Just In
- 7 hrs ago ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- 8 hrs ago oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- 10 hrs ago ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- 11 hrs ago Itel: ಐಟೆಲ್ ಸೂಪರ್ ಗುರು 4G ಫೋನ್ ಲಾಂಚ್! ಯುಪಿಐ ಬೆಂಬಲ
Don't Miss
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಸಮಯದಲ್ಲಿ ನಿಮ್ಮ ಸ್ಮಾರ್ಟ್ ಫೋನ್ ಬಳಸಲೇಬಾರದು
ಯಾವುದೇ ಹ್ಯಾಂಡ್ ಸೆಟ್ ನ್ನು ಬಳಕೆ ಮಾಡುವ ಮುನ್ನ ಕೆಲವು ಪ್ರಮುಖ ಅಂಶಗಳ ಬಗ್ಗೆ ತಿಳಿದುಕೊಂಡಿರಬೇಕು ಮತ್ತು ಆ ರೀತಿಯಲ್ಲಿ ನಡೆದುಕೊಳ್ಳಬೇಕಾಗುತ್ತದೆ. ಈ ನಡವಳಿಕೆಯು ಬಳಕೆದಾರರ ಹಿತದೃಷ್ಟಿಯಿಂದ ಅನುಸರಿಸಬೇಕಾಗಿರುವ ಅಂಶಗಳಾಗಿರುತ್ತದೆ.
ನೀವು ಡ್ರೈವಿಂಗ್ ಮಾಡುವಾಗ ನಿಮ್ಮ ಫೋನ್ ನ್ನು ಬಳಸಬಾರದು. ಇದು ಬಹಳ ಮುಖ್ಯವಾಗಿರುವ ಅಂಶವಾಗಿದ್ದು ಪ್ರತಿಯೊಬ್ಬ ಫೋನ್ ಬಳಕೆದಾರರೂ ಕೂಡ ಈ ನಿಯಮವನ್ನು ಅನುಸರಿಸಲೇಬೇಕು. ನಿಮ್ಮ ಓದುವಿಕೆಯ ಮಧ್ಯದಲ್ಲಿ ಫೋನ್ ಬಳಕೆ ಮಾಡುವುದು ಖಂಡಿತ ನಿಮ್ಮ ಓದಿಗೆ ತೊಂದರೆಯುಂಟು ಮಾಡುತ್ತದೆ. ನಿಮ್ಮ ಗಮನವನ್ನು ಇತರೆಡೆಗೆ ಹೋಗುವಂತೆ ಮಾಡುತ್ತದೆ ಹಾಗಾಗಿ ಓದಬೇಕಾದ ವಿಷಯ ನಿಮ್ಮ ತಲೆಯಲ್ಲಿ ಹೋಗುವುದೇ ಇಲ್ಲ ಅಥವಾ ಹೋದರೂ ಅದು ಉಳಿಯದೇ ಇರುವ ಸಾಧ್ಯತೆ ಹೆಚ್ಚಿರುತ್ತದೆ.
ಹೀಗೆ ಯಾವೆಲ್ಲ ಸಂದರ್ಬದಲ್ಲಿ ನೀವು ಫೋನ್ ಬಳಕೆ ಮಾಡದೇ ಇರುವುದು ಒಳ್ಳೆಯದು ಎಂಬ ಬಗ್ಗೆ ಕೆಲವು ಎಚ್ಚರಿಕೆಯನ್ನು ನಾವಿಲ್ಲಿ ನೀಡುತ್ತಿದ್ದೇವೆ. ಈಗಿನ ಜಮಾನದಲ್ಲಿ ಪ್ರತಿಯೊಬ್ಬರು 24 ತಾಸು ತಮ್ಮ ಬಳಿ ಫೋನ್ ಇಟ್ಟುಕೊಂಡಿರುತ್ತಾರೆ. ಅದು ದೇಹದ ಅವಿಭಾಜ್ಯ ಅಂಗ ಎಂಬಂತೆ ವರ್ತಿಸುವವರೂ ಇದ್ದಾರೆ. ಆದರೆ ಕೆಲವು ಸಂದರ್ಬದಲ್ಲಿ ಫೋನ್ ಬಳಕೆ ಮಾಡದೇ ಇರುವುದು ಬಹಳ ಒಳ್ಳೆಯದು. ನಾವು ಈ ಕೆಳಗೆ ತಿಳಿಸಿರುವ ಸಂದರ್ಬದಲ್ಲಿ ಫೋನ್ ನಿಮ್ಮಿಂದ ದೂರ ಇರುವುದು ಬಹಳ ಒಳ್ಳೆಯದು.
ಕಾರ್ ಅಥವಾ ಬೈಕ್ ಡ್ರೈವಿಂಗ್ ಮಾಡುವಾಗ ಬಳಸಬೇಡಿ
ಇದೊಂದು ಬಹಳ ಮುಖ್ಯವಾಗಿರುವ ಮತ್ತು ತಪ್ಪಿದರೆ ಜೀವಕ್ಕೆ ಸಂಚಕಾರ ತಂದೊಡ್ಡುವ ಸಾಧ್ಯತೆ ಇರುತ್ತದೆ. ಹೌದು ಡ್ರೈವಿಂಗ್ ಮಾಡುವಾಗ ಫೋನ್ ಬಳಕೆ ಮಾಡುವುದು ನಿಷೇಧ. ಹಾಗಾಗಿ ಡ್ರೈವಿಂಗ್ ನ ಸಂದರ್ಬದಲ್ಲಿ ನಿಮ್ಮ ಫೋನ್ ನಿಮಗೆ ತೊಂದರೆ ನೀಡದಂತೆ ದೂರವಿಟ್ಟುಕೊಳ್ಳಿ. ಡ್ರೈವಿಂಗ್ ನ ಸಂದರ್ಬದಲ್ಲಿ ಕರೆಗಳು ಬಂದರೆ ಗಾಡಿ ನಿಲ್ಲಿಸಿ ರಿಸೀವ್ ಮಾಡಿ. ನಿಮ್ಮ ಕುಟುಂಬದವರ ಸಂತೋಷಕ್ಕಾಗಿ ನೀವಿದನ್ನು ಪಾಲಿಸಲೇಬೇಕು ಎಂಬ ಸತ್ಯ ನಿಮಗೆ ತಿಳಿದಿರಲಿ.
ಓದುವ ವೇಳೆ ಬಳಸಬೇಡಿ
ಉತ್ತಮ ಕರಿಯರ್ ಇರಬೇಕು ಎಂದರೆ ವಿದ್ಯಾಭ್ಯಾಸ ಬಹಳ ಮುಖ್ಯ ಅಂಶವಾಗಿರುತ್ತದೆ. ಯಾರು ಮೊಬೈಲ್ ದೂರವಿಟ್ಟು ಓದುತ್ತಾರೋ ಅವರು ಮಾತ್ರ ಉತ್ತಮ ಅಂಕ ಗಳಿಸುವುದಕ್ಕೆ ಸಾಧ್ಯವಾಗುತ್ತದೆ ಅಥವಾ ಓದಿದನ್ನು ತಲೆಯಲ್ಲಿಟ್ಟುಕೊಳ್ಳುವುದಕ್ಕೆ ಸಾಧ್ಯವಾಗುತ್ತದೆ. ಮೊಬೈಲ್ ನಿಮ್ಮ ಗಮನವನ್ನು ಹಾಳು ಮಾಡುತ್ತದೆ ಮತ್ತು ಓದಿದ್ದು ತಲೆಯಲ್ಲಿ ಉಳಿಯದಂತೆ ಮಾಡಿ ಬಿಡುತ್ತದೆ. ಹಾಗಾಗಿ ಆದಷ್ಟು ಓದುವ ಸಂದರ್ಬದಲ್ಲಿ ಮೊಬೈಲ್ ನ್ನು ದೂರವಿಟ್ಟು ಬಿಡಿ.
ಅಡುಗೆ ಮಾಡುವಾಗ ಫೋನ್ ಬಳಸದಿರಿ
ಫೋನಿನಲ್ಲಿ ಹಲವು ಅಡುಗೆ ಮಾಹಿತಿಗಳು ಲಭ್ಯವಾಗುತ್ತದೆ ಎಂಬುದು ನಿಜ ವಿಚಾರವೇ. ಆದರೆ ಫೋನ್ ಹಿಡಿದು ಯಾರ ಬಳಿಯೋ ಮಾತನಾಡುತ್ತಾ ಅಡುಗೆ ಮಾಡಿದರೆ ಅಡುಗೆಯ ರುಚಿ ಹಾಳಾಗುವ ಸಾಧ್ಯತೆ ಇರುತ್ತದೆ. ಅದರಲ್ಲೂ ಅತಿಥಿಗಳು ಆಗಮಿಸುತ್ತಿರುತ್ತಾರೆ ಎಂದಾಗ ಇಂತಹ ಸಾಹಸಕ್ಕೆ ಕೈ ಹಾಕಬೇಡಿ. ಮೊಬೈಲ್ ನೋಡುವ ಭರದಲ್ಲಿ ಉಪ್ಪು, ಹುಳಿ, ಖಾರ ಹೆಚ್ಚು ಕಡಿಮೆ ಆಗಿ ಅಡುಗೆ ರುಚಿ ಹಾಳಾಗಿ ಬಂದ ಅತಿಥಿಗಳ ಮುಂದೆ ಅವಮಾನ ಮಾಡಿಕೊಳ್ಳಬೇಡಿ.
ಕೆಲಸ ಮಾಡುತ್ತಿರುವಾಗ ಬಳಸಬೇಡಿ
ನೀವು ಕೆಲಸ ಕಳೆದುಕೊಳ್ಳಲು ಇಚ್ಛೆ ಪಡದೇ ಇದ್ದಲ್ಲಿ ಮೊಬೈಲ್ ನ್ನು ಆಫೀಸಿನ ಕೆಲಸದ ವೇಳೆಯಲ್ಲಿ ದೂರವೇ ಇಟ್ಟುಬಿಡಿ. ಯಾವುದೇ ಅಧಿಕಾರಿಯೂ ಕೂಡ ನೀವು ಮೊಬೈಲ್ ನೋಡುತ್ತಲೇ ಇರುವುದನ್ನು ಸಹಿಸಲಾರ. ಅದರಲ್ಲೂ ಮಹತ್ವದ ಕೆಲಸವನ್ನು ನಿರ್ವಹಿಸುವಾಗ, ಮೀಟಿಂಗ್ ನಲ್ಲಿರುವಾಗ ಮೊಬೈಲ್ ನೋಡುವ ಅಭ್ಯಾಸ ಬಿಟ್ಟು ಬಿಡಿ.
ಸ್ನಾನ ಮಾಡುವಾಗ ಫೋನ್ ಬೇಡ
ಸ್ನಾನ ಮಾಡುವ ವೇಳೆಯಲ್ಲೂ ಕೂಡ ಮೊಬೈಲ್ ಹಿಡಿದು ಬಚ್ಚಲಿಗೆ ತೆರಳುವ ಅಭ್ಯಾಸ ಒಳ್ಳೆಯದಲ್ಲ. ಸ್ವಲ್ಪ ನೀರು ಮೊಬೈಲ್ ಗೆ ಬಿದ್ದರೂ ಕೂಡ ಫೋನಿನ ಆಯಸ್ಸು ಕಡಿಮೆಯಾಗುತ್ತದೆ. ಅದರಲ್ಲೂ ಶವರ್ ಸ್ನಾನ ಮಾಡುವ ವೇಳೆಯಲ್ಲಿ ಮೊಬೈಲ್ ಹಿಡಿದು ಬಾತ್ ರೂಮ್ ಗೆ ತೆರಳುವುದು ಒಳ್ಳೆಯದಲ್ಲ.
ಸಿನಿಮಾ ಥಿಯೇಟರ್ ನಲ್ಲಿ ಫೋನ್ ಯಾಕೆ ಬೇಕು
ಸಿನಿಮಾ ಹಾಲ್ ನಲ್ಲಿ ಯಾವುದೋ ಮಹತ್ವದ ದೃಶ್ಯ ಬರುತ್ತಿರುವಾಗ ನೀವು ಮೊಬೈಲ್ ಹಿಡಿದುಕೊಂಡರೆ ಖಂಡಿತ ಅದು ನಿಮ್ಮ ಮನರಂಜನೆಯನ್ನು ಹಾಳು ಮಾಡಿ ಬಿಡುತ್ತದೆ. ಸಿನಿಮಾ ಥಿಯೇಟರ್ ನಲ್ಲಿ ಮೊಬೈಲ್ ಸ್ವಿಚ್ ಆಫ್ ಮಾಡುವುದು ಅಥವಾ ಸೈಲೆಂಟ್ ಮೋಡ್ ನಲ್ಲಿ ಇಡುವುದು ಒಳ್ಳೆಯದು. ಥಿಯೇಟರ್ ನಲ್ಲಿ ಫೋನಿನಲ್ಲಿ ಮಾತನಾಡುವುದರಿಂದ ಇತರೆ ವೀಕ್ಷಕರಿಗೂ ಕೂಡ ತೊಂದರೆಯಾಗುವುದು ತಪ್ಪುತ್ತದೆ.
ಬಸ್ಸಿಗೆ ಕಾಯುತ್ತಿರುವ ಸಂದರ್ಬದಲ್ಲಿ ಫೋನ್ ಬಳಸಬೇಡಿ
ಇನ್ನೇನು ಕೆಲವೇ ಕ್ಷಣಗಳಲ್ಲಿ ಬಸ್ಸು ಬರುವ ಸಮಯವಾಗಿದೆ. ಆದರೆ ನಿಮಗೊಂದು ಕರೆ ಬರುತ್ತದೆ ಮತ್ತು ನೀವದನ್ನು ರಿಸೀವ್ ಮಾಡಿ ಮಾತನಾಡಲು ಆರಂಭಿಸಿ ಬಿಡುತ್ತೀರಿ. ಆ ಗಡಿಬಿಡಿಯಲ್ಲಿ ಬಸ್ಸಿ ನಿಲ್ದಾಣದಲ್ಲಿ ನಿಂತಿದ್ದೇ ಗೊತ್ತಾಗುವುದಿಲ್ಲ ಮತ್ತು ನೀವು ಬಸ್ ಹತ್ತುವುದನ್ನು ಮರೆತುಬಿಡುತ್ತೀರಿ. ಮುಂದೇನಾಗುತ್ತದೆ ಎಂಬುದನ್ನು ವಿವರಿಸಬೇಕಾಗಿಲ್ಲವಲ್ಲವೇ? ಹಾಗಾಗಿ ಬಸ್ ನಿಲ್ದಾಣದಲ್ಲಿ ದಯವಿಟ್ಟು ಫೋನ್ ಬಳಸದೇ ಇರುವುದೇ ಸೂಕ್ತವಾದದ್ದಾಗಿದೆ.
ವಿಮಾನ ಪ್ರಯಾಣದ ಸಂದರ್ಬದಲ್ಲಿ ಫೋನ್ ಬಳಸಬೇಡಿ
ವಿಮಾನದಲ್ಲಿ ಸಂಚರಿಸುವಾಗ, ಕೆಲವು ನೀತಿನಿಯಮಗಳನ್ನು ಅನುಸರಿಸಲೇಬೇಕಾಗುತ್ತದೆ. ಅದರಲ್ಲಿ ಪ್ರಮುಖವಾಗಿರುವ ನಿಯಮವೆಂದರೆ ಮೊಬೈಲ್ ಫೋನ್ ಗಳನ್ನು ಬಳಸುವಂತಿಲ್ಲ ಎನ್ನುವುದೇ ಆಗಿದೆ. ಹಾಗಾಗಿ ವಿಮಾನದಲ್ಲಿ ಸಂಚರಿಸುವಾಗ ದಯವಿಟ್ಟು ಫೋನ್ ನ್ನು ಫ್ಲೈಟ್ ಮೋಡ್ ಗೆ ಹಾಕಿ ಇಡಿ. ಒಂದು ವೇಳೆ ನೀವು ಫೋನ್ ಬಳಸಿದ್ದೇ ಆದಲ್ಲಿ ರೇಡಿಯೇಷನ್ ಅಥವಾ ಫ್ರೀಕ್ವೆನ್ಸಿಯು ವಿಮಾನದ ಎಲೆಕ್ಟ್ರಾನಿಕ್ ಕಂಪೋನೆಂಟ್ ಗೆ ತೊಂದರೆ ಉಂಟು ಮಾಡುವ ಸಾಧ್ಯತೆ ಇದೆ. ಅಷ್ಟೇ ಅಲ್ಲ ಇದೇ ಕಾರಣಕ್ಕೆ ನೀವು ನಿಮ್ಮ ವರ್ತನೆಗೆ ಶಿಕ್ಷೆ ಎದುರಿಸಬೇಕಾಗಬಹುದು ಎಚ್ಚರಿಕೆ.
ರೋಡ್ ಕ್ರಾಸ್ ಮಾಡುತ್ತಿರುವಾಗ ಫೋನ್ ಬೇಡ
ರಸ್ತೆಯಲ್ಲಿ ನಡೆದು ಸಾಗುತ್ತಿರುವ, ರೋಡ್ ಕ್ರಾಸ್ ಮಾಡುತ್ತಿರುವಾಗ ದಯವಿಟ್ಟು ನಿಮ್ಮ ಮೊಬೈಲ್ ಫೋನ್ ನ್ನು ನಿಮ್ಮ ಪಾಕೆಟ್ ನಲ್ಲಿ ಇಟ್ಟುಕೊಳ್ಳುವುದನ್ನು ಮರೆಯಬೇಡಿ. ಮ್ಯೂಸಿಕ್ ಆಲಿಸುತ್ತಾ ಸಾಗುವುದು ಕೂಡ ಒಳ್ಳೆಯದಲ್ಲ. ನಿಮ್ಮ ನಡಿಗೆಯ ಮೇಲಿನ ಗಮನವನ್ನು ಇದು ಹಾಳು ಮಾಡುವ ಸಾಧ್ಯತೆ ಇದೆ. ರಸ್ತೆ ದಾಟುವಾಗ ದಯವಿಟ್ಟು ಗಮನಿವಿಟ್ಟು ದಾಟಿ. ನಿಮ್ಮ ಗಮನ ಫೋನಿನಲ್ಲಿದ್ದಾಗ ಯಾವ ಕಾರಣಕ್ಕೂ ರಸ್ತೆ ದಾಟುವ ಸಾಹಸಕ್ಕೆ ಮುಂದಾಗಬೇಡಿ.
-
1,29,999
-
22,999
-
64,999
-
99,999
-
29,999
-
39,999
-
-
63,999
-
1,56,900
-
96,949
-
1,39,900
-
1,29,900
-
79,900
-
65,900
-
12,999
-
96,949
-
16,499
-
38,999
-
30,700
-
49,999
-
19,999
-
17,970
-
21,999
-
13,474
-
18,999
-
22,999
-
19,999
-
17,999
-
26,999
-
5,999