ನೆಟ್‌ಫ್ಲಿಕ್ಸ್‌, ಹಾಟ್‌ಸ್ಟಾರ್‌, ಅಮೆಜಾನ್‌ ವಿಡಿಯೋ ವೀಕ್ಷಣೆಗೆ ಬೆಸ್ಟ್‌ ಡೇಟಾ ಪ್ಲಾನ್ಸ್‌..!

ರಿಲಾಯನ್ಸ್‌ ಜಿಯೋ

ವಿಡಿಯೋ ಕಂಟೆಂಟ್‌ ಸ್ಟ್ರೀಮ್‌ ಮಾಡುವಾಗ ಬಹಳಷ್ಟು ಡೇಟಾ ಬೇಕಾಗುತ್ತದೆ. ಆದ್ದರಿಂದ ನಾವು ದಿನಕ್ಕೆ 2GB ಡೇಟಾ ಅಥವಾ ಅದಕ್ಕಿಂತ ಹೆಚ್ಚಿನ ಡೇಟಾ ನೀಡುವ ಪ್ಯಾಕ್‌ಗಳನ್ನು ಮಾತ್ರ ಪರಿಗಣಿಸುತ್ತಿದ್ದೇವೆ.

ದಿನಕ್ಕೆ 2GB ಡೇಟಾದೊಂದಿಗೆ, ನೀವು ಮೂರರಿಂದ ನಾಲ್ಕು ಗಂಟೆಗಳವರೆಗೆ ವಿಡಿಯೋಗಳನ್ನು ವೀಕ್ಷಿಸಬಹುದು. ನೀವು ಹೆಚ್ಚಿನ ಡೇಟಾವನ್ನು ವಿಡಿಯೋ ಖರ್ಚು ಮಾಡಿದರೂ, ಇತರ ಅಪ್ಲಿಕೇಶನ್‌ಗಳಿಗೆ ಸಾಕಷ್ಟು ಡೇಟಾ ಉಳಿದಿರುತ್ತದೆ. ಈ ವಿಭಾಗದಲ್ಲಿ ರಿಲಾಯನ್ಸ್ ಜಿಯೋ ಹಲವಾರು ಆಫರ್‌ಗಳನ್ನು ನೀಡುತ್ತಿದೆ.

198 ರೂ. ಪ್ರಿಪೇಯ್ಡ್ ಯೋಜನೆಯಿಂದ ದಿನಕ್ಕೆ 2GB ಡೇಟಾ ನೀಡಲಾಗುತ್ತದೆ. 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಗ್ರಾಹಕರು ಒಟ್ಟು 56GB ಡೇಟಾವನ್ನು ಪಡೆಯುತ್ತಾರೆ. 398 ರೂ. ಪ್ಲಾನ್‌ ಕೂಡ ಗ್ರಾಹಕರಿಗೆ 2GB ಡೇಟಾವನ್ನು ನೀಡುತ್ತದೆ. 70 ದಿನಗಳ ವ್ಯಾಲಿಡಿಟಿ ಹೊಂದಿರುವ ಪ್ಲಾನ್‌ನಲ್ಲಿ ಒಟ್ಟು 140GB ಡೇಟಾ ಸಿಗುತ್ತದೆ. 448 ಮತ್ತು 498 ರೂ. ಪ್ರಿಪೇಯ್ಡ್ ಪ್ಲಾನ್‌ಗಳು ಕ್ರಮವಾಗಿ 84 ದಿನ ಮತ್ತು 91 ದಿನಗಳ ವ್ಯಾಲಿಡಿಟಿ ಹೊಂದಿವೆ.

ಈ ಪ್ಲಾನ್‌ಗಳು ಕ್ರಮವಾಗಿ 168GB ಮತ್ತು 182GB ಡೇಟಾವನ್ನು ದಿನಕ್ಕೆ 2GBಯಂತೆ ನೀಡುತ್ತವೆ. ಇದರ ಜೊತೆ ರಿಲಾಯನ್ಸ್ ಜಿಯೋ ಅನ್‌ಲಿಮಿಟೆಡ್‌ ಡೇಟಾವನ್ನು ಸಹ ನೀಡುತ್ತಿದ್ದು, 2GB ಡೇಟಾ ಬಳಕೆಯ ನಂತರ 64kbps ವೇಗದಲ್ಲಿ ಇಂಟರ್‌ನೆಟ್‌ ಬಳಸಬಹುದು.

ಏರ್‌ಟೆಲ್‌

ಏರ್‌ಟೆಲ್‌ನಲ್ಲಿ ಅಗ್ಗದ 2GB ಡೇಟಾ ಪ್ಲಾನ್‌ 249 ರೂ.ಗೆ ದೊರೆಯುತ್ತಿದ್ದು, 28 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಇದು ಶಾ ಅಕಾಡೆಮಿ ಮತ್ತು ಜೀವ ವಿಮೆಯಂತಹ ಹೆಚ್ಚುವರಿ ಪ್ರಯೋಜನಗಳನ್ನು ಒಳಗೊಂಡಿದೆ. ದಿನಕ್ಕೆ 2GB ಡೇಟಾದ 499 ರೂ.ಗಳ ಪ್ರಿಪೇಯ್ಡ್ ಪ್ಲಾನ್‌ ಇದ್ದು, 82 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಇದು ಜಿಯೋದ 448 ರೂ.

ಯೋಜನೆಗೆ ಸ್ಪರ್ಧೆನೀಡುವ ಪ್ಲಾನ್‌ ಆಗಿದೆ. ಇನ್ನು, 299 ಪ್ರಿಪೇಯ್ಡ್ ಪ್ಯಾಕ್ ಸಹ ನಿಮಗಾಗಿ ಇದ್ದು, ಈ ಪ್ಲಾನ್‌ನಲ್ಲಿ ದಿನಕ್ಕೆ 2.5GB ಡೇಟಾ ದೊರೆಯುತ್ತಿದ್ದು, 28 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಇದರ ಜೊತೆಗೆ ತಿಂಗಳ ಅಮೆಜಾನ್‌ ಪ್ರೈಮ್‌ ವಿಡಿಯೋ ನಿಮ್ಮದಾಗುತ್ತದೆ. ಇನ್ನು, 28 ದಿನಗಳವರೆಗೆ ದಿನಕ್ಕೆ 3GB ಡೇಟಾ ನೀಡುವ 349 ರೂ. ಪ್ರಿಪೇಯ್ಡ್ ಯೋಜನೆಯೂ ಕೂಡ ನಿಮಗೆ ಸಿಗುತ್ತದೆ.

ವೊಡಾಫೋನ್‌

ವೊಡಾಫೋನ್‌ನಲ್ಲಿಯೂ ದಿನಕ್ಕೆ 2GB ಡೇಟಾವನ್ನು ನೀಡುವ ಅಗ್ಗದ ಯೋಜನೆಯ ಬೆಲೆ 229 ರೂ. ಆಗಿದ್ದು, ಇಲ್ಲಿ 28 ದಿನಗಳ ವ್ಯಾಲಿಡಿಟಿಯಲ್ಲಿ 56GB ಡೇಟಾ ಸಿಗುತ್ತದೆ. ಇನ್ನು, 349 ರೂ. ಪ್ರಿಪೇಯ್ಡ್ ಯೋಜನೆಯಲ್ಲಿ 28 ​​ದಿನಗಳಿಗೆ ದಿನಕ್ಕೆ 3GB ಡೇಟಾ ದೊರೆಯುತ್ತದೆ. 255 ರೂ. ಪ್ರಿಪೇಯ್ಡ್ ಪ್ಲಾನ್‌ನಲ್ಲಿ 28 ದಿನಗಳಿಗೆ ದಿನಕ್ಕೆ 2.5GB ಡೇಟಾ ಸಿಗುತ್ತದೆ. 84 ದಿನಗಳ ವ್ಯಾಲಿಡಿಟಿಯಲ್ಲಿ ದಿನಕ್ಕೆ 2GB ಡೇಟಾ ನೀಡುವ 511 ರೂ. ಪ್ರಿಪೇಯ್ಡ್ ಪ್ಲಾನ್‌ ಕೂಡ ಇದೆ.