IRCTC ಇ-ವ್ಯಾಲೆಟ್‌ನಲ್ಲಿ ಹಣವನ್ನು ಡೆಪಾಸಿಟ್‌ ಮಾಡುವುದು ಹೇಗೆ?

ಹೌದು, IRCTC ವೆಬ್‌ಸೈಟ್‌ ಮೂಲಕ ಪ್ರಯಾಣಿಕರು ತಮ್ಮ ರೈಲು ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ಇದೀಗ IRCTC ಇ-ವ್ಯಾಲೆಟ್‌ ಅನ್ನು ಕೂಡ ಹೊಂದಿದೆ. ಆನ್‌ಲೈನ್‌ನಲ್ಲಿ ಟಿಕೆಟ್‌ ಬುಕ್ಕಿಂಗ್‌ ಮಾಡುವವರು IRCTC ಇ-ವ್ಯಾಲೆಟ್‌ನಲ್ಲಿ ಹಣವನ್ನು ಸೇರಿಸಬಹುದಾಗಿದೆ. ಇದು ಪೇಟಿಎಂ ಇ-ವ್ಯಾಲೆಟ್‌ ಮಾದರಿಯಲ್ಲಿ ಕಾರ್ಯನಿರ್ವಹಿಸಲಿದೆ. IRCTC ಇ-ವ್ಯಾಲೇಟ್‌ ಮೂಲಕ ತಮ್ಮ ಟಿಕೆಟ್‌ಗಳಿಗೆ ಹಣ ಪಾವತಿ ಮಾಡುವುದಕ್ಕೆ ಅವಕಾಶ ಸಿಗಲಿದೆ. ಹಾಗಾದ್ರೆ IRCTC ಇ-ವ್ಯಾಲೆಟ್‌ಗೆ ನೋಂದಾಯಿಸುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

IRCTC ಇ-ವ್ಯಾಲೆಟ್‌ನಲ್ಲಿ ಹಣ ಸೇರಿಸುವ ಮೂಲಕ ಆನ್‌ಲೈನ್‌ ಟಿಕೆಟ್‌ ಬುಕ್ಕಿಂಗ್‌ ಮಾಡುವ ಹಣ ಪಾವತಿಸಬಹುದಾಗಿದೆ. ಇದರಿಂದ ನೀವು ಪ್ರತಿಬಾರಿಯೂ ನಿಮ್ಮ ಅಕೌಂಟ್‌ನಿಂದ ಹಣ ಪಾವತಿಸುವುದು ತಪ್ಪಲಿದೆ. ಇದಲ್ಲದೆ IRCTC ಯಿಂದ ಲಭ್ಯವಾಗುವ ಸೇವೆಗಳಿಗೂ ಕೂಡ ಹಣ ಪಾವತಿಸುವುದಕ್ಕೆ ಸಾಧ್ಯವಾಗಲಿದೆ. ಹಾಗಾದ್ರೆ ನಿಮ್ಮ IRCTC ಇ-ವ್ಯಾಲೆಟ್‌ಗೆ ನೀವು ಹೇಗೆ ಹಣವನ್ನು ಸೇರಿಸಬಹುದು ಮತ್ತು ಅದನ್ನು ಬಳಸಿಕೊಂಡು ಟಿಕೆಟ್‌ಗಳನ್ನು ಬುಕ್ ಮಾಡುವುದಕ್ಕೆ ಈ ಕೆಳಗಿನ ಹಂತಗಳಲ್ಲಿ ತಿಳಿಯಿರಿ.

IRCTC ಇ-ವ್ಯಾಲೆಟ್‌ಗೆ ನೋಂದಾಯಿಸುವುದು ಹೇಗೆ?

ಹಂತ:1 ಮೊದಲಿಗೆ ನಿಮ್ಮ IRCTC ಖಾತೆಗೆ ಲಾಗಿನ್ ಮಾಡಿ.
ಹಂತ:2 ಇದರಲ್ಲಿ IRCTC ಇ-ವ್ಯಾಲೆಟ್‌ ವಿಭಾಗಕ್ಕೆ ಹೋಗಿ ಮತ್ತು ರಿಜಿಸ್ಟರ್‌ ನೌ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ:3 IRCTC ಇ-ವ್ಯಾಲೆಟ್‌ ನೋಂದಣಿಗಾಗಿ ಬಳಕೆದಾರರು ಪ್ಯಾನ್ ಅಥವಾ ಆಧಾರ್ ಅನ್ನು ಪರಿಶೀಲಿಸುವ ಆಯ್ಕೆಯನ್ನು ಹೊಂದಿರುತ್ತಾರೆ.
ಹಂತ:4 ಪರಿಶೀಲನೆಯನ್ನು ಮಾಡಿದ ನಂತರ, IRCTC ಇ-ವ್ಯಾಲೆಟ್‌ ನೋಂದಣಿ ಶುಲ್ಕವನ್ನು ಪಾವತಿಸಲು ಪೇಮೆಂಟ್‌ ಪೇಜ್‌ ಕಾಣಿಸಿಕೊಳ್ಳುತ್ತದೆ. ತೆರಿಗೆಯನ್ನು ಹೊರತುಪಡಿಸಿ 50 ರೂ.ಗಳಿಗೆ ಶುಲ್ಕವನ್ನು ನಿಗದಿಪಡಿಸಲಾಗಿದೆ.

ಪಾವತಿ ಯಶಸ್ವಿಯಾದ ನಂತರ, ಬಳಕೆದಾರರು ಲಾಗ್ ಔಟ್ ಆಗಲಿದ್ದಾರೆ. ತಮ್ಮ IRCTC ಇ-ವ್ಯಾಲೆಟ್‌ಗಳನ್ನು ರೀಚಾರ್ಜ್ ಮಾಡಲು ಅವರು ತಮ್ಮ IRCTC ಖಾತೆಗಳಿಗೆ ಮತ್ತೆ ಲಾಗಿನ್ ಆಗಬೇಕಾಗುತ್ತದೆ.

IRCTC ಇ-ವ್ಯಾಲೆಟ್‌ನಲ್ಲಿ ಹಣವನ್ನು ಡೆಪಾಸಿಟ್‌ ಮಾಡುವುದು ಹೇಗೆ?

ಹಂತ:1 ಮೊದಲು ನಿಮ್ಮ IRCTC ಖಾತೆಗೆ ಲಾಗಿನ್ ಮಾಡಿ.
ಹಂತ:2 ನಂತರ IRCTC ಇ-ವ್ಯಾಲೆಟ್‌ ವಿಭಾಗಕ್ಕೆ ಹೋಗಿ ಮತ್ತು IRCTC ಇ-ವ್ಯಾಲೆಟ್‌ ಡೆಪಾಸಿಟ್‌ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಹಂತ:3 ಇದೀಗ, ನೀವು ವರ್ಗಾಯಿಸಲು ಬಯಸುವ ಹಣದ ಮೊತ್ತವನ್ನು ಆಯ್ಕೆಮಾಡಿ.
ಹಂತ:4 ನಂತರ ಡ್ರಾಪ್‌ಡೌನ್ ಮೆನುವಿನಿಂದ ಪಾವತಿ ಆಯ್ಕೆಯನ್ನು ಆರಿಸಿ ಮತ್ತು ಪಾವತಿ ಮಾಡಲು ಸಬ್ಮಿಟ್‌ ಬಟನ್ ಕ್ಲಿಕ್ ಮಾಡಿ.

ಬಳಕೆದಾರರು ತಮ್ಮ IRCTC ಇ ವ್ಯಾಲೆಟ್‌ಗಳಲ್ಲಿ ಕನಿಷ್ಠ 100ರೂ.ಗಳಿಂದ ಗರಿಷ್ಠ 10,000 ರೂ.ಗಳ ತನಕ ಠೇವಣಿ ಮಾಡಬಹುದಾಗಿದೆ.

IRCTC ಇ-ವ್ಯಾಲೆಟ್‌ ಬಳಸಿಕೊಂಡು ಟಿಕೆಟ್ ಬುಕ್ ಮಾಡುವುದು ಹೇಗೆ?

ಹಂತ:1 ಮೊದಲು ನಿಮ್ಮ IRCTC ಖಾತೆಗೆ ಲಾಗಿನ್ ಮಾಡಿ.
ಹಂತ:2 ನಂತರ ನೀವು ಪ್ರಯಾಣಿಸಬೇಕಾದ ರೈಲು ಮಾರ್ಗ, ಪ್ರಯಾಣಿಕರ ವಿವರ ಹಾಗೂ ದಿನಾಂಕವನ್ನು ಆಯ್ಕೆಮಾಡಿ.
ಹಂತ:3 ನೀವು ಎಲ್ಲಾ ವಿವರಗಳನ್ನು ಪರಿಶೀಲಿಸಿದ ನಂತರ, ಟಿಕೆಟ್ ಬುಕ್ ಮಾಡಲು ಮುಂದುವರಿಯಿರಿ.
ಹಂತ:4 ಈಗ ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿ ಮತ್ತು ಪಾವತಿ ಆಯ್ಕೆಗೆ ಹೋಗಿ.
ಹಂತ:5 ಪಾವತಿ ವಿಭಾಗದ ಅಡಿಯಲ್ಲಿ, IRCTC ಇ-ವ್ಯಾಲೆಟ್‌ ಆಯ್ಕೆಯನ್ನು ಆಯ್ಕೆಮಾಡಿ.
ಹಂತ:6 ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ವಹಿವಾಟಿನ ಪಾಸ್‌ವರ್ಡ್ ಅನ್ನು ನಮೂದಿಸಿ.
ಹಂತ:7 ಇದೀಗ, ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ನೀವು OTP ಅನ್ನು ಪಡೆಯುತ್ತೀರಿ. ಖಚಿತಪಡಿಸಲು OTP ಅನ್ನು ನಮೂದಿಸಿ.

ಇದೀಗ ನಿಮ್ಮ ಟಿಕೆಟ್‌ಗೆ ಬೇಕಾದ ಹಣದ ಮೊತ್ತವನ್ನು ನಿಮ್ಮ ಇ-ವ್ಯಾಲೆಟ್‌ನಿಂದ ಕಡಿತಗೊಳಿಸಲಾಗುತ್ತದೆ. ಇದಲ್ಲದೆ IRCTC ಇ-ವ್ಯಾಲೆಟ್‌ನಿಂದ 10 ರೂಪಾಯಿಗಳ ಹೆಚ್ಚುವರಿ ವಹಿವಾಟು ಶುಲ್ಕವನ್ನು ಕೂಡ ಕಡಿತಗೊಳಿಸಲಾಗುತ್ತದೆ.