ಸ್ಮಾರ್ಟ್‌ಫೋನ್ ಸಾರ್ವಭೌಮನಾಗಿ ಎಲ್‌ಜಿ ಜಿ3

#1

ಜಿ2 ನಂತರದ ಅವತರಣಿಕೆಯಾಗಿ, ಎಲ್‌ಜಿ ಜಿ3 ಅನ್ನು ನಾವು ಕಾಣಬಹುದು. ನಿಮ್ಮ ಫೋನ್ ಹೆಚ್ಚು ಸ್ಟೈಲಿಶ್ ಆಗಿರಬೇಕೆಂದು ನೀವು ಬಯಸುವವರಾಗಿದ್ದಲ್ಲಿ ನಿಮಗೆ ಎಲ್‌ಜಿ ಜಿ3 ಪರಿಪೂರ್ಣ ಫೋನ್ ಆಗಿದೆ. ಇದು 5.5 ಇಂಚಿನ True HD-IPS + LCD capacitive ಟಚ್‌ಸ್ಕ್ರೀನ್‌ನೊಂದಿಗೆ ಬಂದಿದ್ದು, 1440 x 2560 ಪಿಕ್ಸೆಲ್ ರೆಸಲ್ಯೂಶನ್ ಇದರಲ್ಲಿದೆ. 146.3 x 74.6 x 8.9 mm ಇದರ ಅಳತೆಯಾಗಿದ್ದು ತೂಕ 149g ಆಗಿದೆ. ಇದು ಆಕರ್ಷಕ ಹೊಳೆಯುವ ಮೆಟಲ್ ದೇಹವನ್ನು ಹೊಂದಿದ್ದು ಇದು ಪ್ಲಾಸ್ಟಿಕ್‌ನಂತೆ ಗೋಚರಿಸುತ್ತದೆ. ಆದರೆ ಇದು ಪ್ಲಾಸ್ಟಿಕ್ ಅಲ್ಲ ಮೆಟಲ್ ಎಂಬುದು ನಂತರವೇ ತಿಳಿಯುವಂತಹ ಆಕರ್ಷಕ ಫಿನಿಶಿಂಗ್ ಟಚ್ ಇದರಲ್ಲಿದೆ.

#2

ಜಿ3 ಹ್ಯಾಂಡ್‌ಸೆಟ್‌ನಲ್ಲಿ ಆಂಡ್ರಾಯ್ಡ್ 4.4 ಕಿಟ್‌ಕ್ಯಾಟ್ ಚಾಲನೆಯಾಗುತ್ತಿದೆ ಎಂಬುದೇ ವಿಶೇಷ ಅಂಶವಾಗಿದ್ದು, ತನ್ನದೇ ಸಾಫ್ಟ್‌ವೇರ್ ಅನ್ನು ಕಂಪೆನಿ ಈ ಫೋನ್‌ನಲ್ಲಿ ಕಸ್ಟಮೈಸ್ ಮಾಡಿದೆ. ಇದರಲ್ಲಿ ಆಕರ್ಷಕವಾಗಿರುವ ಇನ್ನೊಂದು ಅಂಶವೆಂದರೆ ಸ್ಮಾರ್ಟ್‌ ಕೀಬೋರ್ಡ್, ಸ್ಮಾರ್ಟ್ ಅಧಿಸೂಚನೆ ಮತ್ತು ಜನಪ್ರಿಯ ನಾಕ್ ಕೋಡ್ ಆಗಿದೆ.

#3

ಎಲ್‌ಜಿಯು ಜಿ3 ಹ್ಯಾಂಡ್‌ಸೆಟ್‌ನಲ್ಲಿ ಸ್ನ್ಯಾಪ್‌ಡ್ರಾಗನ್ 801 ಕ್ವಾಡ್-ಕೋರ್ ಪ್ರೊಸೆಸರ್ ಅನ್ನು ಅಳವಡಿಸಿದ್ದು ಫೋನ್‌ನ ಆಂತರಿಕ ಸಂಗ್ರಹಣಾ ಸಾಮರ್ಥ್ಯ 32 ಜಿಬಿಯಾಗಿದೆ. ಫೋನ್ 3 ಜಿಬಿ RAM ಅನ್ನು ಹೊಂದಿದ್ದು ಕ್ವಾಲ್‌ಕಾಮ್ ಸ್ನ್ಯಾಪ್‌ಡ್ರಾಗನ್ 801 CPU Adreno 330 GPU ಹೊಂದಾಣಿಕೆಯನ್ನು ಇದುರೆಗೂ ಮುಖ್ಯ ಹ್ಯಾಂಡ್‌ಸೆಟ್‌ಗಳಾದ ಸೋನಿ ಮತ್ತು ಎಚ್‌ಟಿಸಿಯಲ್ಲಿ ಮಾತ್ರ ನಾವು ನೋಡಿದ್ದೆವು. ಆದರೀಗ ಎಲ್‌ಜಿ ಜಿ3 ನಲ್ಲೂ ಇದೇ ಫೀಚರ್ ಕಂಡುಬಂದಿದೆ.

#4

ಎಲ್‌ಜಿ ಜಿ3 13MP OIS+ ಲೇಸರ್ ಕ್ಯಾಮೆರಾದೊಂದಿಗೆ ಬಂದಿದ್ದು ಇದೇ ವೈಶಿಷ್ಟ್ಯವನ್ನು G2 ನಲ್ಲೂ ನಮಗೆ ಕಾಣಬಹುದಾಗಿದೆ. ಎಲ್‌ಜಿ ಹೇಳುವಂತೆ ಸುಧಾರಿತ ಲೈಟ್ ಸೆನ್ಸಿಟಿವಿಟಿ ವೈಶಿಷ್ಟ್ಯಗಳನ್ನು ಈ ಫೋನ್ ಹೊಂದಿದೆ ಎಂದಾಗಿದೆ.

#5

3000mAh ಬ್ಯಾಟರಿಯನ್ನು ಎಲ್‌ಜಿ ಜಿ3 ಹೊಂದಿದ್ದು ಡಿವೈಸ್‌ನೊಂದಿಗೆ ನೀವು ಸಂಪೂರ್ಣ ಸಮಯವನ್ನು ಕಳೆದರೂ ಸಹ ಇದರ ಬ್ಯಾಟರಿ ಪೂರ್ಣ ಸಮಯ ನಿಮಗೆ ದೊರೆಯಲಿದೆ. ಅಂದರೆ ಅತ್ಯುತ್ತಮ ಬ್ಯಾಟರಿ ಜೀವನವನ್ನು ನಿಮ್ಮ ಫೋನ್‌ಗೆ ಎಲ್‌ಜಿ ನೀಡಲಿದೆ.

#6

ಹೆಚ್ಚು ಕಡಿಮೆ ಸ್ಮಾರ್ಟ್‌ಫೋನ್ ದಿಗ್ಗಜ ಎಂಬ ತಲೆಬರಹವನ್ನು ಹೊಂದಿರುವ ಹೆಚ್ಚಿನ ಇತರ ಫೋನ್‌ಗಳನ್ನು ಮಣಿಸುವ ತಾಕತ್ತು ಎಲ್‌ಜಿ ಜಿ3 ಗಿದ್ದು ಇದರಲ್ಲಿರುವ ವೈಶಿಷ್ಟ್ಯವೇ ನಮಗೆ ಈ ಅಂಶಗಳನ್ನು ದೃಢಪಡಿಸಲು ಸಹಾಯಕವಾಗಿವೆ. ಅತ್ಯುತ್ತಮ ಡಿಸ್‌ಪ್ಲೇ ವೈಖರಿ, ಕ್ಯಾಮೆರಾ, ಬ್ಯಾಟರಿ ಬಾಳಿಕೆ, ಮನಸೆಳೆಯುವ ಸಾಫ್ಟ್‌ವೇರ್ ಮತ್ತು ಸುಂದರವಾದ ದೇಹವನ್ನು ಹೊಂದಿರುವ ಎಲ್‌ಜಿ ಜಿ3 ನಿಜಕ್ಕೂ ಸ್ಟೈಲಿಶ್ ಫೋನ್ ಎಂಬುದರಲ್ಲಿ ಎರಡು ಮಾತಿಲ್ಲ.