ನಿಮ್ಮ ಡಿವೈಸ್ ನಿಂದ ತುಂಡಾಗಿರುವ ಹೆಡ್ ಫೋನ್ ಜಾಕ್ ನ್ನು ತೆಗೆಯುವುದು ಹೇಗೆ?

ಪೆನ್ನಿನ ಕಡ್ಡಿಯ ಟ್ಯೂಬ್ ಬಳಕೆ

ನಿಮ್ಮ ಫೋನಿನ ಒಳಗೆ ಸಿಲುಕಿಹೊಕಿಕೊಂಡಿರುವ ಜಾಕ್ ನ್ನು ನಿಮ್ಮ ಪೆನ್ನಿನ ನಿಬ್ ಅಥವಾ ಟ್ಯೂಬ್ ಬಳಸಿ ತೆಗೆಯಬಹುದು. ಸ್ವಲ್ಪ ತಾಳ್ಮೆ ವಹಿಸಿ ಕೆಲಸ ಮಾಡಬೇಕಾಗುತ್ತದೆ. ಪೆನ್ನಿನ ಕಡ್ಡಿಯ ಇಂಕ್ ಇಲ್ಲದ ಭಾಗವನ್ನು ಬಳಕೆ ಮಾಡಿ, ಅಥವಾ ನಿಬ್ ನ ವಿರುದ್ಧ ಭಾಗವನ್ನು ಬಳಸಿ ಈ ಕೆಲಸ ಮಾಡಬಹುದು. ಇಯರ್ ಫೋನಿನ ಸಾಕೆಟ್ ಒಳಗೆ ಇದನ್ನು ಹಾಕಿ,ಜಾಕ್ ನ್ನು ಗ್ರಿಪ್ ಆಗುವಂತೆ ಮಾಡಿ ಎಳೆದರಾಯಿತು.

ಕೆಲವು ಜಾತಿಯ ಅಂಟುಗಳು

ಫೆವಿಕ್ವಿಕ್ ನಂತಹ ಅಂಟುಗಳಿಂದ ಈ ಕೆಲಸ ಆಗುವುದಿಲ್ಲ. ಆದರೆ ಕೆಲವು ಅಂಟುಗಳಿರುತ್ತೆ. ಅವು ಕೂಡಲೇ ಅಂಟುವುದಿಲ್ಲ. ಬದಲಾಗಿ ಕೆಲವು ಸೆಕೆಂಡುಗಳ ಸಮಯವನ್ನು ತೆಗೆದುಕೊಳ್ಳುತ್ತೆ. ಇಂತಹ ಅಂಟುಗಳನ್ನ ಇಯರ್ ಫೋನಿನ ಸಾಕೆಟ್ ಗೆ ಹಾಕಿ ಅದನ್ನು ಫೋನಿನಲ್ಲಿ ಸಿಲುಕಿಕೊಂಡಿರುವ ಜಾಕ್ ಗೆ ಅಂಟಿಸಿ. 30 ಸೆಕೆಂಡ್ ಕಾಯಿರಿ. ನಂತರ ಎಳೆಯಿರಿ. ಅಂಟಿನ ಅಂಶ ನಿಮ್ಮ ಜಾಕ್ ನ್ನು ಫೋನಿನಿಂದ ಹೊರ ತೆಗೆಯಲು ಸಹಾಯ ಮಾಡುತ್ತೆ.

ಥಂಬ್ಟಾಕ್ಸ್ ಅಥವಾ ಗೋಡೆಗೋ ಚುಚ್ಚುವ ಪಿನ್ನುಗಳು, ಇಲ್ಲವೇ ಯಾವುದೇ ರೀತಿಯ ಪಿನ್ನುಗಳು

ಪಿನ್ನುಗಳ ಬಳಕೆ ಒಂದು ಅತ್ಯುತ್ತುಮ ವಿಧಾನ. ಸಾಕೆಟ್ ಒಳಗೆ ಪಿನ್ನನ್ನು ಹಾಕಿ, ಇಯರ್ ಫೋನ್ ಸಾಕೆಟ್ ನ ಪ್ಲಾಸ್ಟಿಕ್ ಪಾರ್ಟ್ ಗೆ ತಾಗಿದಾಗ ಮುಂದಕ್ಕೆ ತಳ್ಳಿ,ತಿರುಗಿಸಿ ಎಳೆಯಿರಿ. ಈ ವಿಧಾನದಿಂದಲೂ ಈಗ ಇಯರ್ ಫೋನಿನ ಜಾಕ್ ನ್ನು ಹೊರತೆಗೆಯಬಹುದು. ಆದರೆ ಫೋನಿಗೆ ಏನೂ ತೊಂದರೆ ಮಾಡಿಕೊಳ್ಳದೆ ಕೆಲಸ ನಿರ್ವಹಿಸಿ.

ಟೂತ್ ಪಿಕ್ ಮತ್ತು ಬಿಸಿ ಅಂಟು ಬಳಸಬಹುದು

ಮರ ಅಥವಾ ಪ್ಲಾಸ್ಟಿಕ್ ನಿಂದ ತಯಾರಿಸಿದ ಟೂತ್ ಪಿಕ್ ಗಳನ್ನು ಬಳಸಿ ಕೂಡ ಈ ಕೆಲಸ ಮಾಡಬಹುದು. ಆದರೆ ಸರಿಯಾದ ಉದ್ದದ ಟೂತ್ ಪಿಕ್ ಬಳಕೆ ಮಾಡಿ, ಇಯರ್ ಫೋನ್ ಜಾಕಿನ ಎರಡು ಅಂಚನ್ನು ತಲುಪುವಂತಿದ್ದರೆ ಒಳಿತು. ನಿಮ್ಮ ಟೂತ್ ಪಿಕ್ ಗೆ ಸ್ವಲ್ಪವೇ ಸ್ವಲ್ಪ ಬಿಸಿ ಅಂಟನ್ನು ಬಳಸಿ, ಒಂದು ನಿಮಿಷ ತಣ್ಣಗಾಗಲು ಬಿಡಿ.ಅದನ್ನು ಫೋನಿನ ಸಾಕೆಟ್ ನಲ್ಲಿ ಹಾಕಿ ಇಯರ್ ಫೋನ್ ಜಾಕನ್ನು ತೆಗೆಯಿರಿ.

ಪೇಪರ್ ಕ್ಲಿಪ್ ನ್ನು ಬಿಸಿ ಮಾಡಿ ಬಳಸಿ

ಪೇಪರ್ ಹಾಕುವ ಕ್ಲಿಪ್ ಕೇವಲ ಪೇಪರ್ ಶಿಸ್ತಾಗಿರುವಂತೆ ಬಂಡಲ್ ಮಾಡಿ ಇಡಲು ಮಾತ್ರವಲ್ಲ ಬದಲಾಗಿ ನಿಮ್ಮ ಫೋನ್ ಮತ್ತು ಇಯರ್ ಫೋನಿನ ರಿಪೇರಿ ಕೆಲಸಕ್ಕೂ ಬರಲಿದೆ. ಹೇಗೆ ಅಂತೀರಾ.. ಇಲ್ಲಿದೆ ನೋಡಿ. ಪೇಪರ್ ಪಿನ್ನನ್ನು ಸ್ವಲ್ಪ ಅಗಲಿಸಿ ಸುಮಾರು 90 ಡಿಗ್ರಿಗೆ ಬೆಂಡಾಗಿರಲಿ. ಪೇಪರ್ ಕ್ಲಿಪ್ಪಿನ ಒಂದು ಭಾಗವನ್ನು ಹಿಡಿದು ಸ್ವಲ್ಪ ಬಿಸಿ ಮಾಡಿ, ಅದನ್ನು ಸಾಕೆಟ್ ಒಳಗೆ ಹಾಕಿ, ಮುಂದಕ್ಕೆ ದೂಡಿ, ಹಿಂದಕ್ಕೆ ಎಳೆಯರಿ,. ಸ್ವಲ್ಪವೇ ಸ್ವಲ್ಪ ಸಮಯದಲ್ಲಿ ನಿಮ್ಮ ಫೋನಿನ ಒಳಗೆ ಸಿಲುಕಿಕೊಂಡಿದ್ದ ಇಯರ್ ಫೋನ್ ಜಾಕ್ ನಿಮ್ಮ ಕೈಯಲ್ಲಿರುತ್ತೆ.,

How to read deleted WhatsApp messages - GIZBOT KANNADA

ಗ್ರಿಕ್ ಸ್ಟಿಕ್

ಇದು ನೀವು ಬಳಸಬೇಕಾಗಿರುವ ಕೊನೆಯ ವಸ್ತುವಾಗಿದೆ. ಇದು ಇಯರ್ ಫೋನ್ ಜಾಕ್ ತೆಗೆಯಲೆಂದೇ ತಯಾರಿಸಿರುವ ಟೂಲ್ ಆಗಿದೆ. ಬೆಲೆಯೂ ಕಡಿಮೆಯೇ. ನೀವ ಅಂಗಡಿಗೆ ಹೋಗಿ ಫೋನಿನ ರಿಪೇರಿ ಮಾಡಿಸಿ ಚಾರ್ಜ್ ಮಾಡುವುದಕ್ಕಿಂತ ಇದು ಕಡಿಮೆ ಬೆಲೆಗೆ ನಿಮ್ಮ ಕೈಗೆಟುಕುತ್ತೆ. nightek.com ಮೂಲಕ ಈ ಟೂಲನ್ನು ನೀವು ಖರೀದಿ ಮಾಡಬಹುದು. $24.95 ಇದು ನಿಮ್ಮ ಕೈಗೆ ಸಿಗುತ್ತೆ.