ಸ್ಮಾರ್ಟ್‌ಫೋನ್‌ನಲ್ಲಿ ಕಾಣಿಸಿಕೊಳ್ಳುವ ಸಿಮ್‌ ಎಂಎಂ2 ದೋಷ ಸಂದೇಶ ಪರಿಹಾರ ಹೇಗೆ..?

ಏನೀದು ಸಿಮ್‌ ನಾಟ್‌ ಪ್ರಾವಿಜನ್ಡ್‌ ಎಂಎಂ2 ದೋಷ?

ಸಿಮ್ ಕಾರ್ಡ್‌ಗಳು ನಿಮ್ಮ ಸೆಲ್‌ಫೋನ್ ಮತ್ತು ವಾಹಕದ ನಡುವೆ ಸಂಪರ್ಕ ಕಲ್ಪಿಸಲು ವಿನ್ಯಾಸಗೊಳಿಸಲಾದ ಸಣ್ಣ ಚಿಪ್‌ಗಳಾಗಿವೆ. ಇದು ನಿಮ್ಮ ಸೆಲ್‌ಫೋನ್ ಖಾತೆಯನ್ನು ಗುರುತಿಸಲು ಸಹಾಯ ಮಾಡುವ ಹಲವಾರು ಮಾಹಿತಿಗಳನ್ನು ಒಳಗೊಂಡಿದೆ. ಕರೆಗಳು, ಎಸ್‌ಎಂಎಸ್ ಇತ್ಯಾದಿಗಳನ್ನು ಮಾಡಲು ಮತ್ತು ಸ್ವೀಕರಿಸಲು ಇದು ಬಳಕೆದಾರರನ್ನು ಶಕ್ತಗೊಳಿಸುತ್ತದೆ. ಹೊಸ ಸಿಮ್‌ನಲ್ಲಿ ಈ ದೋಷ ಕಂಡುಬರುವುದು ಸಾಮಾನ್ಯ ಆದರೆ, ಹಳೆಯ ಸಿಮ್ ಕಾರ್ಡ್‌ನಲ್ಲಿ ‘ಸಿಮ್ ಎಂಎಂ2' ದೋಷ ಕಂಡುಬರುತ್ತಿದ್ದರೆ, ನೀವು ಕೆಲವು ವಿಷಯಗಳನ್ನು ಪರಿಗಣಿಸಬೇಕಾಗುತ್ತದೆ. ಈ ಕೆಳಗಿನ ವಿಧಾನಗಳ ಮೂಲಕ ಸಿಮ್‌ ಎಂಎಂ2 ದೋಷವನ್ನು ಪರಿಹಿರಿಸಿ.

1. ನಿಮ್ಮ ಸ್ಮಾರ್ಟ್‌ಫೋನ್‌ ರಿಸ್ಟಾರ್ಟ್‌ ಮಾಡಿ

‘ಸಿಮ್ ಎಂಎಂ 2' ದೋಷ ಸಂದೇಶ ಸರಿಪಡಿಸಲು ನೀವು ಮಾಡಬಹುದಾದ ಮೊದಲ ಕೆಲಸ ಇದು. ನೆಟ್‌ವರ್ಕ್ ದಟ್ಟಣೆಯಿಂದಾಗಿ ಈ ದೋಷವು ಗೋಚರಿಸುತ್ತಿದ್ದರೆ, ಅದನ್ನು ಸರಿಪಡಿಸಬಹುದು. ಆದ್ದರಿಂದ, ಇತರ ವಿಧಾನಗಳನ್ನು ಅನುಸರಿಸುವ ಮೊದಲು, ನಿಮ್ಮ ಸಾಧನವನ್ನು ರಿಸ್ಟಾರ್ಟ್‌ ಮಾಡಿ ಖಚಿತಪಡಿಸಿಕೊಳ್ಳಿ.

2. ಸಿಮ್‌ಕಾರ್ಡ್ ರಿಇನ್ಸರ್ಟ್‌ ಮಾಡಿ

ಸ್ಮಾರ್ಟ್‌ಫೋನ್ ರಿಸ್ಟಾರ್ಟ್‌ ಮಾಡಿದರೂ ಸಮಸ್ಯೆ ಬಗೆಹರಿದಿಲ್ಲವೆಂದರೇ, ಸಿಮ್‌ಕಾರ್ಡ್ ತೆಗೆದು ಮತ್ತೆ ಹಾಕಿ. ಸರಿಯಾಗಿ ಹೊಂದಿಸದ ಸಿಮ್ ಕಾರ್ಡ್ ಸಿಮ್ ಸಾಕಷ್ಟು ನೆಟ್‌ವರ್ಕ್-ಸಂಬಂಧಿತ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಸಿಮ್ ಮತ್ತು ಸಿಮ್ ಕಾರ್ಡ್ ಸ್ಲಾಟ್‌ನ್ನು ಪರಿಶೀಲಿಸಿ. ಸಿಮ್ ಅಥವಾ ಸಿಮ್ ಸ್ಲಾಟ್ ಹಾನಿಗೊಳಗಾಗಿದ್ದರೆ, ನೀವು ಅದನ್ನು ಬದಲಾಯಿಸಬೇಕಾಗಿದೆ.

3. ಸಿಮ್ ಸಕ್ರಿಯವಾಗಿದೆಯಾ ಅಥವಾ ಇಲ್ಲವಾ? ಪರಿಶೀಲಿಸಿ

ಹೊಸ ಸಿಮ್ ಕಾರ್ಡ್ ಸಾಮಾನ್ಯವಾಗಿ 24 ರಿಂದ 48 ಗಂಟೆಗಳಲ್ಲಿ ಸಕ್ರಿಯಗೊಳ್ಳುತ್ತದೆ. ಆದ್ದರಿಂದ, ನೀವು ಹೊಸ ಸಿಮ್ ಕಾರ್ಡ್ ಖರೀದಿಸಿ ಮತ್ತು ಸಿಮ್ ಎಂಎಂ2 ದೋಷ ಸಂದೇಶವನ್ನು ಪಡೆಯುತ್ತಿರಿ. ಆದ್ದರಿಂದ ನೀವು ಸ್ವಲ್ಪ ಸಮಯ ಕಾಯಬೇಕು. ನಿಮ್ಮ ಸಕ್ರಿಯಗೊಳಿಸುವ ಪ್ರಕ್ರಿಯೆಯನ್ನು ಪರಿಶೀಲಿಸಲು ನೀವು ಟೆಲಿಕಾಂ ಸೇವೆಗಳನ್ನು ಸಹ ಬಳಸಬಹುದು.

4. ನೆಟ್‌ವರ್ಕ್ ಪೂರೈಕೆದಾರರನ್ನು ಸಂಪರ್ಕಿಸಿ

ಸಿಮ್ ಸಕ್ರಿಯಗೊಳಿಸಿದ ನಂತರವೂ ನೀವು ಎರರ್‌ ಮೆಸೇಜ್‌ ಕಂಡರೆ, ನಿಮ್ಮ ನೆಟ್‌ವರ್ಕ್ ಪೂರೈಕೆದಾರರನ್ನು ಸಂಪರ್ಕಿಸಬೇಕು. ಸಕ್ರಿಯಗೊಳಿಸುವ ಸರ್ವರ್‌ನಲ್ಲಿ ಕೆಲವು ಸಮಸ್ಯೆಗಳಿರಬಹುದು, ಅದನ್ನು ನೆಟ್‌ವರ್ಕ್‌ ಕಂಪನಿಗಳ ಕಡೆಯಿಂದ ಮಾತ್ರ ಸರಿಪಡಿಸಬಹುದು. ಎಂಎಂ2 ದೋಷ ಸಂದೇಶಕ್ಕೆ ಸಂಬಂಧಿಸಿದ ನಿಮ್ಮ ಎಲ್ಲಾ ಅನುಮಾನಗಳನ್ನು ನೆಟ್‌ವರ್ಕ್ ಒದಗಿಸುವವರು ತೆರವುಗೊಳಿಸುತ್ತಾರೆ.