2021 ಕ್ಕೆ ಸ್ಟಾಪ್‌ ಆಗಲಿದೆ ಗೂಗಲ್ ಫೋಟೋಸ್‌ ಫ್ರೀ ಅನ್‌ಲಿಮಿಟೆಡ್ ಸ್ಟೋರೇಜ್ ಸೇವೆ !

ಹೌದು, ಗೂಗಲ್‌ ಪೋಟೋಸ್‌ ತನ್ನ ಉಚಿತ ಸೇವೆಯನ್ನು ಸ್ಟಾಪ್‌ ಮಾಡಲು ನಿರ್ಧರಿಸಿದೆ ಈ ಮೂಳಕ ಉಚಿತವಾಗಿ ಲಭ್ಯವಾಗುತ್ತಿದ್ದ ಅನ್‌ಲಿಮಿಟೆಡ್‌ ಸ್ಟೋರೇಜ್‌ ಅವಕಾಶ ಇನ್ಮುಂದೆ ದೊರೆಯುವುದಿಲ್ಲ. ಹಾಗೊಂದು ವೇಳೆ ನೀವು ನಿಮ್ಮ ವೀಡಿಯೋಗಳು, ಇಮೇಜ್‌ಗಳನ್ನ ಗೂಗಲ್‌ ಪೋಟೋಸ್‌ ನಲ್ಲಿ ಬಳಸಬೇಕಾದರೆ ಗೂಗಲ್‌ ಒನ್‌ ಸೇವೆಯನ್ನು ಬಳಸಬೇಕಾಗುತ್ತದೆ. ಅಲ್ಲದೆ ಗಗೂಗಲ್‌ ಒನ್‌ ಸೇವೆಗೆ ಚಂದಾದಾರರಾಗಬೇಕಾಗುತ್ತದೆ. ಅಷ್ಟಕ್ಕೂ ಗೂಗಲ್‌ ಪೋಟೋಸ್‌ ಅನ್‌ಲಿಮಿಟೆಡ್‌ ಫ್ರೀ ಸ್ಟೋರೇಜ್‌ ಅವಕಾಶವನ್ನು ಸ್ಟಾಪ್‌ ಮಾಡಿದರೆ, ಬೇರೆ ಅವಕಾಶ ಏನಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಇದೇ ಜೂನ್ 1, 2021 ರಿಂದ ಗೂಗಲ್ ಅನಿಯಮಿತ ಉತ್ತಮ-ಗುಣಮಟ್ಟದ ಫೋಟೋ ಸಂಗ್ರಹ ಆಯ್ಕೆಗಳನ್ನು ನೀಡುವುದನ್ನು ನಿಲ್ಲಿಸಲು ಸಿದ್ಧತೆ ನಡೆಸಿದೆ. ಆದರೂ ಪ್ರತಿ ಬಳಕೆದಾರರಿಗೆ ಗೂಗಲ್ ನಿಗದಿಪಡಿಸುವ 15GB ಕೋಟಾದಲ್ಲಿ ಈಗಾಗಲೇ ಸಂಗ್ರಹವಾಗಿರುವ ವಿಷಯವನ್ನು ಕಂಪನಿಯು ಪರಿಗಣಿಸುವುದಿಲ್ಲ. ಆದಾಗ್ಯೂ, ನೀವು ಉತ್ತಮ ಗುಣಮಟ್ಟದ ಬದಲು ಫೋಟೋಗಳನ್ನು ಮೂಲ ಗುಣಮಟ್ಟದಲ್ಲಿ ಉಳಿಸುತ್ತಿದ್ದರೆ, ಅವುಗಳನ್ನು Google ಪಿಕ್ಸೆಲ್ ಬಳಕೆದಾರರನ್ನು ಹೊರತುಪಡಿಸಿ 15GB ಸ್ಟೋರೇಜ್‌ ಸ್ಪೇಸ್‌ಗೆ ವಿರುದ್ಧವಾಗಿ ಎಣಿಸಲಾಗುತ್ತದೆ ಎನ್ನಲಾಗಿದೆ.

ಇದಲ್ಲದೆ, ಗೂಗಲ್ ಫೋಟೋಸ್‌ ಮೂಲ ಗುಣಮಟ್ಟದ ಫೋಟೋಗಳನ್ನು ಸ್ವಯಂಚಾಲಿತ ಕಂಪ್ರೆಷನ್ ಮೋಡ್ ಬಳಸಿ ಉತ್ತಮ-ಗುಣಮಟ್ಟದ ಫೋಟೋಗಳಾಗಿ ಪರಿವರ್ತಿಸುವ ಆಯ್ಕೆಯನ್ನು ಸಹ ನೀಡುತ್ತದೆ. ಗೂಗಲ್ ಪ್ರಕಾರ, ಇದು ಆಪಲ್‌ಗಿಂತ ಮೂರು ಪಟ್ಟು ಹೆಚ್ಚು ಸ್ಟೋರೇಜ್‌ ಅನ್ನು ನೀಡುತ್ತಿದೆ. ಇದು ಪ್ರತಿ ಬಳಕೆದಾರರಿಗೆ 5GB ಉಚಿತ ಸಂಗ್ರಹಣೆಯನ್ನು ನಿಗದಿಪಡಿಸುತ್ತದೆ. ಗೂಗಲ್ ಫೋಟೋಗಳ ಬಳಕೆದಾರರಲ್ಲಿ 80% ಜನರು 15GB ಶೇಖರಣಾ ಕ್ಯಾಪ್ ಅನ್ನು ಮೀರುವುದಿಲ್ಲ ಎನ್ನಲಾಗಿದೆ. ಇನ್ನು ಗೂಗಲ್ ಖಾತೆಯು 24 ತಿಂಗಳು ನಿಷ್ಕ್ರಿಯವಾಗಿದ್ದರೆ, ಇಮೇಲ್‌ಗಳು, ಫೋಟೋಗಳು ಮತ್ತು ವೀಡಿಯೊಗಳು ಸೇರಿದಂತೆ ನಿಮ್ಮ ಎಲ್ಲ ವಿಷಯವನ್ನು Google ಅಳಿಸಬಹುದು.

ಇನ್ನು ಭಾರತದಲ್ಲಿ ಗೂಗಲ್ ಒನ್‌ನ ಚಂದಾದಾರಿಕೆ ಯೋಜನೆಗಳು 100GB ಕ್ಲೌಡ್ ಸ್ಟೋರೇಜ್ ನೀಡುವ ಪ್ಲ್ಯಾನ್‌ಗೆ ತಿಂಗಳಿಗೆ 130 ರೂ. 200GB ಸ್ಟೋರೇಜ್‌ ನೀಡುವ ಪ್ಲ್ಯಾನ್‌ ತಿಂಗಳಿಗೆ 210 ರೂ, ಮತ್ತು 2TB ಸ್ಟೋರೇಜ್‌ ನೀಡುವ ಪ್ಲ್ಯಾನ್‌ ತಿಂಗಳಿಗೆ 650ರೂ ಹೊಂದಿದೆ. ಇದಲ್ಲದೆ ಗೂಗಲ್ ನೀಡುವ 15GB ಸಂಗ್ರಹಣೆಯನ್ನು ಜಿಮೇಲ್, ಗೂಗಲ್ ಡ್ರೈವ್, ಗೂಗಲ್ ಫೋಟೋಗಳು ಮತ್ತು ಇತರ ಸೇವೆಗಳಲ್ಲಿ ಹಂಚಿಕೊಳ್ಳಲಾಗಿದೆ ಇನ್ನು ಈ ಕೋಟಾವನ್ನು ಭರ್ತಿ ಮಾಡಿದರೆ, ನಂತರ Gmail ಇಮೇಲ್‌ಗಳನ್ನು ಸ್ವೀಕರಿಸುವುದನ್ನು ನಿಲ್ಲಿಸುತ್ತದೆ. ಆದ್ದರಿಂದ, ನಿಮ್ಮ Google ಖಾತೆಯು ತಡೆರಹಿತ ಅನುಭವಕ್ಕಾಗಿ ಕನಿಷ್ಠ 1GB ಉಚಿತ ಸಂಗ್ರಹಣೆಯನ್ನು ಹೊಂದಿದೆಯೆ ಎಂದು ಖಚಿತಪಡಿಸಿಕೊಳ್ಳಿ.