ವಿಶ್ವದ ಅತೀ ಹೆಚ್ಚು ಮೊಬೈಲ್ ಡೇಟಾ ಬಳಸುತ್ತಿರುವ ದೇಶ ಯಾವುದು ಗೊತ್ತಾ..?

150 ನೇ ಸ್ಥಾನದಿಂದ 1ನೇ ಸ್ಥಾನಕ್ಕೆ:

ಭಾರತದಲ್ಲಿ ಜಿಯೋ ಸೇವೆಯೂ ಆರಂಭವಾಗುವ ಮುನ್ನ ಭಾರತ ದೇಶವೂ ಮೊಬೈಲ್ ಡೇಟಾ ಬಳಕೆಯಲ್ಲಿ 150ನೇ ಸ್ಥಾನದಲ್ಲಿ ಇತ್ತು. ಆದರೆ ಜಿಯೋ ಉಚಿತವಾಗಿ ಹೈ ಸ್ಪೀಡ್ ಇಂಟರ್ನೆಟ್ ಸೇವೆಯನ್ನು ನೀಡಿದ ಪರಿಣಾಮವಾಗಿ ಭಾರತ ಇಂದು ಮೊದಲನೇ ಸ್ಥಾನದಲ್ಲಿ ಬಂದು ನಿಂತಿದೆ.

ವಿಶ್ವದ ಅತೀ ದೊಡ್ಡ 4G ನೆಟ್‌ವರ್ಕ್ ಭಾರತದಲ್ಲಿ:

ಈ ಹಿಂದೆ ಬೇರೆ ದೇಶಗಳು ಉಪಯೋಗಿಸಿಬಿಟ್ಟ ತಂತ್ರಜ್ಞಾನವನ್ನು ಬಳಕೆ ಮಾಡುತ್ತಿದ್ದ ಭಾರತ ಇಂದು ತನ್ನ ಕಾರ್ಯ ಚಟುವಟಿಕೆಯನ್ನು ಬದಲಾಯಿಸಿಕೊಂಡಿದ್ದು, ವಿಶ್ವದಲ್ಲಿ ಅತಿ ಡೊಡ್ಡ 4G ನೆಟ್‌ವರ್ಕ್ ಜಾಲವನ್ನು ಹೊಂದಿದೆ ಎನ್ನಲಾಗಿದೆ. ಇದಕ್ಕೆ ಹೆಚ್ಚಿನ ಕೊಡುಗೆಯನ್ನು ನೀಡಿರುವುದು ರಿಲಯನ್ಸ್ ಮಾಲೀಕತ್ವದ ಜಿಯೋ ಎಂದರೆ ತಪ್ಪಾಗಲಾಗುವುದಿಲ್ಲ.

ಒಂದು ತಿಂಗಳಲ್ಲಿ ಬಳಸುತ್ತಿರುವುದು 100 ಕೋಟಿ GB:

ಜಿಯೋ ದೇಶದಲ್ಲಿ ಸೇವೆಯನ್ನು ಆರಂಭಿಸದ ನಂತರದಲ್ಲಿ ಭಾರತದಲ್ಲಿ ಒಂದು ತಿಂಗಳಿಗೆ ಮೊಬೈಲ್‌ನಲ್ಲಿ ಬಳಕೆಯಾಗುತ್ತಿರುವ ಡೇಟಾ ಸಂಖ್ಯೆಯನ್ನು ಕೇಳಿದರೆ ನೀವು ಶಾಕ್ ಆಗುವುದು ಖಂಡಿತ. ಸೆಪ್ಟೆಂಬರ್ ನಂತರ ಪ್ರತಿ ತಿಂಗಳು 100 ಕೋಟಿ GB ಡೇಟಾವನ್ನು ಬಳಕೆ ಮಾಡುತ್ತಿದ್ದಾರೆ. ಇದು ಚೀನಾಕ್ಕಿಂತ 50% ಜಾಸ್ತಿ ಇದೆ ಎನ್ನಲಾಗಿದೆ.

ಪ್ರತಿ ದಿನ 200 ಕೋಟಿ ನಿಮಿಷ ವಿಡಿಯೋ ಕಾಲ್:

ಜಿಯೋ ಬಳಕೆಯೂ ಭಾರತದಲ್ಲಿ ಹೆಚ್ಚಾದ ನಂತರದಲ್ಲಿ ದೇಶದಲ್ಲಿ ಪ್ರತಿ ದಿನ 200 ಕೋಟಿ ನಿಮಿಷಗಳ ವಿಡಿಯೋ ಕಾಲ್ ಮಾಡಲಾಗುತ್ತಿದೆ. ಈ ಹಿಂದೆ ವೇಗದ ಇಂಟರ್‌ನೆಟ್ ಇಲ್ಲದ ಸಂದರ್ಭದಲ್ಲಿ ವಿಡಿಯೋ ಕಾಲಿಂಗ್ ಮಾಡುವುದು ಕಷ್ಟ ಸಾಧ್ಯವಾಗುತ್ತಿತ್ತು. ಈ ಹಿನ್ನಲೆಯಲ್ಲಿ ಇಂದು ಪ್ರತಿ ನಿತ್ಯ ವಿಡಿಯೋ ಕಾಲಿಂಗ್ ಮಾಡುವರರ ಸಂಖ್ಯೆಯೂ ಹೆಚ್ಚಾಗಿದೆ.

ಹೆಚ್ಚಿದ 4G ನೆಟ್‌ವರ್ಕ್:

ಜಿಯೋ ಸೇವೆ ಆರಂಭವಾಗುವ ಮುಂಚೆ ಕೆಲವೇ ಬರಳೆಣಿಕೆ ನಗರಗಳಲ್ಲಿ ಮಾತ್ರವೇ 4G ನೆಟ್‌ವರ್ಕ್ ಬಳಕೆಗೆ ಲಭ್ಯವಿತ್ತು. ಆದರೆ ಜಿಯೋ ಇಡೀ ದೇಶದಲ್ಲಿ ತನ್ನ 4G ನೆಟ್‌ವರ್ಕ್ ಜಾಲವನ್ನು ಹಬ್ಬಿಸಿದ್ದು, ಇದು ಬೇರೆಲ್ಲಾ ಟೆಲಿಕಾಂ ಕಂಪನಿಗೆ ಹೊಲಿಸಿದರೆ 2ಪಟ್ಟಿಗಿಂತ ಹೆಚ್ಚು ನೆಟ್‌ವರ್ಕ್ ಜಾಲವನ್ನು ಹೊಂದಿದೆ ಎನ್ನಬಹುದು.