ಕಾರ್ಡ್‌ಲೆಸ್ ಕ್ರೆಡಿಟ್ ಹಣಕಾಸು ಆಯ್ಕೆ ನೀಡಿದ ಫ್ಲಿಪ್‌ಕಾರ್ಟ್..!

ರಿಯಲ್‌ ಟೈಮ್‌ ಕ್ರೆಡಿಟ್ ಅಕ್ಸೆಸ್

ಇತ್ತೀಚೆಗೆ ಫ್ಲಿಪ್ ಕಾರ್ಟ್ ತನ್ನ ಹೆಚ್ಚಿನ ಸ್ಟೇಕ್ ಗಳನ್ನು ಯುಎಸ್ ನ ವಾಲ್ ಮಾರ್ಟ್ ಗೆ ಮಾರಾಟ ಮಾಡಿದೆ ಮತ್ತು ಈ ಕಾರ್ಡ್ ಲೆಸ್ ಕ್ರೆಡಿಟ್ ಸಿಸ್ಟಮ್ ನ ಪ್ರಮುಖ ಉದ್ದೇಶ ರಿಯಲ್ ಟೈಮ್ ನಲ್ಲಿ ಕ್ರೆಡಿಟ್ ಆಕ್ಸಿಸ್ ನ್ನು ಹೆಚ್ಚಿಸುವುದು ಮತ್ತು ಅಪ್ಲಿಕೇಷನ್ ಪ್ರೊಸೆಸ್ ನ್ನು ಇನ್ನಷ್ಟು ಸರಳಗೊಳಿಸುವುದಾಗಿದೆ ಎಂದು ಫ್ಲಿಪ್ ಕಾರ್ಟ್ ತಿಳಿಸಿದೆ.

ಕಾರ್ಡ್ ಲೆಸ್ ಕ್ರೆಡಿಟ್ ನ ಉದ್ದೇಶ:

ಸುಮಾರು 45 ಮಿಲಿಯನ್ ಫ್ಲಿಪ್ ಕಾರ್ಟ್ ಗ್ರಾಹಕರಿಗೆ ಕ್ರೆಡಿಟ್ ಆಕ್ಸಿಸ್ ಇಲ್ಲ ಹಾಗಾಗಿ ಮಿಡಲ್ ಕ್ಲಾಸ್ ಕಸ್ಟಮರ್ ಗೆ ಇದು ಹೆಚ್ಚಿನ ನೆರವನ್ನು ನೀಡುತ್ತದೆ. ಅವರು ಮೊಬೈಲ್ ಖರೀದಿಸುವುದಾದರೆ ಕ್ರೆಡಿಟ್ ಕಾರ್ಡ್ ಅಥವಾ ಕ್ರೆಡಿಟ್ ಲಿಮಿಟ್ ಇಲ್ಲದೆ ಇದ್ದರೂ ಕೂಡ ಫ್ಲಿಪ್ ಕಾರ್ಟ್ ನ ಈ ಸೇವೆಯಿಂದ ಮೊಬೈಲ್ ಖರೀದಿ ಮಾಡಲು ಅವಕಾಶವಿರುತ್ತದೆ. ಗ್ರಾಹಕರ ಶಾಪಿಂಗ್ ಅನುಭವವನ್ನು ಹೆಚ್ಚಿಸಲು ಮತ್ತು ಕೈಗೆಟುಕುವ ಬೆಲೆಯಲ್ಲಿ ದೊರಕುವಂತೆ ಮಾಡಲು ಈ ಸರಳ ಮತ್ತು ಪಾರದರ್ಶಕವಾಗಿರುವ ಶಾಪಿಂಗ್ ಆಕ್ಸಿಸ್ ಹೆಚ್ಚು ನೆರವನ್ನು ನೀಡುತ್ತದೆ ಎಂದು ಕಂಪೆನಿಯು ಅಭಿಪ್ರಾಯ ಪಡುತ್ತದೆ.

ನಿಮಿಷದಲ್ಲಿ 60 ಸಾವಿರ ರೂ. ಕ್ರೆಡಿಟ್

ಫ್ಲಿಪ್ ಕಾರ್ಟ್ ಹೇಳುವಂತೆ ಇನ್ಸ್ಟೆಂಟ್ ಕ್ರೆಡಿಟ್ ಲೈನ್ ಅಪ್ 60,000 ರುಪಾಯಿಗಳವರೆಗಿನ ಟ್ರಾನ್ಸ್ಯಾಕ್ಷನ್ ಗೆ 60 ಸೆಕೆಂಡ್ ಗಳನ್ನು ತೆಗೆದುಕೊಳ್ಳಲಿದೆ ಎಂದು ಹೇಳಿದೆ ಮತ್ತು ಕ್ರೆಡಿಟ್ ಅವಾರ್ಡ್ ಮೊತ್ತವು ಫ್ಲಿಪ್ ಕಾರ್ಟ್ ನಲ್ಲಿನ ಗ್ರಾಹಕರ ವರ್ತನೆಯನ್ನು ಅವಲಂಬಿಸಿರುತ್ತದೆ.

ಎರಡು ರೀತಿಯ ಆಯ್ಕೆಗಳು

ಚೆಕ್ ಔಟ್ ನ ಸಂದರ್ಬದಲ್ಲಿ ಗ್ರಾಹಕರಿಗೆ ಎರಡು ರೀತಿಯ ಪ್ರಮೋಷನ್ ಗಳು ಲಭ್ಯವಾಗುತ್ತದೆ. ಒಂದು ಪೇ ಲೇಟರ್ ನೆಕ್ಸ್ಟ್ ಮಂತ್ ಅಂದರೆ ಮುಂದಿನ ತಿಂಗಳೇ ಸಂಪೂರ್ಣ ಮೊತ್ತವನ್ನು ಪಾವತಿ ಮಾಡುವುದು ಅಥವಾ ಇಎಂಐಗಳು ಅಂದರೆ 3 ರಿಂದ 12 ತಿಂಗಳವರೆಗಿನ ಕಂತಿನ ರೂಪದ ಪಾವತಿ. 2000 ದ ಒಳಗಿನ ಮೊತ್ತದ ಆಯ್ಕೆಯಾದರೆ ಗ್ರಾಹಕರು ಓಟಿಪಿ ಇಲ್ಲದೇ ಈ ಅವಕಾಶವನ್ನು ಪಡೆದುಕೊಳ್ಳಬಹುದು. ಮೊದಲಿಗೆ ಆಯ್ಕೆ ಮಾಡುವವರು ತಮ್ಮ ಡೆಬಿಟ್ ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್ ಇಲ್ಲವೇ ನೆಟ್ ಬ್ಯಾಂಕಿಂಗ್ ಬಳಸಿ ಪಾವತಿ ಮಾಡಬೇಕಾಗುತ್ತದೆ. ಒಟ್ಟಾರೆ ಈ ಹೊಸ ಸೇವೆಯು ಅದೆಷ್ಟು ಗ್ರಾಹಕರಿಗೆ ಇಷ್ಟವಾಗುತ್ತದೆ ಎಂಬುದನ್ನು ಕಾದುನೋಡಬೇಕು.