ಫೆಬ್ರವರಿ 26ಕ್ಕೆ ನೋಕಿಯಾದ ಮತ್ತೊಂದು ಸ್ಮಾರ್ಟ್‌ಪೋನ್‌ ಲಾಂಚ್‌

ಟಾಪ್‌ಎಂಡ್ ವಿನ್ಯಾಸ:

ನೋಕಿಯಾ P1 ಪೋನಿನ ವಿನ್ಯಾಸವೂ ಅತ್ಯಂತ ಸುಂದರವಾಗಿದ್ದು, ಟಾಪ್‌ ಎಂಡ್ ಪೋನಿಗಳ ಗುಣಮಟ್ಟವನ್ನು ಹೊಂದಿದೆ. ಈ ಪೋನಿನಲ್ಲಿ ಹೋಮ್ ಬಟನ್ ಇದ್ದು, ಮೇಟಾಲಿಕ್ ಬಾಡಿ ಜೊತೆಗೆ ಮುಂಭಾಗದಲ್ಲಿಯೇ ಫಿಂಗರ್ ಪ್ರಿಂಚ್ ಸ್ಕ್ಯಾನರ್ ಸಹ ಇದೆ. ಕೈನಲ್ಲಿ ಹಿಡಿದುಕೊಳ್ಳಲು ಸೂಕ್ತವಾಗಿದ್ದು, ರೋಸ್ ಗೋಲ್ಡ್, ಬ್ಲ್ಯಾಕ್ ಮತ್ತು ಸಿಲ್ವರ್ ಬಣ್ಣಗಳಲ್ಲಿ ಈ ಲಭ್ಯವಿರಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಅಲ್ಲದೇ ಈ ಪೋನು ಧೂಳು ಮತ್ತು ಜಲ ನಿರೋಧಕವನ್ನು ಹೊಂದಿದ್ದು, ನೀರಿನಲ್ಲಿ ಬಿದ್ದು ಹಾಳಾಗಲಿದೆ, ಇಲ್ಲವೇ ಧೂಳು ತುಂಬಿಕೊಳ್ಳಲಿದೆ ಎನ್ನುವ ಯಾವುದೇ ಭಯವಿಲ್ಲ.

ವೇಗದ ಕಾರ್ಯಚರಣೆ:

ನೋಕಿಯಾ P1 ಪೋನನ್ನು ವೇಗದ ಕಾರ್ಯಚರಣೆಗಾಗಿಯೇ ವಿನ್ಯಾಸಗೊಳಿಸಲಾಗಿದ್ದು, 5.3 ಇಂಚಿನ ಪರದೆ ಈ ಪೋನಿನಲ್ಲಿದೆ. FHD ಇಲ್ಲಬೇ QHD ಗುಣಮಟ್ಟವನ್ನು ಈ ಪರದೆ ಹೊಂದಿರಲಿದೆ ಎನ್ನಲಾಗಿದೆ. ಪರದೆಯ ಸುರಕ್ಷತೆಗಾಗಿ ಗೂರಿಲ್ಲ ಗ್ಲಾಸ್ 5 ಅನ್ನು ಅಳವಡಿಸಲಾಗಿದ್ದು, ಹೊಚ್ಚ ಹೊಸ ಸ್ನಾಪ್‌ಡ್ರಾಗನ್ 835 ಪ್ರೋಸರ್ ಸೇರಿದಂತೆ 6GB RAM ಮತ್ತು 128 GB/256GB ಇಂಟರ್ನಲ್ ಮೆಮೋರಿ ಈ ಪೋನಿನಲ್ಲಿರಲಿದೆ.

ಗುಣಮಟ್ಟದ ಕ್ಯಾಮೆರಾಗಳು:

ಈ ಹಿಂದಿನಂತೆ ನೋಕಿಯಾ ತನ್ನ ಸ್ಮಾರ್ಟ್‌ಪೋನ್‌ಗಳಲ್ಲಿ ಗುಣಮಟ್ಟದ ಕ್ಯಾಮೆರಾವನ್ನು ಅಳವಡಿಸುವುದನ್ನು ಮರೆತಿಲ್ಲ. ನೋಕಿಯಾ P1 ಸ್ಮಾರ್ಟ್‌ಪೋನು ಹಿಂಭಾಗದಲ್ಲಿ 22.3MP ಕ್ಯಾಮೆರಾವನ್ನು ಹೊಂದಿದ್ದು, ಅತ್ಯುತ್ತಮವಾದ ಪೋಟೋಗಳನ್ನು ಕ್ಲಿಕಿಸಲು ಈ ಪೋನು ಹೇಳಿಮಾಡಿಸಿದಂತಿದೆ. ಅಲ್ಲಧೇ ದೀರ್ಘಕಾಲದ ಬ್ಯಾಟರಿ ಬಾಳಿಕೆಗಾಗಿ ಈ ಪೋನಿನಲ್ಲಿ 3500mAH ಬ್ಯಾಟರಿಯನ್ನು ಅವಳಡಿಸಲಾಗಿದೆ.

ನೋಕಿಯಾ P1 ಬೆಲೆ:

ಫೆಬ್ರವರಿ 26ರಂದು ಬಿಡುಗಡೆಯಾಗಲಿರುವ ನೋಕಿಯಾ P1 ಸ್ಮಾರ್ಟ್‌ಪೋನ್‌ ಟಾಪ್‌ ಎಂಡ್ ಸರಣಿಯದ್ದಾಗಿದ್ದು, ಎರಡು ವಿಧದಲ್ಲಿ ಲಭ್ಯವಿರಲಿದೆ. 128GB ಸಾಮಾರ್ಥ್ಯದ ಪೋನಿನ ಬೆಲೆ $800 (ಸುಮಾರು 54,500 ರೂ>) ಮತ್ತು 256 GB ಸಾಮಾರ್ಥ್ಯದ ಪೋನಿನ ಬೆಲೆ $950( ಸುಮಾರು 64,500 ರೂ.) ಎನ್ನಲಾಗಿದೆ.