Related Articles
-
ಟೆಲಿಕಾಂ ಮಾರುಕಟ್ಟೆಯನ್ನು ದಿಗ್ಭ್ರಮೆಗೊಳಿಸಿದ ಜಿಯೋ ಪ್ಲಾನ್: ರೂ. 101ಕ್ಕೆ ನಿತ್ಯ 2GB 4G ಡೇಟಾ..! -
ಜಿಯೋಗೆ ಹುಚ್ಚು ಹಿಡಿಸಿದ ಏರ್ಟೆಲ್: ರೂ.3799ಕ್ಕೆ ನೋಕಿಯಾ 6.1 ಸ್ಮಾರ್ಟ್‌ಫೋನ್ ಮಾರಾಟ...! -
ರೂ.9999ಕ್ಕೆ ಸ್ಮಾರ್ಟ್TV ಬಿಡುಗಡೆ ಮಾಡಿದ ಶಿಯೋಮಿ: ಬೆಚ್ಚಿಬಿದ್ದ TV ಮಾರುಕಟ್ಟೆ....! -
ಮಾರುಕಟ್ಟೆಗೆ ಬಂತು ಐಫೋನ್ X, ಒನ್ಪ್ಲಸ್ 6 ಮೀರಿಸುವ ಸ್ಮಾರ್ಟ್‌ಫೋನ್...! -
ಫೇಸ್ಬುಕ್ನಲ್ಲಿ ವೈರಲ್ ಆಗಿರುವ ಕರ್ನಾಟಕ ಚುನಾವಣೆಯ ವ್ಯಂಗ್ಯ ಚಿತ್ರಗಳಿವು!..ಬಿದ್ದು ಬಿದ್ದು ನಗ್ತೀರಾ!! -
ಸ್ವತಃ ಏರ್ಟೆಲ್ ಗ್ರಾಹಕರಿಗೆ ನಂಬಲಾಗದ ಏರ್ಟೆಲ್ ಹೊಸ ಆಫರ್ ಬಿಡುಗಡೆ!!
ರಿಂಗಿಂಗ್ ಬೆಲ್ಸ್ ಕಂಪೆನಿಯು ಫ್ರೀಡಮ್ 251 ಸ್ಮಾರ್ಟ್‌ಫೋನ್ ಅನ್ನು ಲಾಂಚ್ ಮಾಡುವ ಮೂಲಕ ಬಳಕೆದಾರರಿಗೆ ರೂ 251 ಕ್ಕೆ ಸ್ಮಾರ್ಟ್‌ಫೋನ್ ನೀಡುವ ಆಫರ್ ಅನ್ನು ಘೋಷಿಸಿದ್ದು ಎಲ್ಲರಿಗೂ ತಿಳಿದೇ ಇದೆ. ಆದರೆ ಫೋನ್ ಬುಕ್ ಮಾಡಿದವರಿಗೆ ಫೋನ್ ಇನ್ನೂ ಲಭ್ಯವಾಗಿಲ್ಲ ಅಂತೆಯೇ ಕಂಪೆನಿಯು ಕೆಲವೊಂದು ವಿವಾದಗಳಿಗೆ ಒಳಗಾಗಿತ್ತು. ಇದೀಗ ಕಂಪೆನಿಯು ಡಿವೈಸ್ ಅನ್ನು ಜೂನ್ 30 ರಿಂದ ಬುಕ್ ಮಾಡಿದವರಿಗೆ ನೀಡಲಿದೆ ಎಂಬ ಸುದ್ದಿಯನ್ನು ಬಿತ್ತರಿಸಿದೆ.
ಇದೇ ಸಮಯದಲ್ಲಿ ರಿಂಗಿಂಗ್ ಬೆಲ್ಸ್ 251 ಸ್ಮಾರ್ಟ್‌ಫೋನ್ ಕುರಿತು ಇನ್ನಷ್ಟು ವಿವರವಾದ ಮಾಹಿತಿಗಳನ್ನು ಈ ಲೇಖನದ ಮೂಲಕ ನಾವು ನಿಮಗೆ ನೀಡುತ್ತಿದ್ದು ಫೋನ್ ಕುರಿತ ವಿವಿರ ಮಾಹಿತಿ ನಿಮಗಿಲ್ಲಿ ಲಭ್ಯವಾಗಲಿದೆ. 4 ಇಂಚಿನ WVGA ರೆಸಲ್ಯೂಶನ್ ಡಿಸ್‌ಪ್ಲೇಯನ್ನು ಹೊಂದಿದ್ದು 1.3GHZ ಕ್ವಾಡ್ ಕೋರ್ ಪ್ರೊಸೆಸರ್‌ನೊಂದಿಗೆ ಬಂದಿದೆ. 1 ಜಿಬಿ RAM ಡಿವೈಸ್‌ನಲ್ಲಿದ್ದು 8 ಜಿಬಿ ಸಂಗ್ರಹಣಾ ಸಾಮರ್ಥ್ಯವನ್ನು ಫೋನ್ ಪಡೆದುಕೊಂಡಿದೆ.
ಡಿವೈಸ್ 3.2 ಎಮ್‌ಪಿ ಹಿಂಭಾಗ ಕ್ಯಾಮೆರಾವನ್ನು ಪಡೆದುಕೊಂಡಿದ್ದು ಮುಂಭಾಗದಲ್ಲಿ ವಿಜಿಎ ಕ್ಯಾಮೆರಾ ಇದೆ. ಫೋನ್ 1,450 mAh ಬ್ಯಾಟರಿಯನ್ನು ಅಳವಡಿಸಿಕೊಂಡಿದ್ದು 3ಜಿ ಕನೆಕ್ಟಿವಿಟಿಗೆ ಬೆಂಬಲವನ್ನು ಒದಗಿಸುತ್ತಿದೆ.
#1
ವರದಿಗಳ ಪ್ರಕಾರ, ರಿಂಗಿಂಗ್ ಬೆಲ್ಸ್ ಸ್ಥಾಪಕ ಮತ್ತು ಸಿಇಒ ಮೋಹಿತ್ ಗೋಯಲ್, ಜೂನ್ 30 ರಿಂದ ಎರಡು ಲಕ್ಷ ಹ್ಯಾಂಡ್‌ಸೆಟ್‌ಗಳನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದಾರೆ. ಫ್ರೀಡಮ್ 251 ಅನ್ನು ಖರೀದಿಸುವ ಆಸಕ್ತದಾರರಿಗೆ ರಿಜಿಸ್ಟ್ರೇಶನ್ ಅನ್ನು ಕಂಪೆನಿ ಆರಂಭಿಸಲಿದೆ.
#2
ಫ್ರೀಡಮ್ 251 ನ 25 ಲಕ್ಷ ಯೂನಿಟ್‌ಗಳನ್ನು ಕಂಪೆನಿ ಜೂನ್ 30 ಕ್ಕೆ ಮುನ್ನವೇ ಬಿಡುಗಡೆ ಮಾಡುವ ಇರಾದೆಯನ್ನು ಇಟ್ಟುಕೊಂಡಿಲ್ಲ. ಪಾವತಿ ಗೇಟ್‌ವೇ ಕ್ರ್ಯಾಶ್ ಆದ ಸಂದರ್ಭದ ಮೂರು ದಿನಗಳಿಗಿಂತ ಮುನ್ನ ಏಳು ಕೋಟಿಗಿಂತಲೂ ಹೆಚ್ಚಿನ ರಿಜಿಸ್ಟ್ರೇಶನ್ ಅನ್ನು ಕಂಪೆನಿ ಸ್ವೀಕರಿಸಿದೆ ಎಂಬುದಾಗಿ ತಿಳಿಸಿದೆ.
#3
ಈ ಮೊದಲು, ರಿಂಗಿಂಗ್ ಬೆಲ್ಸ್ ಫ್ರೀಡಮ್ 251 ನ ವಿತರಣೆಯು ಜೂನ್ 28 ರಿಂದ ಆರಂಭವಾಗುವುದಾಗಿ ತಿಳಿಸಿತ್ತು. ಆದರೆ ಕಂಪೆನಿ ದಿನಾಂಕವನ್ನು ಜೂನ್ 30 ಕ್ಕೆ ಹಾಕಿದೆ. ಕ್ಯಾಶ್ ಡೆಲಿವರಿಯನ್ನು ನೀಡಿದ ಗ್ರಾಹಕರಿಗೆ ಫೋನ್ ಜೂನ್ 28 ಕ್ಕೆ ಲಭ್ಯವಾಗುವುದಾಗಿ ಗೋಯಲ್ ತಿಳಿಸಿದ್ದರು. ಆದರೆ ಎರಡು ದಿನಗಳ ಮುಂದುವರಿಕೆಯನ್ನು ಇದು ಕಂಡಿದೆ.
#4
ಮಾರ್ಚ್‌ನಲ್ಲಿ ಮೋಸದ ಕೇಸ್ ಅನ್ನು ಕಂಪೆನಿಯ ವಿರುದ್ಧ ಬಿಜೆಪಿ ಮುಖಂಡ ಕಿರಿತ್ ಸೋಮಾಯ್ಯಾ ನೊಯ್ಡಾ ಠಾಣೆಯಲ್ಲಿ ಹೂಡಿದ್ದರು. ಈ ಕೇಸ್ ಅನ್ನು ಕಾಯ್ದೆ ಐಪಿಸಿ ಸೆಕ್ಶನ್ 420 ಅನ್ವಯ ನೋಂದಾವಣೆ ಮಾಡಲಾಗಿದ್ದು ಎಫ್‌ಐಆರ್‌ನಲ್ಲಿ ಮೋಹಿತ್ ಗೋಯಲ್ ಮತ್ತು ಅಶೋಕ್ ಚಡ್ಡಾ ಅವರನ್ನು ಉಲ್ಲೇಖಿಸಲಾಗಿದೆ. ರೂ 251 ಬೆಲೆಯಲ್ಲಿ ಫೋನ್ ತಯಾರು ಮಾಡುವುದು ಅಸಾಧ್ಯ ಎಂಬುದು ಕಿರಿತ್ ದೂರಾಗಿತ್ತು. ಜನರನ್ನು ಕಂಪೆನಿ ಮೂರ್ಖರನ್ನಾಗಿಸುತ್ತಿದೆ ಎಂಬುದು ಇವರ ದೂರಾಗಿತ್ತು.
#5
ಫ್ರೀಡಮ್ 251 ಅನ್ನು ಲಾಂಚ್ ಮಾಡಿದ ಸಂದರ್ಭದಲ್ಲಿ ಆಡ್‌ಕಾಮ್ ಕಂಪೆನಿಯ ಫೋನ್ ಎಂಬುದಾಗಿ ಆಡ್‌ಕಾಮ್ ತಿಳಿಸಿತು. ವೈಟ್ನರ್ ಬಳಸಿಕೊಂಡು ರಿಂಗಿಂಗ್ ಬೆಲ್ಸ್ ಆಡ್‌ಕಾಮ್ ಹೆಸರನ್ನು ಒರೆಸಿದೆ ಎಂಬುದು ಈ ಕಂಪೆನಿಯ ದೂರಾಗಿತ್ತು. ಮಾರ್ಚ್‌ನಲ್ಲಿ ರಿಂಗಿಂಗ್ ಬೆಲ್ಸ್ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುದಾಗಿ ಆಡ್‌ಕಾಮ್ ಬೆದರಿಕೆ ಹಾಕಿತ್ತು.
#6
ಫೆಬ್ರವರಿ ಅಂತ್ಯದಲ್ಲಿ, ವದಂತಿಗಳಿಗೆ ಅನುಸಾರವಾಗಿ ಕಂಪೆನಿಯು ಹಣ ಪಾವತಿಸಿದವರಿಗೆ ಮರುಪಾವತಿಯನ್ನು ಮಾಡಿತ್ತು. ಫೋನ್ ದರವನ್ನು 30,000 ಜನರಿಗೆ ಕಂಪೆನಿ ನೀಡಿರುವುದಾಗಿ ತಿಳಿಸಿದ್ದು 7 ಕೋಟಿ ಜನ ನೋಂದಾವಣೆಯನ್ನು ಮಾಡಿಕೊಂಡಿದ್ದರು.
#7
ಡಿಐಪಿಪಿ ಸೆಕ್ರೆಟರಿ ಅಮಿತಾಬ್ ಕಾಂತ್ ತಿಳಿಸಿರುವಂತೆ ಫ್ರೀಡಮ್ 251 ಸರಕಾರದ ಯೋಜನೆಯಲ್ಲ ಅಥವಾ ಮೇಕ್ ಇನ್ ಇಂಡಿಯಾ ಟೀಮ್ ಈ ಸ್ಮಾರ್ಟ್‌ಫೋನ್‌ನ ಹಿಂದಿಲ್ಲ ಎಂಬುದಾಗಿ ಹೇಳಿದ್ದಾರೆ. ಮೇಕ್ ಇನ್ ಇಂಡಿಯಾ ಯೋಜನೆಯಿಂದಾಗಿ ಫೋನ್ ಬೆಲೆಯನ್ನು ಕಡಿಮೆಮಾಡಲಾಗಿದೆ ಎಂಬಬ ವದಂತಿ ಕೂಡ ಹರಡಿತ್ತು.
#8
ಡೇಟಾ ಸೆಂಟರ್ ಮತ್ತು ಬಿಪಿಒ ಸೇವೆಗಳು, ಮೋಸದ ಕೇಸ್ ಅನ್ನು ಕಂಪೆನಿಯ ಮೇಲೆ ಹೂಡಿದ್ದವು. ಕಂಪೆನಿಯೊಂದಿಗೆ ರಿಂಗಿಂಗ್ ಬೆಲ್ಸ್ ಒಪ್ಪಂದವನ್ನು ಮಾಡಿಕೊಂಡಿದ್ದು ಪಾವತಿಗಳನ್ನು ನೀಡಿಲ್ಲ ಎಂಬುದು ದಾವೆಯಲ್ಲಿ ಹೇಳಲಾಗಿತ್ತು.
#9
ವಿತರಣೆಯನ್ನು ಕಂಪೆನಿಯು ಮಾಡಿದೆ ಎಂಬುದನ್ನು ತೋರಿಸದ ಹೊರತು ಪಾವತಿಗಳನ್ನು ಮಾಡುವುದಿಲ್ಲವೆಂದು ಪೇಯು ಬಿಜ್ ಪಾವತಿಯ ಮೇಲೆ ಹಿಡಿತವನ್ನು ಹಾಕಿತ್ತು. ಫ್ರೀಡಮ್ 251 ಅನ್ನು ತಡವಾಗಿ ನೀಡುವುದರ ಕುರಿತು ಪ್ರಶ್ನೆಗಳು ಎದ್ದಿದ್ದು ಇದಕ್ಕೆ ಕಂಪೆನಿ ಕಾರಣವನ್ನು ನೀಡಬೇಕು ಎಂಬುದು ಪೇಯು ಮಾತಾಗಿತ್ತು. ದುಡ್ಡು ತಮ್ಮ ಬಳಿ ಸುಭದ್ರವಾಗಿದೆ ಎಂಬುದಾಗಿ ಪೇಯು ಬಿಜ್ ತಿಳಿಸಿತ್ತು. ಕಂಪೆನಿಯು ಗ್ರಾಹಕರ ಭಾರೀ ಬೇಡಿಕೆಯನ್ನು ಪೂರೈಸಲು ಆಗದೇ ಇದ್ದಲ್ಲಿ ಕಂಪೆನಿಯೊಂದಿಗೆ ಕೆಲಸ ಮಾಡುವುದಾಗಿ ಪೇಯು ಬಿಜ್ ತಿಳಿಸಿತ್ತು.
#10
ಇನ್ನೊಂದು ವರದಿಯ ಪ್ರಕಾರ, ಐಟಿ ವಿಭಾಗವು ಕಂಪೆನಿಯ ಮೇಲೆ ಟ್ರ್ಯಾಕ್ ಮಾಡುತ್ತಿದ್ದು ಆರ್ಥಿಕ ರಚನೆ ಮತ್ತು ರಾಕ್ (ರಿಜಿಸ್ಟ್ರಾರ್ ಆಫ್ ಕಂಪೆನಿಗಳು) ದಾಖಲೆಗಳ ಮೇಲೆ ಕಣ್ಣಿಟ್ಟಿದೆ ಎನ್ನಲಾಗಿದೆ.
