ಯೂಟ್ಯೂಬ್‌ನಲ್ಲಿ ಭಾರಿ ಟ್ರೆಂಡ್‌ ಹುಟ್ಟು ಹಾಕಿರುವ ವಿಡಿಯೊಗಳು ಯಾವುವು ಗೊತ್ತಾ?

ಹೌದು, ಗೂಗಲ್ ಒಡೆತನದ ಯೂಟ್ಯೂಬ್‌ನಲ್ಲಿ ಹೆಚ್ಚಿನ ಜನ ಸಕ್ರಿಯವಾಗಿರುತ್ತಾರೆ. ಅದೇ ರೀತಿ 2019ರಲ್ಲಿಯೂ ಯೂಟ್ಯೂಬ್‌ ವಿಡಿಯೊಗಳನ್ನು ವೀಕ್ಷಿಸಿದವರ ಸಂಖ್ಯೆಯೆನು ಕಡಿಮೆಯಿಲ್ಲ. ಆದರೆ ಈ ವರ್ಷ ಯೂಟ್ಯೂಬ್‌ನಲ್ಲಿ ಅತೀ ಹೆಚ್ಚು ವೀಕ್ಷಣೆಗೊಂಡ ವಿಡಿಯೊಗಳು ಯಾವುವು ಎನ್ನುವುದನ್ನು ತಿಳಿಯಲು ಎಲ್ಲರಲ್ಲೂ ಕುತೂಹಲ ಇದ್ದೆ ಇರುತ್ತದೆ. ಅದಕ್ಕಾಗಿ ಇಂದಿನ ಈ ಲೇಖನದಲ್ಲಿ 2019ರಲ್ಲಿ ಅತೀ ಹೆಚ್ಚು ವೀಕ್ಷಣೆಗೊಂಡ ಯೂಟ್ಯೂಬ್ ವಿಡಿಯೊಗಳು ಯಾವುವು ಎಂಬದನ್ನು ತಿಳಿಸಲಾಗಿದೆ. ಮುಂದೆ ಓದಿರಿ.

ಡೆಸ್ಪಾಸಿಟೊ - Despacito

ಡೆಸ್ಪಾಸಿಟೊ-Despacito-Luis Fonsi ft. Daddy Yankee-ಇದೊಂದು ಸ್ಪಾನಿಶ್ ಹಾಡಾಗಿದ್ದು, 2019ರಲ್ಲಿ ಅಧಿಕ ವೀಕ್ಷಣೆಯನ್ನು ಪಡೆದಿದೆ. ಹಿಂದಿನ ಎಲ್ಲ ದಾಖಲೆಗಳನ್ನು ಅಳಿಸಿರುವ ಈ ಹಾಡು ಯೂಟ್ಯೂಬ್‌ನಲ್ಲಿ ಒಟ್ಟು 6.57 ಬಿಲಿಯನ್ ವೀಕ್ಷಣೆಯನ್ನು ಪಡೆದು ಮೊದಲ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ. 2017ರಿಂದಯೂ ಸಹ ಈ ಸ್ಪಾನಿಶ್ ಹಾಡು ಹೆಚ್ಚು ವೀಕ್ಷಣೆ ಪಡೆಯುತ್ತ ಸಾಗಿದೆ ಅನ್ನೊದು ವಿಶೇಷವಾಗಿದೆ.

ಶೇಪ್‌ ಆಫ್‌ ಯು- Shape of You – Ed Sheeran

ಎಡ್ ಶೀರನ್ ಅವರ - ಶೇಪ್ ಆಫ್ ಯು ಹಾಡು ಸಂಗೀತ ಉದ್ಯಮದಲ್ಲಿಯೇ ಹೆಚ್ಚು ಟ್ರೆಂಡಿಂಗ್‌ನಲ್ಲಿ ಗುರುತಿಸಿಕೊಂಡಿದೆ. ಇನ್ನು ಈ ವಿಡಿಯೊ ಒಟ್ಟು 4.53 ಬಿಲಿಯನ್ ವೀಕ್ಷಣೆಗಳೊಂದಿಗೆ ಹೆಚ್ಚು ವೀಕ್ಷಿಸಿಣೆ ಪಡೆದ ಯೂಟ್ಯೂಬ್ ವಿಡಿಯೊಗಳ ಲಿಸ್ಟ್‌ನಲ್ಲಿ ಎರಡನೇ ಸ್ಥಾನದಲ್ಲಿದೆ. 2017 ರಲ್ಲಿ ಬಿಡುಗಡೆಯಾದ ಇದು ಗ್ರ್ಯಾಮಿ ಮತ್ತು ಬಿಲ್ಬೋರ್ಡ್ ಮ್ಯೂಸಿಕ್ ಅವಾರ್ಡ್ ಸೇರಿದಂತೆ ಪ್ರಶಂಸೆಯನ್ನು ಗಳಿಸಿದೆ.

ಸೀ ಯು ಅಗೇನ್- See You Again

ಸೀ ಯು ಅಗೇನ್- ಈ ಹಾಡನ್ನು ಫಾಸ್ಟ್‌ ಅಂಡ್ ಫ್ಯೂರಿಯಸ್‌ 7 ಚಿತ್ರಕ್ಕಾಗಿ (See You Again-Wiz Khalifa ft. Charlie Puth) ಬರೆಯಲಾಗಿದ್ದು, ರಾಪರ್ ವಿಜ್ ಖಲೀಫಾ ಚಾರ್ಲಿ ಪಾತ್ ಅವರು ಈ ಹಾಡನ್ನು ಬರೆದಿದ್ದಾರೆ. ಇನ್ನು ಈ ಹಾಡು ಸಹ ಯೂಟ್ಯೂಬ್‌ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಒಟ್ಟು 4.34 ಬಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡು ಟಾಪ್‌ ಲಿಸ್ಟ್‌ನಲ್ಲಿ ಕಾಣಿಸಿಕೊಂಡಿದೆ.

ಮಾಶಾ ಆಂಡ್ ಬೇಯರ್ - Masha and the Bear: Recipe for Disaster

ಇದು ಮಾಶಾ ಆಂಡ್ ಬೇಯರ್ ಎನ್ನುವ ಅನಿಮೇಟೆಡ್‌ ಪಾತ್ರಗಳ ವಿಡಿಯೊ ಆಗಿದ್ದು, ಇನ್ನು ಈ ವಿಡಿಯೊ ರಷ್ಯಿಯನ್ ಬೆಸ್ಟ್ ಅನಿಮೇಟ್ ವಿಡಿಯೊ ಸರಣಿಯಾಗಿದೆ. ಯೂಟ್ಯೂಬ್ ಅಷ್ಟೇ ಅಲ್ಲದೇ ನೆಟ್‌ಫ್ಲಿಕ್ಸ್‌, ಸೇರಿದಂತೆ ಇತರೆ ತಾಣಗಳಲ್ಲಿಯೂ ಈ ಅನಿಮೇಟೆಡ್ ವಿಡಿಯೊ ಹವಾ ಕ್ರಿಯೆಟ್ ಮಾಡಿದೆ. ಮಕ್ಕಳಿಗೆ ಇಷ್ಟವಾಗಿದೆ. ಮಾಶಾ ಆಂಡ್ ಬೇಯರ್ ಪಾತ್ರಗಳು ಅಡುಗೆ ಮಾಡುವ ವಿಡಿಯೊ ಇದಾಗಿದ್ದು, ಯೂಟ್ಯೂಬ್‌ನಲ್ಲಿ ಒಟ್ಟು 4.2 ಬಿಲಿಯನ್ ವೀಕ್ಷಣೆಗಳನ್ನು ಪಡೆದಿವೆ. ಮ್ಯೂಸಿಕ್ ವಿಡಿಯೊ ಹೊರತುಪಡಿಸಿ ಟಾಪ್‌ ಟೆನ್‌ ಲಿಸ್ಟ್‌ನಲ್ಲಿ ಈ ಸಹ ವಿಡಿಯೊ ಗುರುತಿಸಿಕೊಂಡಿದೆ.

ಬೇಬಿ ಶಾರ್ಕ್ ಡಾನ್ಸ್‌-Baby Shark Dance – Pinkfong

ಅತೀ ಹೆಚ್ಚು ವೀಕ್ಷಣೆ ಪಡೆದ ಯೂಟ್ಯೂಬ್ ವಿಡಿಯೊಗಳಲ್ಲಿ ಬೇಬಿ ಶಾರ್ಕ್ ಡಾನ್ಸ್ (Baby Shark Dance) ವಿಡಿಯೊ ಐದನೇ ಸ್ಥಾನ ಪಡೆದಿದೆ. ಚಿಕ್ಕ ಮಕ್ಕಳನ್ನು ಹೆಚ್ಚಾಗಿ ಸೆಳೆದಿರುವ ಈ ಡಾನ್ಸ್ ಪ್ಲಸ್ ಮ್ಯೂಸಿಕ್ ವಿಡಿಯೊ ಒಟ್ಟು 4.17 ಬಿಲಿಯನ್ ವೀಕ್ಷಣೆಗಳನ್ನು ಪಡೆದಿದೆ. ಅಂದಹಾಗೆ ಈ ಹಾಡು ಇಂಗ್ಲಿಷ್, ಸ್ಪಾನಿಶ್, ಕೋರಿಯನ್, ಜಪಾನಿ ಮತ್ತು ಚೀನಿ ಭಾಷೆಗಳಲ್ಲಿಯೂ ಬಿಡುಗಡೆ ಆಗಿದೆ.

ಅಪ್‌ಟೌನ್ ಫಂಕ್- Uptown Funk – Mark Ronson Ft. Bruno Mars

ಅಪ್‌ಟೌನ್‌ ಫಂಕ್ ಒಂದು ಮ್ಯೂಸಿಕ್ ವಿಡಿಯೊ ಆಗಿದ್ದು, ಈ ವಿಡಿಯೊ ಸಂಗ್ 2014ರಲ್ಲಿಯೇ ಬಿಡುಗಡೆ ಆಗಿದೆ. ಅಂದಿನಿಂದಲೂ ಟ್ರೆಂಡಿಂಗ್‌ನಲ್ಲಿರುವ ಈ ಹಾಡು ಇದೀಗ ಒಟ್ಟು 3.74 ಬಿಲಿಯನ್ ವೀಕ್ಷಣೆಯನ್ನು ತನ್ನದಾಗಿಸಿಕೊಂಡಿದೆ. ಈ ಮೂಲಕ 2019ರಲ್ಲಿ ಅತೀ ಹೆಚ್ಚು ವೀಕ್ಷಣೆ ಪಡೆದ ಯೂಟ್ಯೂಬ್‌ನ ಆರನೇ ಸ್ಥಾನವನ್ನು ಅಲಂಕರಿಸಿದೆ.

ಗಂಗ್ನಮ್ ಸ್ಟೈಲ್-Gangnam Style – Psy

ಗಂಗ್ನಮ್ ಸ್ಟೈಲ್‌ ಹಾಡನ್ನು ಬಹುತೇಕ ಎಲ್ಲರೂ ಗುನುಗಿದ್ದಾರೆ ಎನ್ನಬಹುದಾಗಿದೆ. ದಕ್ಷಿಣ ಕೋರಿಯಾದ ಮ್ಯೂಸಿಕ್ ಡೈರೆಕ್ಟರ್ ರಚಿಸಿರುವ ಈ ಗಂಗ್ನಮ್ ಸ್ಟೈಲ್‌-psy ಹಾಡು ಸಹ ಕ್ರೇಜ್ ಮೂಡಿಸಿದ್ದು, ಪ್ರಸಕ್ತ ವರ್ಷದಲ್ಲಿ ಒಟ್ಟು 3.48 ಬಿಲಿಯನ್ ವೀಕ್ಷಣೆಯನ್ನು ತಲುಪಿದೆ. ಇದೀಗ ಯುಕೆ, ರಷ್ಯಾ, ಸ್ಪೆನ್, ಫ್ರಾನ್ಸ್‌ ಸೇರಿದಂತೆ ಇತರೆ ರಾಷ್ಟ್ರಗಳಲ್ಲಿಯು ಸದ್ದು ಮಾಡುತ್ತಿದೆ.

ಸಾರಿ-Sorry – Justin Bieber

ಸಾರಿ-Sorry ಹಾಡು ಜಸ್ಟಿನ್ Bieber ಅವರ ನಾಲ್ಕನೇ ಅಲ್ಬಮ್ ಸಾಂಗ್ ಇದಾಗಿದ್ದು, ಯೂಟ್ಯೂಬ್‌ನಲ್ಲಿ ಸಿಕ್ಕಾಪಟ್ಟೆ ಕ್ರೇಜ್ ಮೂಡಿಸಿದೆ. ಅತೀ ಹೆಚ್ಚು ವೀಕ್ಷಣೆ ಪಡೆದ ವಿಡಿಯೊಗಳಲ್ಲಿ ಇದು ಸಹ ಒಂದಾಗಿದೆ. ಒಟ್ಟು 3.23 ಬಿಲಿಯನ್ ವೀಕ್ಷಣೆಯನ್ನು ಕಂಡಿರುವ ಈ ಹಾಡು ಯುವಸಮೂಹವನ್ನು ಆಕರ್ಷಿಸಿದೆ.

ಶುಗರ್-Sugar – Maroon 5

ಶುಗರ್ ಹಾಡು ಸಹ ಟ್ರೆಂಡಿಂಗ್‌ನಲ್ಲಿದ್ದು, ಯೂಟ್ಯೂಬ್‌ನಲ್ಲಿ ಒಟ್ಟು 3.1 ಬಿಲಿಯನ್ ವೀಕ್ಷಣೆಗಳನ್ನು ತನ್ನದಾಗಿಸಿಕೊಂಡಿದೆ. ನಿಜ ಜೀವನದ ವೈವಾಹಿಕ ಕಥಾ ಹಂದರದ ವಿಷಯವನ್ನು ಒಳಗೊಂಡಿರುವ ಈ ಮ್ಯೂಸಿಕ್ ಕ್ಲಿಕ್ ಆಗಿದೆ. ಡೆವಿಡ್ ಡಬ್ಕಿನ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಹಾಡನ್ನು ಆಡೆಮ್ ಹಾಡಿದ್ದಾರೆ.

ರೋರ್- Roar – Katy Perry

ರೋರ್-(Roar - Katy Perry) ಹಾಡು ಸಹ ಅತೀ ಹೆಚ್ಚಿ ವೀಕ್ಷಣೆಯನ್ನು ಗಳಿಸಿದ್ದು, ಹತ್ತನೇ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ. 2013ರಲ್ಲಿ ಬಿಡುಗಡೆ ಆಗಿದ್ದ ಈ ಹಾಡು 56ನೇ ಗ್ರ್ಯಾಮಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿತ್ತು.