ಫೋನ್ ನಲ್ಲಿ ಶಾಪಿಂಗ್ ಮಾಡುವುದರಿಂದಾಗಿ ಏನಾಗುತ್ತಂತೆ ಗೊತ್ತಾ?

ಹೆಚ್ಚು ಶಾಪಿಂಗ್:

ಶಾಪಿಂಗ್ ಗಾಗಿ ಕೇವಲ ಫೋನ್ ಮಾತ್ರ ಬಳಕೆ ಮಾಡುವುದರಿಂದಲೂ ಕೂಡ ಈ ರೀತಿ ಆಗುತ್ತದೆ ಎಂದು ರೀಸರ್ಚ್ ಟೀಮ್ ಹೇಳುತ್ತಿದೆ. ಯುಸ್ ನ ಫೇರ್ ಫೀಲ್ಡ್ ಯುನಿರ್ವಸಿಟಿಯ ಮೈಕೆಲ್ ಸ್ಕೈಂದ್ರಾ ಅಧ್ಯಯನ ಮಾಡಿ ಹೇಳಿರುವ ಪ್ರಕಾರ ಫೋನ್ ಬಳಸಿ ಯಾರು ಶಾಪಿಂಗ್ ಮಾಡುತ್ತಾರೋ ಅವರ ಶಾಪಿಂಗ್ ವರ್ತನೆ ಬದಲಾಗುತ್ತದೆ ಮತ್ತು ಹೆಚ್ಚಿನ ಖರ್ಚಿಗೆ ಕಾರಣವಾಗುತ್ತದೆ ಎಂದು ತಿಳಿಸಿದ್ದಾರೆ.

230 ಮಂದಿಯ ಪ್ರಯೋಗ:

ಸುಮಾರು 230 ಕ್ಕೂ ಅಧಿಕ ಮಂದಿಗೆ ಶಾಪಿಂಗ್ ಟಾಸ್ಕ್ ನ್ನು ನೀಡಿ ಈ ಅಧ್ಯಯನವನ್ನು ಕೈಗೊಳ್ಳಲಾಗಿದೆ ಮತ್ತು ಜರ್ನಲ್ ಆಫ್ ದಿ ಅಕಾಡಮಿ ಆಫ್ ಮಾರ್ಕೆಟಿಂಗ್ ಸೈನ್ಸ್ ನ ತಜ್ಞರು ಈ ವರದಿಯನ್ನು ಪ್ರಕಟಿಸಿದ್ದಾರೆ.

ಅಧ್ಯಯನದ ವಿವರ:

ಶಾಪಿಂಗ್ ನಲ್ಲಿ ಮೊಬೈಲ್ ಫೋನ್ ಬಳಕೆ ಮಾಡುವವರು ಹೆಚ್ಚಿನವರು ತಾವು ಶಾಪಿಂಗ್ ಮಾಡಬೇಕಿರುವ ವಸ್ತುವನ್ನು ಮರೆತು ಇತರೆ ವಸ್ತುಗಳ ಕಡೆಗೆ ಆಕರ್ಷಿತರಾಗುತ್ತಾರೆ ಜೊತೆಗೆ ಹೆಚ್ಚುವರಿ ವಸ್ತುಗಳನ್ನು ಖರೀದಿ ಮಾಡುತ್ತಾರೆ. ಪ್ಲಾನ್ ಇಲ್ಲದ ಶಾಪಿಂಗ್ ಮಾಡುತ್ತಾರೆ.ಮೊಬೈಲ್ ಫೋನ್ ಗಳನ್ನು ಬಳಸಿ ಶಾಪಿಂಗ್ ಮಾಡುವುದರಿಂದಾಗಿ ಧನಾತ್ಮಕ ಮತ್ತು ಋಣಾತ್ಮಕ ಎರಡೂ ರೀತಿಯ ಪರಿಣಾಮಗಳು ಉಂಟಾಗುತ್ತವೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.