ಜನವರಿ 8ಕ್ಕೆ ಹಾನರ್ ನಿಂದ ಮತ್ತೊಂದು ಫುಲ್ ಸ್ಕ್ರಿನ್ ಡಿಸ್ ಪ್ಲೇ ಫೋನ್ ಲಾಂಚ್..!

By Lekhaka

Updated: Tuesday, December 19, 2017, 15:07 [IST]

ಹುವಾವೆ ಒಡೆತನದ ಹಾನರ್ ಕಂಪನಿಯೂ ಎರಡು ಸ್ಮಾರ್ಟ್ ಫೋನ್ ಗಳನ್ನು ಪರಿಚಯ ಮಾಡಿದ್ದು, ಹಾನರ್ 7X ಮತ್ತು ಹಾನರ್ V10 ಈಗಾಗಲೇ ಲಂಡನ್ ನಲ್ಲಿ ಕಳೆದ ವಾರ ಲಾಂಚ್ ಆಗಿತ್ತು. ಹಾನರ್ V10 ಸ್ಮಾರ್ಟ್ ಫೋನ್ ಗಳು ಮುಂದಿನ ವರ್ಷದ ಜನವರಿ 8 ರಂದು ಬಿಡುಗಡೆ ಮಾಡಲಿದೆ ಎನ್ನಲಾಗಿದೆ.

ಜನವರಿ 8ಕ್ಕೆ ಹಾನರ್ ನಿಂದ ಮತ್ತೊಂದು ಫುಲ್ ಸ್ಕ್ರಿನ್ ಡಿಸ್ ಪ್ಲೇ ಫೋನ್ ಲಾಂಚ್..!

ಈಗಾಗಲೇ ಹಾನರ್ 7X ಈಗಾಗಲೇ ಭಾರತದಲ್ಲಿ ಬಿಡುಗಡೆಯಾಗಿದ್ದು, ರೂ.12,999ಕ್ಕೆ ಮಾರಾಟವಾಗುತ್ತಿದ್ದು, ಅಮೆಜಾನ್ ನಲ್ಲಿ ಮಾತ್ರವೇ ಈ ಸ್ಮಾರ್ಟ್ ಫೋನ್ ದೊರೆಯಲಿದೆ ಎನ್ನಲಾಗಿದೆ. ಈಗ ಇದೇ ಮಾದರಿಯಲ್ಲಿ ಹಾನರ್ V10 ಸ್ಮಾರ್ಟ್ ಫೋನ್ ಸಹ ಭಾರತೀಯ ಮಾರುಕಟ್ಟೆಗೆ ಕಾಲಿಡಲಿದೆ.

ಜನವರಿಯಲ್ಲಿ ಹಾನರ್ V10 ಸ್ಮಾರ್ಟ್ ಫೋನ್ ಬಿಡುಗಡೆಯಾಗಲಿದೆ ಎಂದು ಮೂಲಗಳು ತಿಳಿಸಿದ್ದು, ಅಂದೇ ಈ ಸ್ಮಾರ್ಟ್ ಫೋನ್ ವಿಶ್ವ ಮಾರುಕಟ್ಟೆಯಲ್ಲಿಯೂ ಕಾಣಿಸಿಕೊಳ್ಳಲಿದೆ. ಈಗಾಗಲೇ ಈ ಫೋನ್ ಚೀನಾದಲ್ಲಿ ಬಿಡುಗಡೆಗೊಂಡಿದ್ದು, ಭಾರೀ ಯಶಸ್ಸು ಕಂಡಿದೆ ಎನ್ನಲಾಗಿದೆ.

ಹಾನರ್ V10 ಸ್ಮಾರ್ಟ್ ಫೋನ್ 5.99 ಇಂಚಿನ ಬ್ರೆಜಿಲ್ ಲೈಸ್ ವಿನ್ಯಾಸವನ್ನು ಹೊಂದಿದ್ದು, FHD+ ರೆಸಲ್ಯೂಷನ್ ಡಿಸ್ ಪ್ಲೇ ಇದಾಗಿದ್ದು, ಆಕ್ಟಾ ಕೋರ್ ಕಿರನ್ 970 ಪ್ರೋಸೆಸರ್ ಹೊಂದಿರಲಿದೆ. ಇದಲ್ಲದೇ 6GB RAM ಮತ್ತು 128 GB ಇಂಟರ್ನಲ್ ಮೆಮೊರಿಯನ್ನು ಕಾಣಬಹುದಾಗಿದೆ.

ಇದಲ್ಲದೇ ಈ ಫೋನಿನ ಹಿಂಭಾಗದಲ್ಲಿ ಡ್ಯುಯಲ್ ಲೆನ್ಸ್ ಕ್ಯಾಮೆರಾವನ್ನು ಕಾಣಬಹುದಾಗಿದ್ದು, 16 MP + 20MP ಕ್ಯಾಮೆರಾಗಳನ್ನು ನೋಡಬಹುದಾಗಿದೆ. ಮುಂಭಾಗದಲ್ಲಿ 13MP ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, 3750mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ.