8 ಸಾವಿರ ಬೆಲೆಯ ಸ್ಪೀಕರ್ ಗಳಲ್ಲಿ ಬೆಸ್ಟ್ ಈ ಲಾಗಿಟೆಕ್

ಲಾಗಿಟೆಕ್ S715i ಸ್ಪೀಕರ್ ಐಪೋಡ್ ಮತ್ತು ಐಫೋನ್ ಗಳಲ್ಲಿ ಬಳಸ ಬಹುದಾದ ಅತ್ಯುತ್ತಮವಾದ ಸ್ಪೀಕರ್ ಆಗಿದೆ ಎಂದು ವಿಮರ್ಶಕರು ಹೇಳಿದ್ದಾರೆ. ಈ ಲಾಗಿಟೆಕ್ ಸ್ಪೀಕರ್ ಅನ್ನು ಇದರಷ್ಟೆ ಬೆಲೆಯ ಇತರ ಸ್ಪೀಕರ್ ಗೆ ಹೋಲಿಸಿದಾಗ ಲಾಗಿಟೆಕ್ ಗುಣಮಟ್ಟ ಉತ್ತಮವಾಗಿದೆ ಎಂದು ಹೇಳಲಾಗುತ್ತಿದೆ.ಬೂಮ್ ಬಾಕ್ಸ್ ಆಕಾರದ ಈ ಸ್ಪೀಕರ್ ಬ್ಯಾಕ್ ಪ್ಯಾಕ್ ಗೆ ಸರಿಯಾಗಿ ಹೊಂದುವಂತೆ ಇದೆ.

ಇದರ ಗುಣಲಕ್ಷಣವೆಂದರೆ ಇದು ಏಪೋಡ್ ಡಾಕ್ ನಿಂದ ಕವರ್ ಆಗಿದ್ದು ಕಿಕ್ ಸ್ಟ್ಯಾಂಡ್ ನಲ್ಲಿ ಮಡಚಿ ಇಡಬಹುದಾಗಿದೆ. ಕಿಕ್ ಸ್ಟ್ಯಾಂಡ್ ಮತ್ತೊಂದು ಭಾಗದಲ್ಲಿ 2 ಇಂಚಿನ ಪ್ಯಾಸಿವ್ ರೇಡಿಯೇಟರ್ ವೂಫರ್ಸ್ ಇದ್ದು ಅದು ಸ್ಪೀಕರ್ ನಿಂದ ಅಧಿಕ ಗುಣಮಟ್ಟದ ಶಬ್ದವನ್ನು ಹೊರಡಿಸಲು ಸಹಾಯ ಮಾಡುತ್ತದೆ. ಈ ಕಿಕ್ ಸ್ಟ್ಯಾಂಡ್ ತಳದಲ್ಲಿಯಲ್ಲಿ ರಬ್ಬರ್ ಇರುವುದರಿಂದ ಈ ಸ್ಪೀಕರ್ ದೃಢವಾಗಿ ನಿಲ್ಲಲು ಸಹಾಯಮಾಡುತ್ತದೆ.

ಇದರಲ್ಲಿ 6 ಡ್ರೈವರ್ಸ್ ಇದ್ದು ಲೋಹವನ್ನು ಬಳಸಿ ತಯಾರಿಸಲಾಗಿದೆ.ಈ 6 ಡ್ರೈವರ್ಸ್ ಗಳಲ್ಲಿ ಬರಿ ನಾಲ್ಕು ಡ್ರೈವರ್ಸ್ ಗಳಿಗೆ ಮಾತ್ರ ನೇರವಾಗಿ ಶಬ್ದವನ್ನು ಹೊರಡಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಜೊತೆ 3 ಇಂಚಿನ ಡ್ರೈವರ್ಸ್ ಗಳ ನಡುವೆ 1/2 ಇಂಚಿನ ಟ್ವೀಟರ್ ಇಡಲಾಗಿದೆ. ಉಳಿದ 2 ಇಂಚಿನ ಡ್ರೈವರ್ಸ್ ಏರ್ ಡಿಸ್ ಪ್ಲೇ ನೆರವಿನೊಂದಿಗೆ ಶಬ್ದವನ್ನು ಉತ್ಪತ್ತಿ ಮಾಡುತ್ತದೆ. ಈ ಸ್ಪೀಕರ್ ನಲ್ಲಿ ಒಂದು 30-ಪಿನ್ ಕನೆಕ್ಟರ್ ಅನ್ನು ಬಳಸಲಾಗಿದೆ.

CNET ಹೇಳುವ ಪ್ರಕಾರ ಐಪೋಡ್ ಮತ್ತು ಐಫೋನ್ ಗಳಲ್ಲಿ ಬಳಸಲು ರು. 8000ಕ್ಕೆ ಸಿಗುವ ಸ್ಪೀಕರ್ ಗಳಲ್ಲಿ ಈ ಸ್ಪೀಕರ್ ಉತ್ತಮ ಗುಣಮಟ್ಟದ ಸ್ಪೀಕರ್ ಆಗಿದೆ.

ಈ ಸ್ಪೀಕರ್ ನ ಮುಖ್ಯ ಪ್ರಯೋಜನಗಳು:

* ಬೆಲೆ ಮತ್ತು ಕಾರ್ಯವೈಖರಿ ಗ್ರಾಹಕರ ಮೆಚ್ಚುಗೆಯನ್ನು ಗಳಿಸುವಂತೆ ಇದೆ.

* ನೋಡಲು ಆಕರ್ಷಕವಾಗಿದೆ

* ಅಲ್ಲದೆ ಈ ಸ್ಪೀಕರ್ ಅನ್ನು ಜೊತೆಯಲ್ಲಿ ಕೊಂಡೊಯ್ಯಬಹುದಾದಷ್ಟು ಹಗುರವಾಗಿದೆ.

ಅನಾನುಕೂಲ: ಈ ಸ್ಪೀಕರ್ ನಲ್ಲಿ ಗಡಿಯಾರ, EQ ಮತ್ತು FM ರೇಡಿಯೊದ ಸೌಲಭ್ಯವಿಲ್ಲ.ಆದರೆ ಸ್ಪೀಕರ್ ವಿಷಯಕ್ಕೆ ಬಂದಾಗ ಇವುಗಳ ಅಗತ್ಯ ಕೂಡ ಅಷ್ಟೇನು ಇಲ್ಲ.