ಕ್ವಾಲ್ಕಾಮ್‌ ಕಂಪೆನಿಯಿಂದ ಎರಡು ಹೊಸ ಪ್ರೊಸೆಸರ್‌ಗಳ ಅನಾವರಣ!

| Published: Friday, May 20, 2022, 20:23 [IST]

ಕ್ವಾಲ್ಕಾಮ್‌ ಕಂಪೆನಿ ಪ್ರೊಸೆಸರ್‌ಗಳನ್ನು ಪರಿಚಯಿಸುವಲ್ಲಿ ಮುಂಚೂಣಿಯಲ್ಲಿ ಗುರುತಿಸಿಕೊಂಡಿದೆ. ಈಗಾಗಲೇ ಹಲವು ಮಾದರಿಯ ಪ್ರೊಸೆಸರ್‌ಗಳನ್ನು ಪರಿಚಯಿಸಿದೆ. ಸದ್ಯ ಇದೀಗ ಕ್ವಾಲ್ಕಾಮ್‌ ಕಂಪೆನಿ ಎರಡು ಹೊಸ ಪ್ರೊಸೆಸರ್‌ಗಳನ್ನು ಅನಾವರಣಗೊಳಿಸಿದೆ. US ಆಧಾರಿತ ಚಿಪ್‌ಮೇಕರ್ ಸ್ನಾಪ್‌ಡ್ರಾಗನ್ 8+ Gen 1 SoC ಮತ್ತು ಸ್ನಾಪ್‌ಡ್ರಾಗನ್‌ 7 Gen 1 SoC ಯನ್ನು ಘೋಷಿಸಿದೆ. ಇದರಲ್ಲಿ ಸ್ನಾಪ್‌ಡ್ರಾಗನ್‌ 8+ Gen 1 SoC ಪ್ರೊಸೆಸರ್‌, ಸ್ನಾಪ್‌ಡ್ರಾಗನ್ 8 Gen 1ರ ಉತ್ತರಾಧಿಕಾರಿಯಾಗಿದೆ.

ಹೌದು, ಕ್ವಾಲ್ಕಾಮ್‌ ಕಂಪೆನಿ ಸ್ನಾಪ್‌ಡ್ರಾಗನ್ 8+ Gen 1 SoC ಮತ್ತು ಸ್ನಾಪ್‌ಡ್ರಾಗನ್‌ 7 Gen 1 SoCಯನ್ನು ಅನಾವರಣಗೊಳಿಸಿದೆ. ಇದರಲ್ಲಿ ಸ್ನಾಪ್‌ಡ್ರಾಗನ್‌ 7 Gen 1 SoC ಅತ್ಯುತ್ತಮ ಮೊಬೈಲ್ ಗೇಮಿಂಗ್ ಅನುಭವವನ್ನು ನೀಡುವ ಗುರಿಯನ್ನು ಹೊಂದಿದೆ. ಇನ್ನು ಸ್ನಾಪ್‌ಡ್ರಾಗನ್ 8+ Gen 1 SoC ಪ್ರೊಸೆಸರ್‌ 200MP ರೆಸಲ್ಯೂಶನ್ ಫೋಟೋಗಳನ್ನು ಬೆಂಬಲಿಸುತ್ತದೆ. ಇನ್ನುಳಿದಂತೆ ಈ ಎರಡು ಪ್ರೊಸೆಸರ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ

ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 8+ Gen 1 SoC

ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 8+ Gen 1 SoC ಪ್ರೊಸೆಸರ್‌ ಹೊಸ ಶಕ್ತಿ ಮತ್ತು ಕಾರ್ಯಕ್ಷಮತೆಯ ವರ್ಧನೆಗಳನ್ನು ನೀಡುತ್ತದೆ. ಈ ಹೊಸ 5G ಚಿಪ್‌ಸೆಟ್ mmWave ಮತ್ತು sub-6Hz ನೆಟ್‌ವರ್ಕ್‌ಗೆ ಬೆಂಬಲದೊಂದಿಗೆ ಬರುತ್ತದೆ. ಜೊತೆಗೆ 30% ಉತ್ತಮ ದಕ್ಷತೆಯನ್ನು ನೀಡುತ್ತದೆ. ಅಲ್ಲದೆ ಈ ಹೊಸ ಸ್ನಾಪ್‌ಡ್ರಾಗನ್ ಚಿಪ್‌ಸೆಟ್ ಅಪ್‌ಗ್ರೇಡ್ ಆಗುವ ಸಿಪಿಯು ಔಟ್‌ಪುಟ್ ಮಾತ್ರವಲ್ಲ, 10% ರಷ್ಟು ವೇಗದ ಜಿಪಿಯು ಕಾರ್ಯಕ್ಷಮತೆಯನ್ನು ಪಡೆಯುತ್ತದೆ. ಜೊತೆಗೆ 30% ವಿದ್ಯುತ್ ಬಳಕೆಯನ್ನು ಕಡಿಮೆ ಮಾಡುತ್ತದೆ. ಇನ್ನು ಈ ಹೊಸ ಸ್ನಾಪ್‌ಡ್ರಾಗನ್‌ 8+ Gen 1 SoC ಚಿಪ್‌ಸೆಟ್ ಹೊಂದಿರುವ ಸ್ಮಾರ್ಟ್‌ಫೋನ್‌ಗಳು 10 ಬಿಟ್ ಕಲರ್ ಡೆಪ್ತ್‌ನೊಂದಿಗೆ HDR ಗೇಮಿಂಗ್ ಅನ್ನು ನೀಡಬಹುದಾಗಿದೆ.

ಈ ಹೊಸ ಚಿಪ್‌ಸೆಟ್ ಹೊಂದಿರುವ ಫೋನ್‌ಗಳು 4K ರೆಸಲ್ಯೂಶನ್ ಮತ್ತು 60Hz ಅನ್ನು ಬೆಂಬಲಿಸಲಿದೆ. ಇದು 200MP ರೆಸಲ್ಯೂಶನ್ ಫೋಟೋಗಳನ್ನು ಸಹ ಬೆಂಬಲಿಸಲಿದ್ದು,ವೀಡಿಯೊಗಳಿಗಾಗಿ, ಚಿಪ್‌ಸೆಟ್ ಶೂನ್ಯ ಶಟರ್ ಲ್ಯಾಗ್‌ನೊಂದಿಗೆ 30 fps ನಲ್ಲಿ 108MP ಸಿಂಗಲ್ ಕ್ಯಾಮೆರಾವನ್ನು ಬೆಂಬಲಿಸುತ್ತದೆ. ಇದರ ಜೊತೆಗೆ, 30fps ನಲ್ಲಿ 8K ವೀಡಿಯೊ ರೆಕಾರ್ಡಿಂಗ್‌ಗೆ ಬೆಂಬಲವನ್ನು ಹೊಂದಿದೆ. ಹಾಗೆಯೇ 8K HDR ವೀಡಿಯೊಗಳನ್ನು ರೆಕಾರ್ಡ್ ಮಾಡುವಾಗ ಬಳಕೆದಾರರು 64MP ಫೋಟೋಗಳನ್ನು ಸಹ ಸೆರೆಹಿಡಿಯಬಹುದು ಎನ್ನಲಾಗಿದೆ.

ಸ್ನಾಪ್‌ಡ್ರಾಗನ್‌ 7 Gen 1 SoC

ಸ್ನಾಪ್‌ಡ್ರಾಗನ್‌ 7 Gen 1 SoC ಪ್ರೊಸೆಸರ್‌ ಅತ್ಯುತ್ತಮ ಮೊಬೈಲ್ ಗೇಮಿಂಗ್ ಅನುಭವವನ್ನು ನೀಡುವ ಗುರಿಯನ್ನು ಹೊಂದಿದೆ. ಈ ಚಿಪ್‌ಸೆಟ್ 2.4GHz ಗರಿಷ್ಠ ಗಡಿಯಾರದ ವೇಗವನ್ನು ಹೊಂದಿದೆ. ಇನ್ನು ಈ ಸ್ನಾಪ್‌ಡ್ರಾಗನ್ ಎಲೈಟ್ ಗೇಮಿಂಗ್ ಫೀಚರ್ಸ್‌ಗಳನ್ನು ಆಯ್ಕೆ ಮಾಡುತ್ತವೆ. ಇದು ಸುಧಾರಿತ ಅಡ್ರಿನೊ ಜಿಪಿಯು ಶೇಕಡಾ 20 ಕ್ಕಿಂತ ಹೆಚ್ಚು ವೇಗದ ಗ್ರಾಫಿಕ್ಸ್ ರೆಂಡರಿಂಗ್ ಅನ್ನು ನೀಡುತ್ತದೆ. ಇದಲ್ಲದೆ ಸ್ಪೆಕ್ಟ್ರಾ ಟ್ರಿಪಲ್ ISP ಬಳಕೆದಾರರಿಗೆ ಮೂರು ಕ್ಯಾಮೆರಾಗಳಿಂದ ಏಕಕಾಲದಲ್ಲಿ ಶೂಟ್ ಮಾಡಲು ಅಥವಾ 200MP ಫೋಟೋಗಳನ್ನು ತೆಗೆದುಕೊಳ್ಳಲು ಅನುಮತಿಸುತ್ತದೆ. ಹಾಗೆಯೇ ಚಿಪ್‌ಸೆಟ್ 4K HDR ವೀಡಿಯೊ ರೆಕಾರ್ಡಿಂಗ್ ಅನ್ನು ಸಹ ಬೆಂಬಲಿಸುತ್ತದೆ. ಜೊತೆಗೆ ಈ ಹೊಸ ಸ್ನಾಪ್‌ಡ್ರಾಗನ್‌ 7 Gen 1 SoC ಹೊಂದಿರುವ ಫೋನ್‌ಗಳು 144Hz ರಿಫ್ರೆಶ್ ರೇಟ್ ಅಥವಾ 60Hz QHD+ ಡಿಸ್‌ಪ್ಲೇಯಲ್ಲಿ ಪೂರ್ಣ HD+ ಡಿಸ್‌ಪ್ಲೇಗಳನ್ನು ಬೆಂಬಲಿಸಲಿವೆ.