ನಿಮ್ಮ ದುಬಾರಿ ಫೋನ್ ಭದ್ರತೆಗಾಗಿ ಟಾಪ್ ಟಿಪ್ಸ್

ಸ್ಮಾರ್ಟ್‌ಫೋನ್ ಪ್ಯಾಟ್ರನ್ ಲಾಕ್

ಸ್ಮಾರ್ಟ್‌ಫೋನ್ ಪ್ಯಾಟ್ರನ್ ಲಾಕ್ ನಿಮ್ಮ ಫೋನ್‌ನ ಸುರಕ್ಷತೆಗಾಗಿ ಪಿನ್, ಪ್ಯಾಟ್ರನ್ ಅಥವಾ ಸಂಖ್ಯೆಯುಳ್ಳ ಗೌಪ್ಯ ರಕ್ಷಣಾ ವೇದಿಕೆಯನ್ನು ನಿರ್ಮಿಸಿ. ಇದರಿಂದ ಅಪರಿಚಿತರು ಇನ್ನಿತರರು ನಿಮ್ಮ ಫೋನ್‌ನಲ್ಲಿರುವ ವೈಯಕ್ತಿಕ ಮಾಹಿತಿಗಳನ್ನು ನೋಡುವುದು ತಪ್ಪುತ್ತದೆ. ನಿಮ್ಮ ವಾಟ್ಸಾಪ್, ಫೇಸ್‌ಬುಕ್, ಫೋಟೋ ಗ್ಯಾಲರಿ ಹೀಗೆ ಪ್ರತಿಯೊಂದಕ್ಕೂ ಸುರಕ್ಷಾ ಪ್ಯಾಟ್ರನ್ ಅನ್ನು ಅಳವಡಿಸಿಕೊಳ್ಳಬಹುದಾಗಿದೆ.

ಉಚಿತವಾಗಿರುವ ವೈಫೈ ಸಂಪರ್ಕ

ಯಾವಾಗಲೂ ಉಚಿತವಾಗಿರುವ ವೈಫೈ ಸಂಪರ್ಕವನ್ನು ಬಳಸುವ ಮುನ್ನ ಸೂಕ್ತ ಜಾಗರೂಕ ಕ್ರಮಗಳನ್ನು ಅಳವಡಿಸಿಕೊಳ್ಳಿ. ಸಾರ್ವಜನಿಕ ವೈಫೈ ಕಡಿಮೆ ಭದ್ರತಾ ವಲಯಗಳನ್ನು ಪಡೆದುಕೊಂಡಿರುವುದರಿಂದ ಸುಲಭವಾಗಿ ನಿಮ್ಮ ಫೋನ್ ಅಪಾಯಕ್ಕೆ ಒಳಗಾಗಬಹುದು. ಇನ್ನು ವಿಪಿಎನ್ ಮೂಲಕ ಸಂಪರ್ಕ ಪಡೆದುಕೊಂಡು ಸಾರ್ವಜನಿಕ ವೈಫೈ ಬಳಕೆಯನ್ನು ನಿಮಗೆ ಮಾಡಿಕೊಳ್ಳಬಹುದಾಗಿದೆ.

ಫೋನ್‌ನ ಸ್ವಚ್ಛತೆ

ನಿಮ್ಮ ಫೋನ್‌ನ ಭದ್ರತೆಯೊಂದಿಗೆ ಫೋನ್‌ನ ಸ್ವಚ್ಛತೆಯನ್ನು ನೀವು ಆಗಾಗ್ಗೆ ಮಾಡಬೇಕಾಗುತ್ತದೆ. ಆಂಟಿ ಬ್ಯಾಕ್ಟೀರಿಯಲ್ ದ್ರಾವಣವನ್ನು ಬಳಸಿಕೊಂಡು ಫೋನ್‌ನ ಸ್ವಚ್ಛತೆಯನ್ನು ಮಾಡಿ.

ಚಾರ್ಜಿಂಗ್ ವಿಷಯ

ನಿಮ್ಮ ಫೋನ್ ಹೊಸತಾಗಿರಲಿ ಅಥವಾ ಹಳತೇ ಆಗಿರಲಿ ಅದರ ಸೂಕ್ತ ಕಾಳಜಿಯನ್ನು ನೀವು ಮಾಡಲೇಬೇಕು. ಫೋನ್ ಚಾರ್ಜಿಂಗ್ ವಿಷಯದಲ್ಲಿ ಅಜಾಗರೂಕರಾಗಿರಬೇಡಿ. ಒಮ್ಮೆ ಸ್ಮಾರ್ಟ್‌ಫೋನ್ ನಷ್ಟವಾಯಿತು ಎಂದಾದಲ್ಲಿ ಇದು ನಿಮಗೆ ಭರಿಸಲಾರದ ಸೋಲಾಗಿರುತ್ತದೆ. ಆಗಾಗ್ಗೆ ಫೋನ್ ಚಾರ್ಜ್ ಮಾಡುವುದು, ಕೇವಲ 40%, 60% ಚಾರ್ಜ್ ಮಾಡುವುದು ಮೊದಲಾದ ಅಭ್ಯಾಸಗಳನ್ನು ಇರಿಸಬೇಡಿ.

ಆಂಟಿವೈರಸ್ ಭದ್ರತೆ

ನಿಮ್ಮ ಫೋನ್‌ಗೆ ಸೂಕ್ತವಾದ ಆಂಟಿವೈರಸ್ ಭದ್ರತೆಯನ್ನು ಮಾಡಿ. ಆಂಟಿವೈರಸ್‌ಗಳು ನಿಮ್ಮ ಫೋನ್ ಅನ್ನು ಮಾಲ್‌ವೇರ್ ಅಥವಾ ವೈರಸ್‌ನಿಂದ ಸಂರಕ್ಷಿಸುತ್ತದೆ.

ವೈಯಕ್ತಿಕ ಮಾಹಿತಿ

ಕೆಟ್ಟ ವ್ಯಕ್ತಿಗಳ ಕೈಗೆ ನಿಮ್ಮ ವೈಯಕ್ತಿಕ ಮಾಹಿತಿ ದೊರಕುವ ಮುನ್ನವೇ ಅದನ್ನು ಅಳಿಸಿ ಹಾಕುವ ಕೆಲಸವನ್ನು ಆಂಟಿಥೆಪ್ಟ್ ಮಾಡುತ್ತದೆ. ನಿಮ್ಮ ಫೋನ್ ಎಲ್ಲಿದೆ ಎಂಬುದನ್ನು ಇದರ ಮೂಲಕ ಪತ್ತೆಹಚ್ಚಬಹುದಾಗಿದೆ.

ಅಪ್‌ಡೇಟ್‌

ನಿಮ್ಮ ಫೋನ್‌ನ ಬ್ಯಾಟರಿ, ಇಂಟರ್ಫೇಸ್, ಸುರಕ್ಷತಾ ವಲಯಗಳನ್ನು ಅಪ್‌ಡೇಟ್‌ಗಳು ನವೀಕರಿಸುತ್ತಿರುತ್ತವೆ. ಇವುಗಳ ಬಳಕೆಯನ್ನು ನೀವು ಮಾಡಿಕೊಂಡಷ್ಟೂ ಉತ್ತಮ