Paytm ನಿಂದ ಆಲ್-ಇನ್-ಒನ್ ಪೋರ್ಟಬಲ್ ಆಂಡ್ರಾಯ್ಡ್ ಸ್ಮಾರ್ಟ್ POS ಡಿವೈಸ್‌ ಬಿಡುಗಡೆ!

ಹೌದು, ಪ್ರಮುಖ ಡಿಜಿಟಲ್‌ ಪೇಮೆಂಟ್‌ ಸೇವೆ ನೀಡುತ್ತಿರುವ ಪೇಟಿಎಂ ಸಂಸ್ಥೆಯು pocked-sized point of sale (POS) ಅನ್ನು ಪರಿಚಯಿಸಿದೆ. ಇದರ ಪರಿಚಯಾತ್ಮಕ ಮಾಸಿಕ ಬಾಡಿದೆ ಬೆಲೆ 499 ರೂ ಆಗಿದೆ. ಇನ್ನು ಈ ‘ಪೇಟಿಎಂ ಆಲ್ ಇನ್ ಒನ್ ಪೋರ್ಟಬಲ್ ಆಂಡ್ರಾಯ್ಡ್ ಸ್ಮಾರ್ಟ್ ಪಿಒಎಸ್' ಪ್ರಯಾಣದಲ್ಲಿರುವಾಗ ಆದೇಶಗಳು ಮತ್ತು ಪಾವತಿಗಳನ್ನು ಸ್ವೀಕರಿಸಬಹುದಾಗಿದೆ. ಇದಲ್ಲದೆ 2021 ರ ಆರ್ಥಿಕ ವರ್ಷದಲ್ಲಿ ಈ ಡಿವೈಸ್‌ಗಳ ವಿತರಣೆ ಮತ್ತು ಮಾರುಕಟ್ಟೆಗಾಗಿ 100 ಕೋಟಿ ರೂ. ಹೂಡಿಕೆ ಮಾಡುವ ಉದ್ದೇಶವನ್ನು ಪೇಟಿಎಂ ಹೊಂದಿದ್ದು, ಮುಂದಿನ ಕೆಲವು ತಿಂಗಳುಗಳಲ್ಲಿ ಎರಡು ಲಕ್ಷ POS ಡಿವೈಸ್‌ಗಳನ್ನು ಬಿಡುಗಡೆ ಮಾಡಲಿದ್ದು, ಅದು ತಿಂಗಳಿಗೆ 20 ದಶಲಕ್ಷಕ್ಕೂ ಹೆಚ್ಚು ವಹಿವಾಟು ನಡೆಸುವ ಸಾಧ್ಯತೆಯಿದೆ.

ಇನ್ನು ಈ ಕೈಗೆಟುಕುವ ಪಾಕೆಟ್ ಗಾತ್ರದ ಆಂಡ್ರಾಯ್ಡ್ ಪಿಒಎಸ್ ಸಾಧನವು SMEಗಳಿಂದ (small and medium enterprises) ಕಿರಾನಾ ಅಂಗಡಿಗಳ ವಿತರಣಾ ಸಿಬ್ಬಂದಿಯವರೆಗೆ ಪಾವತಿಗಳನ್ನು ಸುರಕ್ಷಿತವಾಗಿ ಸಂಗ್ರಹಿಸಲು ಅನುವು ಮಾಡಿಕೊಡುತ್ತದೆ ಎಂದು ಪೇಟಿಎಂ ಹೇಳಿದೆ. ಅಲ್ಲದೆ ಪೇಟಿಎಂ ಕಂಪನಿಯ ಪ್ರಕಾರ, ಇದು ಪ್ರಸ್ತುತ ದೇಶದಲ್ಲಿ ಲಭ್ಯವಿರುವ ಪೋರ್ಟಬಲ್ ಲಿನಕ್ಸ್ ಆಧಾರಿತ ಪಿಒಎಸ್ ಸಾಧನಗಳಿಗಿಂತ ಹೆಚ್ಚು ಶಕ್ತಿಶಾಲಿ ಮತ್ತು ಸುರಕ್ಷಿತವಾಗಿದೆ. ಪಿಒಎಸ್ ಸಾಧನವು ಪೇಟಿಎಂನ ಸ್ಕ್ಯಾನ್ ಟು ಆರ್ಡರ್ ಸೇವೆಯೊಂದಿಗೆ ಸೇರಿಕೊಳ್ಳಲಿದೆ ಎನ್ನಲಾಗಿದೆ.

ಇನ್ನು ಈ ergonomic device 163 ಗ್ರಾಂ ತೂಕವಿದ್ದು, 12mm ದಪ್ಪವಾಗಿದೆ. ಇದಲ್ಲದೆ ಇದು 4.5 ಇಂಚಿನ ಟಚ್ ಸ್ಕ್ರೀನ್ ಹೊಂದಿದೆ. ಜೊತೆಗೆ ಸ್ಟ್ರಾಂಗ್‌ ಪ್ರೊಸೆಸರ್, ಇಡೀ ದಿನ ಬ್ಯಾಟರಿ ಪವರ್‌ ನೀಡುವ ಸಾಮರ್ಥ್ಯ ಹೊಂದಿದೆ. ಇದಲ್ಲದೆ ಕ್ಯೂಆರ್ ಕೋಡ್‌ಗಳನ್ನು ಸ್ಕ್ಯಾನ್ ಮಾಡಲು ಮತ್ತು ತ್ವರಿತವಾಗಿ ಪಾವತಿಯನ್ನು ಪ್ರಕ್ರಿಯೆಗೊಳಿಸಲು ಇಂಟರ್‌ಬಿಲ್ಟ್‌ ಕ್ಯಾಮೆರಾವನ್ನು ಸಹ ಹೊಂದಿದೆ. ಈ ಡಿವೈಸ್‌ ಬಿಲ್ಲಿಂಗ್, ಪಾವತಿಗಳು ಮತ್ತು ಗ್ರಾಹಕ ನಿರ್ವಹಣೆಗಾಗಿ ಕ್ಲೌಡ್‌ ಆಧಾರಿತ ಸಾಫ್ಟ್‌ವೇರ್‌ನಂತಹ ಫೀಚರ್ಸ್‌ಗಳನ್ನು ಸಹ ಒಳಗೊಂಡಿದೆ.

ಇನ್ನು ಈ ಡಿವೈಸ್‌ 4G ಸಿಮ್ ಕಾರ್ಡ್‌ಗಳು, ವೈ-ಫೈ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಅಲ್ಲದೆ ಪೇಮೆಂಟ್‌ ಎಂದಿಗೂ ವಿಫಲವಾಗುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಬ್ಲೂಟೂತ್ ಕನೆಕ್ಟಿವಿಟಿಯನ್ನು ಸಹ ಹೊಂದಿದೆ.ಅಲ್ಲದೆ GST ಕಂಪ್ಲೈಂಟ್ ಬಿಲ್‌ಗಳನ್ನು ಜನರೇಟ್‌ ಮಾಡುವ ಮತ್ತು ಸೆಟಲ್‌ಮೆಂಟ್‌ಗಳನ್ನು ನಿರ್ವಹಿಸಲು ಸ್ಮಾರ್ಟ್ ಪಿಓಎಸ್ ಡಿವೈಸ್‌ ಅನ್ನು ‘Paytm for Business' ಅಪ್ಲಿಕೇಶನ್‌ನೊಂದಿಗೆ ಸಂಯೋಜಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.