ಇನ್ಮುಂದೆ ನಿಮ್ಮ ಪೋಸ್ಟ್‌ಗಳ ಮೇಲೆ ಕಣ್ಣಿಡಲಿದೆ ಫೇಸ್‌ಬುಕ್!..ಕಾರಣ ಸೂಪರ್!!

ಪ್ರೊಫೈಲ್ ಮೇಲೆ ನಿಗಾ ಇಡಲಿದೆ ಫೇಸ್‌ಬುಕ್!

ಎಫ್‌ಬಿ ಫೋಸ್ಟ್‌ನಲ್ಲಿ ಯಾರಾದರೂ ಫೀಲಿಂಗ್ ಸ್ಯಾಡ್, ವಾಂಟ್ ಟು ಡೈ, ಸೆಲ್ಫ್ ಹಾರ್ಮ್, ಫೀಲಿಂಗ್ ಲೋನ್ಲಿ ಅಂತಹ ಬರಹಗಳನ್ನು ಬರೆದಿದ್ದರೆ ಅವರನ್ನು ಗುರುತಿಸಿ ಅವರ ಪ್ರೊಫೈಲ್ ಮೇಲೆ ನಿಗಾ ಇಡಲು ಈ ಕೃತಕ ಬುದ್ದಿಮತ್ತೆ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಇಂತಹ ವ್ಯಕ್ತಿಗಳ ಪ್ರೊಫೈಲ್‌ಗಳನ್ನು ಜಾಲಾಡಿ, ಸಂಬಂಧಿತ ವಿಭಾಗವನ್ನು ಎಚ್ಚರಿಸಿ, ಸ್ನೇಹಿತರಿಗೆ, ಆಪ್ತರಿಗೆ ಸಂದೇಶ ರವಾನಿಸುವಂತಹ ಕೆಲಸವನ್ನು ಈ ತಂತ್ರಜ್ಞಾನ ಮಾಡುವಂತೆ ಫೇಸ್‌ಬುಕ್ ಪ್ರಯತ್ನಿಸುತ್ತಿದೆ.

ಮೊಬೈಲ್‌ ಮೇಲೂ ನಿಗಾ ಇರಿಸಲಿದೆ

ಇನ್ಮುಂದೆ ಫೇಸ್‌ಬುಕ್‌ ಫೋಸ್ಟ್‌ನಲ್ಲಿ ನಾವು ಬರಹಗಳನ್ನು ಪ್ರಕಟಿಸುವಾಗ, ‘ಎಐ' ಕಣ್ಣು ನಿಮ್ಮ ಮೇಲೆ ನೆಟ್ಟಿರುತ್ತದೆ. ಇಂತಹ ಸಾಧ್ಯತೆಗಳನ್ನು ಹಗುರವಾಗಿ ನೋಡುವ ಅಗತ್ಯ ಇಲ್ಲ ಎಂದು ಫೇಸ್‌ಬುಕ್‌ ಹೇಳುತ್ತಿದೆ. ಕೆಲವು ವಿಶೇಷ ಸಾಧನಗಳು ಮತ್ತು ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನದ ಮೂಲಕ ನಾವು ಬಳಸುತ್ತಿರುವ ಮೊಬೈಲ್‌ ಮೇಲೂ ನಿಗಾ ಇರಿಸಲಿದೆ ಎಂದು ಸೈಬರ್ ತಜ್ಞರು ಹೇಳುತ್ತಿದ್ದಾರೆ.

ಕಾರಣಗಳನ್ನು ಹುಡುಕುತ್ತದೆ ಬುದ್ದಿಮತ್ತೆ!

ನಿತ್ಯ ಕ್ರಿಯಾಶೀಲನಾಗಿರುವ ಬಳಕೆದಾರ ಇದ್ದಕ್ಕಿದ್ದಂತೇ ಬಳಕೆ ನಿಲ್ಲಿಸಿದರೆ, ಖಾತೆಯನ್ನು ನಿಷ್ಕ್ರಿಯಗೊಳಿಸಿದರೆ ಈ ತಂತ್ರಜ್ಞಾನ ಕೂಡಲೇ ಪತ್ತೆಹಚ್ಚಿ ಅದಕ್ಕೆ ಕಾರಣಗಳನ್ನು ಹುಡುಕುವ ಪ್ರಯತ್ನಗಳನ್ನು ‘ಎಐ' ಮಾಡುತ್ತದೆ. ಬಳಕೆದಾರನ ಮಾನಸಿಕ ಸ್ಥಿತಿ ಕೆಟ್ಟದಾಗಿದೆ ಎಂದೆನಿಸಿದರೆ ಸ್ಥಳೀಯ ಅಧಿಕಾರಿಗಳಿಗೆ ಮಾಹಿತಿ ರವಾನಿಸುವಂತೆಯೂ ಮಾಡಲಾಗುತ್ತಿದೆ. ಈಗಾಗಲೇ ಇದರ ಪ್ರಾಯೋಗಿಕ ಪರೀಕ್ಷೆಗಳನ್ನೂ ಅಮೆರಿಕದ ಕೆಲವು ಪ್ರಾಂತ್ಯಗಳಲ್ಲಿ ಫೇಸ್‌ಬುಕ್ ನಡೆಸಿದೆ.

ಭಾವನೆಗಳನ್ನು ಪತ್ತೆಹಚ್ಚುವ ಶಕ್ತಿ

ತಂತ್ರಜ್ಞಾನ ಈಗ ಮನುಷ್ಯನ ವರ್ತನೆಯನ್ನೂ ವಿಶ್ಲೇಷಿಸುವ ಮಟ್ಟಕ್ಕೆ ಬೆಳೆದಿದೆ. ಕೇವಲ ಸಂದೇಶಗಳಷ್ಟೇ ಅಲ್ಲ, ಮಾತಾಡುವಾಗ ಧ್ವನಿಯಲ್ಲಿನ ವ್ಯತ್ಯಾಸ, ಚಹರೆಯಲ್ಲಾಗುವ ಬದಲಾವಣೆಗಳು, ಕುಳಿತುಕೊಂಡಿರುವ, ನಿಂತಿರುವ ಭಂಗಿಯನ್ನೂ ಆಧರಿಸಿ ಮನುಷ್ಯನ ಭಾವನೆಗಳನ್ನು ಪತ್ತೆಹಚ್ಚುವ ಶಕ್ತಿ ಅದಕ್ಕೆ ಬಂದಿದೆ. ವ್ಯಕ್ತಿ ಅಗತ್ಯಕ್ಕೆ ತಕ್ಕಂತೆ ಹೇಗೆ ಕೆಲಸ ಮಾಡುವರೋ ಹಾಗೆಯೇ ಇದು ಕೆಲಸ ಮಾಡುತ್ತದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಇದೊಂದು ಸಾಧನವಷ್ಟೇ

ಕೃತಿಕ ಬುದ್ಧಿಮತ್ತೆ ಎಂಬುದು ಒಂದು ಸಾಧನವಾಗಿ ಬಳಕೆಯಾಗುವ ತಂತ್ರಜ್ಞಾನವಷ್ಟೇ ಎಂದು ತಜ್ಞರು ಹೇಳುತ್ತಿದ್ದಾರೆ. ಆನ್‌ಲೈನ್‌ ವಂಚನೆ, ಅಪರಾಧ ಪ್ರಕರಣಗಳು ಈಚೆಗೆ ಹೆಚ್ಚಾಗುತ್ತಿರುವುದರಿಂದ ಈ ತಂತ್ರಜ್ಞಾನವು ಜನರಿಗೆ ಸಹಾಯ ಮಾಡಲಿದೆ ಎನ್ನುವ ವಿಶ್ವಾಸ ಮೂಡಿದೆ. ಆದರೆ, ಫೇಸ್‌ಬುಕ್ ಇದನ್ನುಸಹ ಆದಾಯದ ದೃಷ್ಟಿಯಲ್ಲಿ ನೀಡಿದರೆ ಕಷ್ಟ ಎನ್ನುತ್ತಿದ್ದಾರೆ ತಜ್ಞರು.