ಶಾಕಿಂಗ್...ಅರ್ಧಬೆಲೆಗೆ ಸಿಗುತ್ತಿದೆ ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 7!! ಪ್ರಸ್ತುತ ಬೆಲೆ?

ಬ್ಯಾಟರಿ ದೋಷದಿಂದಾಗಿ ಮೊಬೈಲ್ ಮಾರುಕಟ್ಟೆಯಲ್ಲಿ ಟೀಕೆಗೆ ಗುರಿಯಾಗಿದ್ದ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ನೋಟ್ 7 ಸ್ಮಾರ್ಟ್‌ಫೋನ್‌ ಹೊಸ ಆವೃತ್ತಿ ಇದೀ ಮಾರುಕಟ್ಟೆಗೆ ಬರುತ್ತಿದೆ.!! ಹೌದು, ಬ್ಯಾಟರಿ ದೋಷದಿಂದ ವಾಪಸ್‌ ಪಡೆದಿದ್ದ ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 7 ಅನ್ನು ಮತ್ತೆ ಮಾರುಕಟ್ಟೆಗೆ ತರಲು ಸ್ಯಾಮ್ಸಂಗ್ ಮುಂದಾಗಿದೆ.!!

ಶಾಕಿಂಗ್ ವಿಷಯ ಎಂದರೆ ಗ್ಯಾಲಕ್ಸಿ ನೋಟ್‌ 7 ಇದೀಗ ಗ್ಯಾಲಕ್ಸಿ ನೋಟ್ 7ಆರ್ ಎಂಬ ಹೊಸ ಹೆಸರಿನಲ್ಲಿ ಬಿಡುಗಡೆಯಾಗುತ್ತಿದ್ದು, ಹೊಸ ಸ್ಮಾರ್ಟ್‌ಫೋನ್‌ ಅನ್ನು ಗ್ಯಾಲಕ್ಸಿ ನೋಟ್‌ 7 ಬೆಲೆ ಅರ್ಧದಷ್ಟು ಬೆಲೆಗೆ ಮಾರಲು ಕಂಪೆನಿ ನಿರ್ಧರಿಸಿದೆ ಎಂದು ವರದಿಯಾಗಿದೆ.!!

ಇದೇ ಮೇ ಅಥವಾ ಜೂನ್‌ ತಿಂಗಳ ಮೊದಲಿಗೆ ಮಾರುಕಟ್ಟೆಗೆ ಬಿಡುಗಡೆಯಾಗುವ ಸಾಧ್ಯತೆ ಇದ್ದು, ನೋಟ್ 7ನಲ್ಲಿದ್ದ ದೋಷಗಳನ್ನು ಸರಿಪಡಿಸಿಕೊಂಡು 'ನೋಟ್‌ 7ಆರ್‌' ತಯಾರಿಸಲಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ಗೆ ಫೆಡರಲ್‌ ಕಮ್ಯುನಿಕೇಷನ್ಸ್‌ ಕಮಿಷನ್‌ನಿಂದ ಪ್ರಮಾಣಪತ್ರವೂ ಸಿಕ್ಕಿದೆ ಎಂದು ಕಂಪೆನಿ ಹೇಳಿದೆ.!!

ಕಳೆದ ವರ್ಷ ಬಿಡುಗಡೆಯಾಗಿದ್ದ ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 7 ಸ್ಮಾರ್ಟ್‌ಫೋನ್‌ ಬ್ಯಾಟರಿ ಸ್ಪೋಟದ ತೊಂದರೆ ಅನುಭವಿಸಿತ್ತು. ಇದರಿಂದ ಹಲವು ವಿಮಾನ ಸಂಸ್ಥೆಗಳು ಗ್ಯಾಲಕ್ಸಿ ನೋಟ್ 7 ಅನ್ನು ಬ್ಯಾನ್ ಮಾಡಿದ್ದವು. ಇಂತಹ ಘಟನೆಗಳು ಹಲವೆಡೆ ನಡೆದಿದ್ದವು.!!

ಹಾಗಾಗಿ, 25 ಲಕ್ಷ ಸ್ಮಾರ್ಟ್‌ಫೋನ್‌ಗಳನ್ನು ಮಾರುಕಟ್ಟೆಯಿಂದ ವಾಪಸ್‌ ಪಡೆದಿದ್ದ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್‌ನ ಅರ್ಧದಷ್ಟು ಬೆಲೆಗೆ ಅಂದರೆ ಸುಮಾರು ₹ 28 ಸಾವಿರಕ್ಕೆ ಸ್ಮಾರ್ಟ್‌ಫೋನ್‌ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಕಂಪೆನಿ ಮುಂದಾಗಿದೆಎಂದು ಹೇಳಲಾಗಿದೆ.!!