Subscribe to Gizbot

ಸೇಲಿಗಿದೆ ಫ್ಲಿಪ್‌ಕಾರ್ಟ್: ಕೊಳ್ಳಲು ಅಮೆಜಾನ್-ವಾಲ್‌ಮಾರ್ಟ್‌ ನಡುವೆ ಸ್ಪರ್ಧೆ..!

Written By:

ದೇಶಿಯ ಮಾರುಕಟ್ಟೆಯ ಇ-ಕಾರ್ಮಸ್ ವಿಭಾಗದಲ್ಲಿ ಹೊಸ ಭಾಷ್ಯವನ್ನು ಬರೆದಿದ್ದ ಬೆಂಗಳೂರು ಮೂಲದ ಫ್ಲಿಪ್‌ಕಾರ್ಟ್, ಹಂತ ಹಂತವಾಗಿ ಅತೀ ದೊಡ್ಡ ಕಂಪನಿಯಾಗಿ ರೂಪುಗೊಂಡಿದೆ. ಅಲ್ಲದೇ ಅತೀ ಹೆಚ್ಚಿನ ಬಳಕೆದಾರರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಇದೇ ಮಾದರಿಯಲ್ಲಿ ಮಾರುಕಟ್ಟೆಯಲ್ಲಿ ಅಮೆರಿಕ ಮೂಲದ ಇ ಕಾಮರ್ಸ್ ಸಂಸ್ಥೆ ಅಮೆಜಾನ್‌ಗೆ ಸೆಡ್ಡು ಹೊಡೆದಿರುವ ಫ್ಲಿಪ್‌ಕಾರ್ಟ್‌ ಹೆಚ್ಚಿನ ಪಾಲನ್ನು ಮಾರುಕಟ್ಟೆಯಲ್ಲಿ ಹೊಂದಿದೆ. ಈ ಹಿನ್ನಲೆಯಲ್ಲಿ ಫ್ಲಿಪ್‌ಕಾರ್ಟ್‌ ಖರೀದಿಗೆ ವಾಲ್‌ಮಾರ್ಟ್ ಆಸಕ್ತಿ ತೋರಿಸಿದೆ.

ಸೇಲಿಗಿದೆ ಫ್ಲಿಪ್‌ಕಾರ್ಟ್: ಕೊಳ್ಳಲು ಅಮೆಜಾನ್-ವಾಲ್‌ಮಾರ್ಟ್‌ ನಡುವೆ ಸ್ಪರ್ಧೆ..!

ವಾಲ್​ಮಾರ್ಟ್​ ಭಾರತೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳುವ ಸಲುವಾಗಿ ಫ್ಲಿಪ್​ಕಾರ್ಟ್​ ನಲ್ಲಿ ಬಹುದೊಡ್ಡ ಪಾಲನ್ನು ಖರೀದಿ ಮಾಡಲು ಮಾತುಕತೆ ನಡೆಸುತ್ತಿದೆ. ಈಗಾಗಲೇ ಅಮೆರಿಕಾದಲ್ಲಿ ವಾಲ್‌ಮಾರ್ಟ್‌ಗೆ ಅಮೆಜಾನ್ ಹೆಚ್ಚಿನ ಪ್ರಮಾಣದಲ್ಲಿ ಸ್ಪರ್ಧೆಯನ್ನು ನೀಡುತ್ತಿದೆ. ಈ ಹಿನ್ನಲೆಯಲ್ಲಿ ಭಾರತದಲ್ಲಿ ವಾಲ್‌ಮಾರ್ಟ್‌ ಆಗಮನಕ್ಕೆ ತಡೆ ಒಡ್ಡುವ ಸಲುವಾಗಿ ಫ್ಲಿಪ್‌ಕಾರ್ಟ್‌ ಅನ್ನು ತಾನೇ ಖರೀದಿಸುವ ಯೋಜನೆಯನ್ನು ಅಮೆಜಾನ್ ರೂಪಿಸಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಅಮೆರಿಕಾದ ರಿಟೇಲ್ ಉದ್ಯಮದಲ್ಲಿ ಅತೀ ದೊಡ್ಡ ಬಂಡವಾಳವನ್ನು ಹೊಂದಿರುವ ವಾಲ್​ಮಾರ್ಟ್​, ಭಾರತದ ಅತಿ ದೊಡ್ಡ ಆನ್​ಲೈನ್​ ಶಾಪಿಂಗ್​ ಸಂಸ್ಥೆ ಫ್ಲಿಪ್​ಕಾರ್ಟ್​ ಅನ್ನು ಖರೀದಿಸಲು ಮಾತುಕತೆ ನಡೆಸುತ್ತಿದೆ. ಈ ಮಾತುಕತೆ ಫಲಪ್ರದವಾಗುವ ಸಾಧ್ಯತೆಗಳೂ ಇವೆ ಎನ್ನಲಾಗಿದ್ದು, ಇದೇ ಸಂದರ್ಭದಲ್ಲಿ ಮತ್ತೊಂದು ಹೊಸ ಸಾಧ್ಯತೆಯ ಮಾಹಿತಿಯೂ ಲೀಕ್ ಆಗಿದೆ.

ಸೇಲಿಗಿದೆ ಫ್ಲಿಪ್‌ಕಾರ್ಟ್: ಕೊಳ್ಳಲು ಅಮೆಜಾನ್-ವಾಲ್‌ಮಾರ್ಟ್‌ ನಡುವೆ ಸ್ಪರ್ಧೆ..!

ಭಾರತದ ಇ ಕಾಮರ್ಸ್ ಸಂಸ್ಥೆ ಫ್ಲಿಪ್​ಕಾರ್ಟ್​ ಅನ್ನು ಖರೀದಿಸಲು ಅಮೆರಿಕಾ ಮೂಲದ ಅಮೆಜಾನ್​ ಸಹ ಪ್ರಸ್ತಾವನೆ ಸಲ್ಲಿಸಿರುವ ಬಗ್ಗೆ 'ಲೈಲಿಮಿಂಟ್​ವರದಿ ಮಾಡಿದೆ. ಆದರೆ ಈ ಕುರಿತು ಅಮೆಜಾನ್‌ ಆಗಲಿ, ಫ್ಲಿಪ್‌ಕಾರ್ಟ್ ಆಗಲಿ ಯಾವುದೇ ಮಾಹಿತಿಯನ್ನು ಬಿಡುಗಡೆ ಮಾಡಿಲ್ಲ ಎನ್ನಲಾಗಿದೆ.

ಫ್ಲಿಪ್​ಕಾರ್ಟ್​ನ ಶೇ. 40ರಷ್ಟು ಪಾಲುದಾರಿಕೆಯನ್ನು ವಾಲ್​ಮಾರ್ಟ್​ ಖರೀದಿಸುತ್ತಿದೆ. ಇದರಿಂದಗಿ ಅಮೆಜಾನ್​ಗೆ ಇನ್ನು ಹೆಚ್ಚಿನ ಸ್ಪರ್ಧೆಯನ್ನು ಎದುರಿಸಬೇಕಾದ ಅನಿವಾರ್ಯತೆ ಉಂಟಾಗಲಿದೆ. ಇದರಿಂದ ಹೊರಬರುವ ಯೋಜನೆಯನ್ನು ರೂಪಿಸಿ, ಫ್ಲಿಪ್‌ಕಾರ್ಟ್‌ ಅನ್ನು ತೆಕ್ಕೆಗೆ ತೆಗೆದುಕೊಂಡು ಭಾರತದ ಅತೀ ದೊಡ್ಡ ಇ ಕಾರ್ಮಸ್ ಸಂಸ್ಥೆ ಎನ್ನಿಸಿಕೊಳ್ಳುವ ತವಕದಲ್ಲಿದೆ.

English summary
Amazon Attempting To Take Over Flipkart. to know more visit kannada.gizbot.com
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot