ವಿಶ್ವದ ಬಹುದೊಡ್ಡ ವನ್ನಾಕ್ರೈ ಸೈಬರ್ ಅಟ್ಯಾಕ್ ಹಿಂದಿರುವುದು ಯಾರು ಗೊತ್ತಾ?

ಕುಖ್ಯಾತ ಲಾಝರಸ್ ಎಂಬ ಸಮೂಹ!!

ಉತ್ತರ ಕೊರಿಯದ ಪರವಾಗಿ ಕೆಲಸ ಮಾಡುತ್ತಿರುವ ಕುಖ್ಯಾತ ಲಾಝರಸ್ ಎಂಬ ಸಮೂಹ ಈ ರಾನ್‌ಸಮ್‌ವೇರ್‌ ದಾಳಿಯ ಹಿಂದಿರುವ ಸಾಧ್ಯತೆ ಇದೆ ಹೇಳಲಾಗಿದೆ.! ವಿಶ್ವದ ಬಹುದೊಡ್ಡ ದಾಳಿಯ ಹಿಂದೆ ಉತ್ತರ ಕೊರಿಯಾ ಕೈವಾಡವಿದೆ ಎನ್ನುವ ವರದಿಗಳು ಬಿತ್ತರವಾಗಿವೆ.

ಈ ಮೊದಲೂ ಇದೇ ಕುತಂತ್ರಾಂಶ!!

ಈ ಅಟ್ಯಾಕ್ ಮಾಡಿರುವ ವನ್ನಾ ಕ್ರೈನಲ್ಲಿ ಬಳಸಲಾಗಿರುವ ಕೋಡಿಂಗ್‌ ಮತ್ತು ಟೂಲ್ಸ್‌ಗಳನ್ನು ಬಳಸಿಕೊಂಡು ಈ ಮೊದಲೂ ಸಹ ಲಾಝರಸ್ ಹ್ಯಾಕಿಂಗ್‌ ಸಮೂಹ ಈ ರೀತಿಯ ಕುತಂತ್ರಾಂಶವನ್ನು ರೂಪಿಸಿತ್ತು ಎನ್ನಲಾಗಿದೆ.ವನ್ನಾ ಕ್ರಿಪ್ಟ್ ರಾನ್ ಸಮ್ ದಾಳಿಗೆ ರೂಪಿಸಲಾದ ಕುತಂತ್ರಾಂಶಕ್ಕೂ ಕುಖ್ಯಾತ ಲಾಝರಸ್‌ ಸಮೂಹದ ಈ ಹಿಂದೆ ದಾಳಿ ಮಾಡಿದ್ದ ಕುತಂತ್ರಾಂಶಕ್ಕೂ ಸಾಮ್ಯತೆ ಇದೆ ಎನ್ನಲಾಗಿದೆ.

ಬಿಬಿಸಿ ಕೂಡ ಈ ಬಗ್ಗೆ ಶಂಕೆ!!

ಖ್ಯಾತ ಅಂತಾರಾಷ್ಟ್ರೀಯ ಸುದ್ದಿ ಸಂಸ್ಥೆ ಬಿಬಿಸಿ ಕೂಡ ದಾಳಿಯ ಹಿಂದೆ ಉತ್ತರ ಕೊರಿಯಾ ಕೈವಾಡ ಬಗ್ಗೆ ಶಂಕೆ ವ್ಯಕ್ತಪಡಿಸಿದ್ದು, ಭಾರತೀಯ ನೀಲ್ ಮೆಹ್ತಾ ಅವರ ಟ್ವೀಟ್ ಆಧಾರದ ಮೇಲೆ ಈ ಸುದ್ದಿ ಬಿತ್ತರಿಸಿದೆ.

ಯಾರು ಈ ನೀಲ್ ಮೆಸ್ತಾ?

ಪ್ರಸ್ತುತ ಖ್ಯಾತ ಗೂಗಲ್ ಸಂಸ್ಥೆ ಭದ್ರತಾ ಸಂಶೋಧಕರಾಗಿ ಭಾರತೀಯ ನೀಲ್ ಮೆಹ್ತಾ ಕಾರ್ಯನಿರ್ವಹಿಸುತ್ತಿದ್ದಾರೆ. ,ಬ್ರಿಟಿಷ್‌ ಕೊಲಂಬಿಯಾ ವಿಶ್ವವಿದ್ಯಾಲಯದ ಪದವೀಧರ ನೀಲ್ ಮೆಹ್ತಾ ಈ ಹಿಂದೆ ಐಬಿಎಂ ಇಂಟರ್ ನೆಟ್‌ ಸೆಕ್ಯುರಿಟಿ ಸಿಸ್ಟಮ್‌ ನಲ್ಲಿ ಕೆಲಸ ಮಾಡಿದ್ದರು.!!