ಕುಂಭ ಮೇಳಕ್ಕಾಗಿ ಜಿಯೋ ಸ್ಪೆಷಲ್ ಎಡಿಷನ್ ಫೋನಿನ ಭರ್ಜರಿ ಕೊಡುಗೆ

Published: Wednesday, January 9, 2019, 11:06 [IST]

ಆರು ವರ್ಷಕ್ಕೊಮ್ಮೆ ನಡೆಯುವ ಅರ್ಧ ಕುಂಭ ಮೇಳದ ಪ್ರಯುಕ್ತ ರಿಲಯನ್ಸ್ ಕುಂಭ ಜಿಯೋ ಫೋನ್ ನ್ನು ಯಾತ್ರಾರ್ತಿಗಳಿಗಾಗಿ ಬಿಡುಗಡೆಗೊಳಿಸಿದೆ. ಉತ್ತರ ಪ್ರದೇಶದ ಪ್ರಯಾಗದಲ್ಲಿ ಜನವರಿ 15,2019 ರಿಂದ ಮಾರ್ಚ್ 4,2019 ರ ವರೆಗೆ ಈ ಹಿಂದೂ ಧಾರ್ಮಿಕ ಹಬ್ಬ ನಡೆಯುತ್ತದೆ.

ಕುಂಭ ಮೇಳಕ್ಕಾಗಿ ಜಿಯೋ ಸ್ಪೆಷಲ್ ಎಡಿಷನ್ ಫೋನಿನ ಭರ್ಜರಿ ಕೊಡುಗೆ

ಈ ಹೊಸ ಕುಂಭ ಫಂಕ್ಷನಾಲಿಟಿಯು ಹೊಸ ಮತ್ತು ಈಗಾಗಲೇ ಬಳಸುತ್ತಿರುವ ಜಿಯೋ ಫೋನ್ ಬಳಕೆದಾರರಿಗೆ ಇಬ್ಬರಿಗೂ ಲಭ್ಯವಿರುತ್ತದೆ.ಜಿಯೋಫೋನಿನ ಜಿಯೋಸ್ಟೋರ್ ಮೂಲಕ ಈ ಕುಂಭ ಫಂಕ್ಷನಾಲಿಟಿಯನ್ನು ಬಳಕೆದಾರರು ಪಡೆದುಕೊಳ್ಳಬಹುದು. ರಿಲಯನ್ಸ್ ರೀಟೈಲ್ ನಲ್ಲಿ ಹೊಸ ಸ್ಪೆಷಲ್ ಹೆಲ್ಪ್ ಲೈನ್ ನಂಬರ್ '1991’ ನ್ನು ನಿರ್ಮಿಸಲಾಗಿದ್ದು ಜಿಯೋಫೋನ್ ಮೂಲಕ ಕ್ವೆರಿಗಳಿಗೆ ಉತ್ತರಿಸಲಾಗುತ್ತದೆ.

55 ದಿನಗಳ ವರೆಗೆ ಸುಮಾರು 130 ಮಿಲಿಯನ್ ಯಾತ್ರಾರ್ತಿಗಳು ಇದರಲ್ಲಿ ಭಾಗವಹಿಸಲಿದ್ದು ಭಾರೀ ದೊಡ್ಡ ಮಟ್ಟದಲ್ಲಿ ನಡೆಯುವ ಕುಂಭ ಮೇಳ ಇದಾಗಿರುತ್ತದೆ. ಭಾರತದ ಸಂಪ್ರದಾಯವನ್ನು ಗೌರವಿಸುವ ನಿಟ್ಟಿನಲ್ಲಿ ಕುಂಭ ಜಿಯೋಫೋನ್ ನ್ನು ಪರಿಚಯಿಸಲಾಗುತ್ತಿದೆ. ರಿಲಯನ್ಸ್ ತಿಳಿಸುವ ಪ್ರಕಾರ ಈ ಕುಂಭ ಜಿಯೋಫೋನ್ ಯಾತ್ರಾರ್ತಿಗಳಿಗೆ ಅನುಕೂಲವಾಗುವಂತಹ ಹಲವು ಡಿಸೈನ್ ಗಳನ್ನು, ಬೆನಿಫಿಟ್ ಗಳನ್ನು ಮಾಡಿಕೊಡುತ್ತದೆ. ಅವುಗಳು ಯಾವುದು ಎಂಬ ವಿವರ ಈ ಕೆಳಗೆ ಇದೆ.

ಕುಂಭದ ಬಗ್ಗೆ ಸಂಪೂರ್ಣ ಮಾಹಿತಿಗಳು: ಅದರಲ್ಲಿ ಈ ಕೆಳಗಿನವು ಇರುತ್ತದೆ

a. ಕುಂಭದ ಬಗ್ಗೆ ಮಾಹಿತಿ

b. ರಿಯಲ್ ಟೈಮ್ ಟ್ರಾವೆಲ್ ಮಾಹಿತಿಗಳು( ಪ್ರಮುಖವಾಗಿ ರೈಲುಗಳು ಮತ್ತು ಬಸ್ಸುಗಳು ಇತ್ಯಾದಿ)

c. ಟಿಕೆಟ್ ಬುಕ್ ಮಾಡುವುದು ಮತ್ತು ಅಪ್ ಡೇಟ್ ರಿಸೀವ್ ಮಾಡುವುದು

d.ಸ್ಟೇಷನ್ ಗಳಲ್ಲಿ ‘ಯಾತ್ರಿ ಆಶ್ರಯ'

e. ತುರ್ತು ಸಹಾಯವಾಣಿ ಸಂಖ್ಯೆಗಳು

f. ಏರಿಯಾ ರೂಟ್ ಗಳು ಮತ್ತು ಮ್ಯಾಪ್ ಗಳು

g. ಮುಂಚಿತವಾಗಿ ಪ್ರಕಟವಾಗುವ ಸ್ನಾನ ಮತ್ತು ಧಾರ್ಮಿಕ ದಿನದ ವೇಳಾಪಟ್ಟಿಗಳು

h. ರೈಲ್ವೇ ಕ್ಯಾಂಪ್ ಮೇಳ ಮತ್ತು ಇತ್ಯಾದಿ

ಕುಂಭದಲ್ಲಿ ಜೀವನವನ್ನು ಸರಳಗೊಳಿಸುವ ಫೀಚರ್ ಗಳು ಮತ್ತು ಫಂಕ್ಷನಾಲಿಟಿಗಳು: ಇದರಲ್ಲಿ ಈ ಕೆಳಗಿನವುಗಳಿರುತ್ತದೆ

a. ಫ್ಯಾಮಿಲಿ ಲೊಕೇಟರ್: ನಿಮ್ಮ ಹತ್ತಿರದವರ ಜೊತೆಗೆ ಯಾವಾಗಲೂ ಜೊತೆಯೇ ಇರುವಂತೆ ಸಹಾಯ ಮಾಡುತ್ತದೆ. ಅವರ ಲೊಕೇಷನ್ ನಿಮಗೆ ನಿಮ್ಮ ಲೊಕೇಷನ್ ಅವರಿಗೆ ತಿಳಿಸುತ್ತದೆ.

b. ಖೋಯಾ ಪಾಯ( ಕಳೆದುಕೊಳ್ಳುವುದು & ಹುಡುಕುವುದು): ಒಂದು ವೇಳೆ ನೀವು ನಿಮ್ಮ ಕುಟುಂಬಸ್ಥರನ್ನು ಕಳೆದುಕೊಂಡರೆ ಮತ್ತೆ ಅವರೊಂದಿಗೆ ಸೇರುವುದಕ್ಕೆ ಇದು ಟ್ರೇಸ್ ಮಾಡಿ ಸಹಾಯ ಮಾಡುತ್ತದೆ.