ಫೇಸ್‌ಬುಕ್‌ ಸಿಇಒ ಜುಕರ್‌ಬರ್ಗ್‌ ಸ್ಥಾನಕ್ಕೆ ಬಂದಿದೆ ಕುತ್ತು..!

ಯಾರಿಂದ ಪ್ರಸ್ತಾಪ..?

ಇಲಿನಾಯ್ಸ್‌, ರೋಡ್ ಐಲ್ಯಾಂಡ್ ಮತ್ತು ಪೆನ್ಸಿಲ್ವೇನಿಯಾ ಮತ್ತು ನ್ಯೂಯಾರ್ಕ್ ಸಿಟಿ ಕಂಟ್ರೋಲರ್ ಸ್ಕಾಟ್ ಸ್ಟ್ರಿಂಜರ್‌ ರಾಜ್ಯ ಖಜಾಂಚಿಗಳು ಸಹ ಪ್ರಸ್ತಾಪ ಸಲ್ಲಿಸಿದ್ದಾರೆ. ಈ ಖಜಾಂಚಿಗಳು ಪಿಂಚಣಿ ನಿಧಿಗಳು ಸೇರಿದಂತೆ ಹಣವನ್ನು ಮೇಲ್ವಿಚಾರಣೆ ಮಾಡುತ್ತಾರೆ. ಮತ್ತು ಟ್ರಿಲ್ಲಿಯಮ್ ಆಸ್ತಿ ನಿರ್ವಹಣೆಯ ಮೂಲ ಫೈಲರ್‌ ಆಗಿ ಕಾರ್ಯನಿರ್ವಹಿಸುತ್ತಾರೆ.

2017ರಲ್ಲೂ ಆಗಿತ್ತು..!

ಈಗ ಆಗಿರುವ ಪ್ರಸ್ತಾಪದಂತೆ ಷೇರುದಾರರು 2017ರಲ್ಲಿ ಪ್ರತ್ಯೇಕ ಚೇರ್‌ಮನ್‌ಗೆ ಪ್ರಸ್ತಾಪ ಸಲ್ಲಿಸಲಾಗಿತ್ತು. ಆದರೆ, ಆ ಪ್ರಸ್ತಾಪವು ಮಾರ್ಕ್‌ ಜುಕರ್‌ಬರ್ಗ್‌ ಕಂಪನಿಯಲ್ಲಿ ಹೆಚ್ಚಿನ ನಿಯಂತ್ರಣ ಹೊಂದಿದ್ದರಿಂದ ಸೋತಿತು. ಈಗ ನೀಡಿರುವ ಪ್ರಸ್ತಾಪದಲ್ಲಿನ ನಾಲ್ಕು ಸಾರ್ವಜನಿಕ ಷೇರುಗಳಲ್ಲಿ ಮೂರು ಸಾರ್ವಜನಿಕ ಷೇರುಗಳ ನಿಧಿಗಳು 2017ರಲ್ಲಿ ಪ್ರತ್ಯೇಕ ಚೇರ್‌ಮನ್‌ ಪ್ರಸ್ತಾಪಕ್ಕೆ ಬೆಂಬಲಿಸಿದ್ದವು.

ಮತ್ತೆ ಯಾಕೆ ಬಂತು ಪ್ರಸ್ತಾಪ..?

ಇತ್ತೀಚಿನ ಪ್ರಸ್ತಾವನೆಯು ಫೇಸ್‌ಬುಕ್‌ನ ಹಲವು ಸಮಸ್ಯೆಗಳಿಗೆ ಗಮನ ಸೆಳೆಯುವ ಮಾರ್ಗವಾಗಿದೆ ಮತ್ತು ಅವುಗಳನ್ನು ಹೇಗೆ ಪರಿಹರಿಸಬಹುದೆಂಬುದಕ್ಕೆ ಉತ್ತರ ಪಡೆಯಲು ನೀಡಲಾಗಿದೆ ಎಂದು ರೋಡ್ ಐಲ್ಯಾಂಡ್ನ ರಾಜ್ಯ ಖಜಾಂಚಿ ಸೇಥ್ ಮ್ಯಾಗಜೀನರ್ ಹೇಳಿದ್ದಾರೆ. ಇದು ವಾರ್ಷಿಕ ಸಭೆಯಲ್ಲಿ ಮಾತನಾಡಲು ಅವಕಾಶ ಸೃಷ್ಟಿಸುತ್ತದೆ ಮತ್ತು ಇಂದಿನಿಂದ ನಾವು ಸಾರ್ವಜನಿಕ ನ್ಯಾಯಾಲಯದಲ್ಲಿರುತ್ತೇವೆ ಎಂದು ಅವರು ಹೇಳಿದ್ದಾರೆ.

ಮುಂದಿನ ವರ್ಷ ಸಭೆ

ಮೇ 2019ರಲ್ಲಿ ಫೇಸ್‌ಬುಕ್‌ನ ವಾರ್ಷಿಕ ಷೇರುದಾರರ ಸಭೆ ನಡೆಯಲಿದ್ದು, ಪ್ರಸ್ತುತ ಪ್ರಸ್ತಾವನೆಯನ್ನು ಅಲ್ಲಿ ಷೇರುದಾರರ ಮುಂದೆ ತರಲು ಉದ್ದೇಶಿಸಲಾಗಿದೆ. ಕಂಪನಿಯ ಮೇಲ್ವಿಚಾರಣೆಯ ಸುಧಾರಣೆ ಹಾಗೂ ಇತರೆ ಕಂಪನಿಗಳಲ್ಲಿರುವಂತೆ ಪ್ರತ್ಯೇಕ ಸ್ವತಂತ್ರ ಚೇರ್‌ಮನ್‌ ಮಂಡಳಿಯನ್ನು ರಚಿಸಬೇಕೆಂದು ಪ್ರಸ್ತಾಪಿಸಲಾಗಿದೆ.

ವಿವಾದಗಳಿಂದ ನಂಬಿಕೆ ಕಳೆದುಕೊಂಡ ಎಫ್‌ಬಿ

ವಿಶ್ವದ ಅತಿದೊಡ್ಡ ಸಾಮಾಜಿಕ ಜಾಲತಾಣ ಆಗಿರುವ ಫೇಸ್‌ಬುಕ್‌ ಇತ್ತೀಚೆಗೆ ಹಲವು ವಿವಾದಗಳಿಂದ ಜನರಲ್ಲಿನ ನಂಬಿಕೆಯನ್ನು ಕಳೆದುಕೊಂಡಿತು. ಇದರಲ್ಲಿ ಪ್ರಮುಖವಾದವುಗಳೆಂದರೆ, ಅನಧಿಕೃತವಾಗಿ ಬಳಕೆದಾರರ ಮಾಹಿತಿ ಹಂಚಿಕೆ, ನಕಲಿ ಸುದ್ದಿಗಳ ಪ್ರಸಾರ ಮತ್ತು ಯುಎಸ್‌ ಚುನಾವಣೆಗಳಲ್ಲಿ ವಿದೇಶಿ ಮಧ್ಯಸ್ಥಿಕೆಗಳು ಸೇರಿವೆ. ಸ್ವತಂತ್ರ ಚೇರ್‌ಮನ್‌ ಮಂಡಳಿ ಕಂಪನಿಯ ಎಲ್ಲಾ ಸಮಸ್ಯೆಗಳನ್ನು ಬಗೆಹರಿಸುತ್ತೆ ಎನ್ನುವುದಿಲ್ಲ. ಆದರೆ, ಒಂದಿಷ್ಟು ಸಮಸ್ಯೆಗಳನ್ನು ನಿಯಂತ್ರಿಸಬಹುದು ಮತ್ತು ಷೇರು ಬೆಲೆ ಇಳಿಕೆಯಾಗುವುದನ್ನು ತಡೆಯಬಹುದು ಎಂದು ಇಲಿನಾಯ್ಸ್‌ ರಾಜ್ಯ ಖಜಾಂಚಿ ಮೈಕೆಲ್ ಫ್ರೆರಿಚ್ ಹೇಳಿದ್ದಾರೆ.

ಮುಂದಿನ ದಿನಗಳಲ್ಲಿ ದೊಡ್ಡ ಮಟ್ಟದ ಸಭೆ

2017ರಲ್ಲಿ ಬಾಹ್ಯ ಹೂಡಿಕೆದಾರರ ಬಹುಮತೆ ನಿರ್ಣಾಯಕವಾಯಿತು. ಮ್ಯಾಗಜೀನರ್‌ ಮತ್ತು ಫ್ರೆರಿಚ್‌ ಹೊಸ ಪ್ರಸ್ತಾಪಕ್ಕೆ ಬೆಂಬಲ ಪಡೆಯಲು ಮುಂದಿನ ತಿಂಗಳು ದೊಡ್ಡ ಫೇಸ್‌ಬುಕ್‌ ಹೂಡಿಕೆದಾರರ ಜತೆ ಸಭೆ ನಡೆಸಿ ಮಾತನಾಡಲು ಯೋಜಿಸಲಾಗಿದೆ ಎಂದು ಹೇಳಿದ್ದಾರೆ.

ಸ್ವೀಕೃತಿಯಾದರೆ ಏನಾಗುತ್ತೇ..?

ಸದ್ಯ ಫೇಸ್‌ಬುಕ್‌ ಸಿಇಒ ಮತ್ತು ಚೇರ್‌ಮನ್‌ ಎರಡು ಹುದ್ದೆಗಳನ್ನು ಮಾರ್ಕ್‌ ಜುಕರ್‌ಬರ್ಗ್‌ ಹೊಂದಿದೆ. ಇದರಿಂದ ಫೇಸ್‌ಬುಕ್‌ನಲ್ಲಿ ಪ್ರತ್ಯೇಕ ಚೇರ್‌ಮನ್‌ ಮಂಡಳಿ ಸೃಷ್ಟಿಯಾಗಿ ಸ್ವತಂತ್ರ ಚೇರ್‌ಮನ್‌ ನೇಮಕಗೊಳ್ಳುತ್ತಾರೆ. ಪ್ರಸ್ತಾಪ ಸ್ವೀಕೃತಿಯಾಗಿ ಅನುಮೋದನೆಗೊಂಡರೆ ಫೇಸ್‌ಬುಕ್‌ನ ಆಡಳಿತ ಎರಡು ಕಡೆಯಿಂದ ನಿರ್ವಹಿಸಲ್ಪಡುತ್ತದೆ. ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಸಿಇಒ ಜತೆ ಚೇರ್‌ಮನ್‌ ಕೂಡ ಮುಖ್ಯವಾಗುತ್ತಾರೆ.