ನಿಮ್ಮ ಗೆಜೆಟ್ಸ್ ಗಳು ಬೇಹುಗಾರಿಕೆ ನಡೆಸುವುದನ್ನು ತಪ್ಪಿಸುವ 5 ವಿಧಾನಗಳು

MIC ಅನ್ನು ನಿಷ್ಕ್ರಿಯಗೊಳಿಸಿರಿ

ಸ್ಮಾರ್ಟ್ ಸ್ಪೀಕರ್ ಗಳಲ್ಲಿ ಒಂದು ಫಿಸಿಕಲ್ ಬಟನ್ ಇರುತ್ತೆ. ಅದು ಮೈಕ್ರೋಫೋನ್ ಗಳನ್ನು ಡಿಸೇಬಲ್ ಅಥವಾ ನಿಷ್ಕ್ರಿಯಗೊಳಿಸಲು ಇರುವ ಒಂದು ವಿಧಾನ. ಇದು ಮೈಕ್ರೋಫೋನ್ ಗಳನ್ನು ಡಿಆಕ್ಟಿವೇಟ್ ಮಾಡಲು ಇರುವ ಒಂದು ಅವಕಾಶವಾಗಿದ್ದು, ವಯಕ್ತಿಕ ಅಥವಾ ಸೂಕ್ಷ್ಮ ವಿಚಾರಗಳನ್ನು ಇಲ್ಲವೇ ವೃತ್ತಿಪರವಾದ ವಿಚಾರಗಳ ಮಾಹಿತಿಯನ್ನು ಮಾತನಾಡುವಾಗ ಯಾವಗಲೂ ಈ ಬಟನ್ ನ್ನು ಬಳಕೆ ಮಾಡಬೇಕು. ನಿಮ್ಮ ಮಾತುಕತೆ ಮುಗಿದ ನಂತರ ಈ ಸ್ವಿಚ್ಚನ್ನು ಆನ್ ಮಾಡಿ. MIC ನ್ನು ಆಫ್ ಮಾಡಿ ಇಡುವುದು ದೊಡ್ಡ ಕೆಲಸವೇನಲ್ಲ.

MIC ಗೆ ಕೆಲವು ವಿಚಾರಗಳಿಗೆ ಮಾತ್ರ ಆಕ್ಸಿಸ್ ನೀಡುವುದು

ಈಗಾಗಲೇ ತಿಳಿಸಿದಂತೆ ಮೈಕ್ರೋಫೋನ್ ನ್ನು ಆಫ್ ಮಾಡಿ ಇಡುವುದೊಂದೇ ಎಲ್ಲ ಸಮಸ್ಯೆಗೂ ಪರಿಹಾರವಲ್ಲ., ಕೇವಲ ಸ್ಪೀಕರ್ ಆಗಿ ಮಾತ್ರ ನಿಮ್ಮ ಫೋನನ್ನ ನೀವು ಬಳಕೆ ಮಾಡುವುದಿಲ್ಲ ಅಲ್ವಾ.. ಹಾಗಿರುವಾಗ ಹೀಗೆ ಮಾಡುವುದು ನಿಮಗೆ ಅಷ್ಟು ಸರಿ ಕಾಣುವುದಿಲ್ಲ ಎಂದಾದರೆ., ಖಂಡಿತ ಇದಕ್ಕೊಂದು ಬದಲಿ ಮಾರ್ಗವಿದೆ. ನೀವೇನು ಮಾಡಬಹುದು ಎಂದರೆ ಸೆಟ್ಟಿಂಗ್ಸ್ ಗೆ ತೆರಳಿ ಮತ್ತು ಮೈಕ್ರೋಫೋನ್ ಗೆ ಯಾವೆಲ್ಲ ಆಪ್ ಗಳ ಆಕ್ಸಿಸ್ ನೀಡಬೇಕು ಎಂಬುದನ್ನು ಆಯ್ಕೆ ಮಾಡಿ. ವೀಡಿಯೋ ಕಾಲ್, ವೀಡಿಯೋ ಕಾನ್ಫರೆನ್ಸಿಂಗ್ ಗಳಿಗೆ ಮಾತ್ರ ಅವಕಾಶ ಕೊಟ್ಟು, ಅಗತ್ಯವಿಲ್ಲದ ಆಪ್ ಗಳಿಗೆ ಮೈಕ್ರೋಫೋನ್ ಆಕ್ಸಿಸ್ ನ್ನು ಕಡಿತಗೊಳಿಸಿ ಬಿಡಿ.

ಕ್ಯಾಮರಾ ಸ್ವಿಚ್ ಆಫ್ ಮಾಡಿ

ನಿಮ್ಮ ಹೋಮ್ ಸೆಕ್ಯುರಿಟಿ ಕ್ಯಾಮರಾಗಳೇ ಆಗಿದ್ದರೆ, ಯಾವಾಗಲೂ ರೆಕಾರ್ಡ್ ಆಗುತ್ತಲೇ ಇರುವುದು ಭದ್ರತೆಯ ದೃಷ್ಟಿಯಿಂದ ಅಧ್ಬುತ ಐಡಿಯಾವೇ. ಆದರೆ ನೀವು ಮನೆಯಲ್ಲಿರುವಾಗ ಆ ಕ್ಯಾಮರಾಗಳನ್ನು ಗೋಡೆಯ ಕಡೆಗೆ ತಿರುಗುವಂತೆ ಮಾಡಬಹುದು. ಆ ಮೂಲಕ ಮನೆಯಲ್ಲಿ ನಡೆಯುವ ಕೆಲವು ಗುಪ್ತ ವಿಚಾರಗಳು ಇಲ್ಲವೇ ಪರ್ಸನಲ್ ಲೈಫಿನ ಸಂಗತಿಗಳು ರೆಕಾರ್ಡ್ ಆಗಿ ಇತರರಿಗೆ ಮಾಹಿತಿ ಹೋಗುವುದು ತಪ್ಪುತ್ತದೆ. ನೀವು ಮನೆಯಿಂದ ತೆರಳುತ್ತಿದ್ದಂತೆ ಅವುಗಳನ್ನು ಮತ್ತೆ ಆನ್ ಮಾಡಿ ಮೊದಲಿನ ಪೊಸಿಷನ್ ಗೆ ಬರುವಂತೆ ಮಾಡಬಹುದಾಗಿದೆ.

ಒಮ್ಮೆ ನೋಡಿದರೆ ಅರ್ಥವಾಗದ 10 ನಂಬಲಾಗದ ಚಿತ್ರಗಳಿವು!!

ಫ್ಯಾರಡೇ ಬ್ಯಾಗ್ ಗಳನ್ನು ಬಳಸಿ

ಇದು ಸಾಮಾನ್ಯದ ಬ್ಯಾಗ್ ಅಲ್ಲ. ನಿಮ್ಮ ಮೊಬೈಲ್ ಇಡುವ ಅಥವಾ ನಿಮ್ಮ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಇಟ್ಟುಕೊಳ್ಳುವ ಪೌಚ್. ಇದರ ವಿಶೇಷತೆ ಏನೆಂದರೆ ಈ ಬ್ಯಾಗ್ ನಲ್ಲಿ ನಿಮ್ಮ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಇಟ್ಟರೆ, ಅದರಿಂದ ಯಾವುದೇ ಎಲೆಕ್ಟ್ರೋಮ್ಯಾಗ್ನಟಿಕ್ ತರಂಗಗಳು ಹೊರಹೋಗುವುದಕ್ಕೆ ಈ ಬ್ಯಾಗ್ ಅವಕಾಶ ನೀಡುವುದಿಲ್ಲ. ಇದರಿಂದಾಗಿ ಯಾರಿಗೂ, ಯಾವುದೇ ಕಾರಣಕ್ಕೂ ನೀವಿರುವ ಸ್ಥಳದ ಮಾಹಿತಿಯಾಗಲಿ, ಇನ್ನಿತರೆ ಯಾವುದೇ ಮಾಹಿತಿಯಾಗಲಿ ಸೋರಿಕೆಯಾಗಲು ಬಿಡುವುದಿಲ್ಲ. ಆದರೆ ಈ ಬ್ಯಾಗಿನ ವೈಫಲ್ಯವೇನೆಂದರೆ ಇದರಲ್ಲಿ ಮೊಬೈಲ್ ಇಟ್ಟುಕೊಂಡರೆ ನಿಮಗೆ ಯಾವ ಫೋನ್ ಕಾಲ್ ಕೂಡ ಬರುವುದಿಲ್ಲ, ಮೆಸೇಜ್ ಕೂಡ ಬರುವುದಿಲ್ಲ. ನಿಮ್ಮ ಮೊಬೈಲ್ ಡೆಡ್ ಆಗಿರುವ ಸ್ಥಿತಿಯಲ್ಲಿದ್ದಂತೆ ಅಷ್ಟೇ.,.

ಓದುವುದು

ಬಹಳಷ್ಟು ಟೆಕ್ ಕಂಪೆನಿಗಳು ತಮ್ಮ ಬಳಕೆದಾರರಿಗೆ ಯಾವುದೇ ರೀತಿಯ ತೊಂದರೆ ಎದುರಾಗಬಾರದು ಮತ್ತು ಹೆಚ್ಚು ಕಷ್ಟಪಡುವಂತೆ ಆಗಬಾರದು ಎಂಬ ನಿಟ್ಟಿನಲ್ಲಿ ಹಲವಾರು ತಮ್ಮ ಡಿವೈಸ್ ಗಳ ಬಗೆಗಿನ ಮ್ಯಾನುವಲ್ ಮತ್ತು ಹೇಗೆ ಅದನ್ನು ಬಳಸಬೇಕು ಎಂಬ ಬಗೆಗಿನ ಆಪರೇಟಿಂಗ್ ಇನ್ಸ್ ಟ್ರಕ್ಷನ್ ಗಳನ್ನು ನೀಡಿರುತ್ತಾರೆ. ಅವುಗಳನ್ನು ಜಾಗರೂಕತೆಯಿಂದ ಓದಿ ಮತ್ತು ನೀವು ಖರೀದಿಸಿದ ಡಿವೈಸ್ ಗಳ ಬಗ್ಗೆ ಸಂಪೂರ್ಣ ವಿವರ ತಿಳಿದುಕೊಂಡಿರಿ. ಅಷ್ಟೇ ಅಲ್ಲ,ಡಿವೈಸ್ ಗಳ ಬಗೆಗಿನ ಮಾಹಿತಿಯ ವೀಡಿಯೋಗಳು, ಪುಸ್ತಕಗಳು ಮತ್ತು ಲೇಖನಗಳನ್ನು ಅಧ್ಯಯನ ಮಾಡಿ. ಆಗ ಮಾತ್ರ ದಿನದಿಂದ ದಿನಕ್ಕೆ ಶರವೇಗದಲ್ಲಿ ಬೆಳೆಯುತ್ತಿರುವ ಟೆಕ್ನಾಲಜಿಯನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಿದೆ..

ಎನಿ ವೇ , ಈ ಲೇಖನ ಓದಿದಕ್ಕೆ ಧನ್ಯವಾದಗಳು ಮತ್ತು ನಿಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಮೂಲಕ ತಿಳಿಸುವುದನ್ನು ಮರೆಯಬೇಡಿ...