಿಮಗೆ ಇತ್ತೀಚಿನ ಎಲ್ಲಾ ಮ್ಯಾಚ್ಗಳ ಸಂಕ್ಷಿಪ್ತ ಸ್ಕೋರ್ ವಿವರಣೆಯನ್ನು ನೀಡುತ್ತದೆ. ಯಾವುದಾದರೂ ನಿರ್ದಿಷ್ಟ ಮ್ಯಾಚ್ ನ ಸ್ಕೋರ್ ತಿಳಿಯ ಬಯಸಿದರೆ ಆ ಮ್ಯಾಚ್ ನ ಹೆಸರನ್ನು ನಿಮ್ಮ ಕ್ವೆರಿ ಯಲ್ಲಿ ಸೇರಿಸಿ. ಅಲೆಕ್ಸಾ ಆ ಮ್ಯಾಚ್ ನ ಎಲ್ಲಾ ವಿವರಗಳನ್ನು ನಿಮಗೆ ನೀಡುತ್ತದೆ.

ಫ್ಲ್ಯಾಶ್ ನ್ಯೂಸ್ ಪಡೆಯಿರಿ

ಇತ್ತೀಚಿನ ವಾರ್ತೆಗಳನ್ನು ನೀವು ತಿಳಿಯಬಯಸಿದರೆ ಅಲೆಕ್ಸಾ ವನ್ನು ಕೇಳಿ. ಅದು ಬೇರೆ ಬೇರೆ ಸುದ್ದಿ ಮೂಲಗಳನ್ನು ಅರಸಿ ಜಗತ್ತಿನ ಆಗುಹೋಗುಗಳ ಸಂಕ್ಷಿಪ್ತ ವಿವರಗಳನ್ನು ನಿಮಗೆ ನೀಡಬಲ್ಲದು.

ಪ್ರೈಮ್ ಮ್ಯೂಸಿಕ್ ನಿಂದ ಹಾಡು ಕೇಳಿ

ಪ್ರೈಮ್ ಮ್ಯೂಸಿಕ್ ಭಾರತದಲ್ಲಿ ಸಧ್ಯಕ್ಕೆ ಲಭ್ಯವಿಲ್ಲವಾದರೂ ಅದರ ಪ್ರಿವ್ಯೂ ಪಡೆಯಬಹುದಾಗಿದೆ. ಪ್ರೈಮ್ ಮ್ಯೂಸಿಕ್ ನಲ್ಲಿ ಕ್ಲಾಸಿಕಲ್ ರಾಕ್, ಹೆವಿ ಮೆಟಲ್, ರೆಗೇ, ಎಲೆಕ್ಟ್ರಾನಿಕಾ ಮೊದಲಾದ ಶೈಲಿಯ ಹಾಡುಗಳ ದೊಡ್ಡ ಸಂಗ್ರಹವೇ ಇದೆಯಲ್ಲದೆ ಸ್ಥಳೀಯ ಹಾಡುಗಳ ಸಂಗ್ರಹವೂ ಇದೆ.

ನಗೆಹನಿಗಳನ್ನು ಕೇಳಿ

ಅಲೆಕ್ಸಾವನ್ನು ಸ್ಥಳೀಯ ಮಾರುಕಟ್ಟೆಗೆ ಹೊಂದುವಂತೆ ಬದಲಾಯಿಸಲಾಗಿದೆ. ನಿಮಗೆ ಬೇಜಾರಾದಾಗ ಹೊತ್ತು ಕಳೆಯಲು ನಗೆಹನಿಯೊಂದನ್ನು ಹೇಳುವಂತೆ ಅಲೆಕ್ಸಾ ಗೆ ತಿಳಿಸಿ. ಅಲೆಕ್ಸಾ ನಿಮಗಾಗಿ ನಗೆಹನಿಯನ್ನೂ ಹೇಳಬಲ್ಲದು.

ಗೇಮ್ಸ್ ಆಡಿ

ಅಲೆಕ್ಸಾ ನಲ್ಲಿ ವಿವಿಧ ರೀತಿಯ ಸಾವಿರಾರು ಗೇಮ್ ಗಳ ಭಂಡಾರವೇ ಇದೆ. ಹಲವು ಘಂಟೆಗಳ ಕಾಲ ನಿಮ್ಮ ಗಮನವನ್ನು ಸೆರೆಹಿಡಿಯುವ ಶಕ್ತಿ ಈ ಗೇಮ್ ಗಳಿಗಿದೆ. "ಅಲೆಕ್ಸಾ, ಲೆಟ್ಸ್ ಪ್ಲೇ ಅ ಗೇಮ್" ಎನ್ನಿ, ಆಟವಾಡುತ್ತಾ ಸಮಯ ಕಳೆಯಿರಿ.

ನಿಮ್ಮ Aadhaar ದುರುಪಯೋಗವಾಗಿದೆಯೇ..? ಪತ್ತೆ ಹಚ್ಚುವುದು ಹೇಗೆ..?

ನಿಮ್ಮ ಕುಟುಂಬದವರಿಗೆ ಅಥವಾ ಸ್ನೇಹಿತರಿಗೆ ಕರೆ ಮಾಡಿ

ನಿಮ್ಮ ಕುಟುಂಬಸ್ಥರು ಅಥವಾ ಸ್ನೇಹಿತರು ಇಖೋ ಸಾಧನವನ್ನು ಹೊಂದಿದ್ದಲ್ಲಿ ನೀವು ಅವರಿಗೆ ಉಚಿತವಾಗಿ ಕಾಲ್ ಅಥವಾ ಮೆಸೇಜ್ ಮಾಡಬಹುದು.