ಭಾರತದಲ್ಲಿ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಸರಣಿಯ ಬೆಲೆ ಬಹಿರಂಗ!

| Published: Saturday, August 13, 2022, 17:28 [IST]

ಸ್ಯಾಮ್‌ಸಂಗ್‌ ಕಂಪೆನಿ ಕೆಲ ದಿನಗಳ ಹಿಂದೆ ತನ್ನ ಗ್ಯಾಲಕ್ಸಿ ಅನ್‌ಪ್ಯಾಕ್ಡ್‌ 2022 ಈವೆಂಟ್‌ ನಲ್ಲಿ ತನ್ನ ಹೊಸ ಗ್ಯಾಲಕ್ಸಿ 5 ವಾಚ್‌ ಸಿರೀಸ್‌ ಅನ್ನು ಲಾಂಚ್‌ ಮಾಡಿತ್ತು. ಭಾರತವೂ ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ ಪರಿಚಯಿಸಲಾಗಿತ್ತು. ಆದರೆ ಭಾರತದಲ್ಲಿ ಈ ವಾಚ್‌ ಸಿರೀಸ್‌ನ ಬೆಲೆಯ ಮಾಹಿತಿ ಬಹಿರಂಗವಾಗಿರಲಿಲ್ಲ. ಇದೀಗ ಸ್ಯಾಮ್‌ಸಂಗ್‌ ಕಂಪೆನಿ ಭಾರತದಲ್ಲಿ ಗ್ಯಾಲಕ್ಸಿ ವಾಚ್‌ 5 ಸಿರೀಸ್‌ನ ಬೆಲೆ ಎಷ್ಟು ಅನ್ನೊದನ್ನ ರಿವೀಲ್‌ ಮಾಡಿದೆ. ಅದರಂತೆ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ ಸಿರೀಸ್‌ನ ಆರಂಭಿಕ ಬೆಲೆ 27,999ರೂ. ಆಗಿದೆ.

ಹೌದು, ಸ್ಯಾಮ್‌ಸಂಗ್‌ ಕಂಪೆನಿ ಭಾರತದಲ್ಲಿ ತನ್ನ ಗ್ಯಾಲಕ್ಸಿ 5 ವಾಚ್‌ ಸರಣಿಯ ಬೆಲೆ ಎಷ್ಟಿದೆ ಅನ್ನೊದನ್ನ ಬಹಿರಂಗಪಡಿಸಿದೆ. ಬಿಡುಗಡೆಯಾದ ಎರಡು ದಿನಗಳ ಅಂತರದಲ್ಲಿ ಭಾರತದ ಮಾರುಕಟ್ಟೆಯ ಬೆಲೆ ವಿವರವನ್ನು ಅಧಿಕೃತಗೊಳಿಸಿದೆ. ಅಲ್ಲದೆ ಈ ಸ್ಮಾಟ್‌ವಾಚ್‌ ಇದೇ ಆಗಸ್ಟ್‌ 26 ರಿಂದ ಸೇಲ್‌ ಆಗಲಿದೆ ಎಂದು ಹೇಳಲಾಗಿದೆ. ಹಾಗಾದ್ರೆ ಭಾರತದಲ್ಲಿ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಸರಣಿಯ ಬೆಲೆ ವಿವರಗಳು ಏನಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಮುಂದೆ ಓದಿರಿ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಸರಣಿಯ ಬೆಲೆ ಎಷ್ಟಿದೆ?

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಸರಣಿಯ 40 ಎಂಎಂ ಕೇಸ್ ಗಾತ್ರದ ಬ್ಲೂಟೂತ್ ರೂಪಾಂತರದ ಆಯ್ಕೆಯು ಭಾರತದಲ್ಲಿ 27,999ರೂ, ಬೆಲೆ ಪಡೆದಿದೆ. ಆದರೆ ಎಲ್‌ಟಿಇ ರೂಪಾಂತರದ ಬೆಲೆ 32,999ರೂ. ಆಗಿದೆ. ಇನ್ನು ಈ ಸ್ಮಾರ್ಟ್ ವಾಚ್ ಗ್ರ್ಯಾಫೈಟ್, ಸಿಲ್ವರ್ ಮತ್ತು ಪಿಂಕ್ ಗೋಲ್ಡ್ ಸೇರಿದಂತೆ ಬಣ್ಣಗಳಲ್ಲಿ ಲಭ್ಯವಿದೆ. ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 44mm ಕೇಸ್ ಗಾತ್ರದ ಬ್ಲೂಟೂತ್ ರೂಪಾಂತರದ ಆಯ್ಕೆಯ ಬೆಲೆ 30,999ರೂ. ಆಗಿದೆ. ಆದರೆ ಇದರ ಎಲ್ ಟಿಇ ರೂಪಾಂತರದ ಬೆಲೆ 35,999ರೂ. ಆಗಿದೆ. ಈ ಸ್ಮಾರ್ಟ್‌ವಾಚ್ ಗ್ರ್ಯಾಫೈಟ್, ಸಿಲ್ವರ್ ಬಣ್ಣಗಳಲ್ಲಿ ಲಭ್ಯವಿದೆ.

ಇನ್ನು ಗ್ಯಾಲಕ್ಸಿ ವಾಚ್‌ 5ಪ್ರೊ 45mm ಕೇಸ್ ಗಾತ್ರದ ಆಯ್ಕೆಯು 44,999ರೂ. ಬೆಲೆಯನ್ನು ಹೊಂದಿದೆ. ಇದರ LTE ರೂಪಾಂತರದ ಬೆಲೆ 49,999ರೂ. ಆಗಿದೆ. ಈ ಸ್ಮಾರ್ಟ್ ವಾಚ್ ಬ್ಲ್ಯಾಕ್ ಟೈಟಾನಿಯಂ ಮತ್ತು ಗ್ರೇ ಟೈಟಾನಿಯಂ ಬಣ್ಣಗಳಲ್ಲಿ ಲಭ್ಯವಿದೆ. ಇನ್ನು ಈ ಸ್ಮಾರ್ಟ್‌ ವಾಚ್‌ಗಳು ಭಾರತದಲ್ಲಿ ಇದೇ ಆಗಸ್ಟ್ 16 ರಂದು ಪ್ರೀ-ಬುಕಿಂಗ್‌ಗೆ ಲಭ್ಯವಿರುತ್ತವೆ. ಹಾಗೆಯೇ ಆಗಸ್ಟ್ 26 ರಿಂದ ಖರೀದಿಗೆ ಲಭ್ಯವಾಗಲಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಫೀಚರ್ಸ್‌

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಸ್ಮಾರ್ಟ್‌ವಾಚ್‌ನ 44mm ರೂಪಾಂತರವು 1.4-ಇಂಚಿನ ಸೂಪರ್ ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಇದರ 40mm ರೂಪಾಂತರದ ಆಯ್ಕೆಯು 1.2 ಇಂಚಿನ ಸೂಪರ್ ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಡ್ಯುಯಲ್-ಕೋರ್ ಎಕ್ಸಿನೋಸ್‌ W920 SoC ಪ್ರೊಸೆಸರ್‌ ಹೊಂದಿದೆ. ಇದಕ್ಕೆ ಪೂರಕವಾಗಿ WearOS 3.5-ಆಧಾರಿತ One UI ವಾಚ್ 4.5 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 1.5GB RAM ಮತ್ತು 16GB ಇಂಟರ್‌ ಸ್ಟೋರೇಜ್‌ ಬಲವನ್ನು ಪಡೆದಿದೆ.

ಇನ್ನು ಈ ಸ್ಮಾರ್ಟ್‌ವಾಚ್‌ ಹೊಸ ಸ್ಯಾಮ್‌ಸಂಗ್‌ ಬಯೋ ಆಕ್ಟಿವ್‌ ಸೆನ್ಸಾರ್‌ ಅನ್ನು ಹೊಂದಿದೆ. ಈ ಸೇನ್ಸಾರ್‌ ಆಪ್ಟಿಕಲ್ ಹಾರ್ಟ್‌ಬೀಟ್‌ ಸೆನ್ಸಾರ್‌, ಎಲೆಕ್ಟ್ರಿಕಲ್ ಹಾರ್ಟ್ ಸಿಗ್ನಲ್ ಮತ್ತು ಬಯೋ ಎಲೆಕ್ಟ್ರಿಕಲ್ ಇಂಪೆಡಾನ್ಸ ಅನಾಲಿಸಿಸ್ ಅನ್ನು ಸಂಯೋಜಿಸಲಿದೆ. ಇದಲ್ಲದೆ ಗ್ಯಾಲಕ್ಸಿ ವಾಚ್ 5 ಗೆ ಗೂಗಲ್ ಮ್ಯಾಪ್ಸ್ ಅಪ್ಲಿಕೇಶನ್ ಶೀಘ್ರದಲ್ಲೇ ಬರಲಿದೆ ಎಂದು ಸ್ಯಾಮ್‌ಸಂಗ್ ಹೇಳಿದೆ. ಗ್ಯಾಲಕ್ಸಿ ವಾಚ್‌ 5 44mm ರೂಪಾಂತರವು 410mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಆದರೆ 40mm ರೂಪಾಂತರವು 284mAh ಸಾಮರ್ಥ್ಯದ ಬ್ಯಾಟರಿಯನ್ನು ಒಳಗೊಂಡಿದೆ.

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಪ್ರೊ

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ವಾಚ್‌ 5 ಪ್ರೊ ಸ್ಮಾರ್ಟ್‌ವಾಚ್‌ 1.4 ಇಂಚಿನ ಸೂಪರ್ ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಸ್ಮಾರ್ಟ್‌ವಾಚ್‌ WearOS 3.5-ಆಧಾರಿತ One UI ವಾಚ್ 4.5 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಡಿ-ಬಕಲ್ ಸ್ಪೋರ್ಟ್ ಬ್ಯಾಂಡ್‌ನೊಂದಿಗೆ ಟೈಟಾನಿಯಂ ಕೇಸ್ ಅನ್ನು ಒಳಗೊಂಡಿದೆ. ಹಾಗೆಯೇ 1.5GB RAM ಮತ್ತು 16GB ಇಂಟರ್‌ ಸ್ಟೋರೇಜ್‌ ಬಲವನ್ನು ಪಡೆದಿದೆ.

ಗ್ಯಾಲಕ್ಸಿ ವಾಚ್‌ 5 ಪ್ರೊ ಸ್ಮಾರ್ಟ್‌ವಾಚ್‌ ಟ್ರ್ಯಾಕ್ ಬ್ಯಾಕ್ ಫೀಚರ್ಸ್‌ ಅನ್ನು ನೀಡಲಿದೆ. ಇದು ಪಾದಯಾತ್ರಿಕರು, ಮೌಂಟೆನ್‌ ಬೈಕರ್‌ಗಳು ಬಳಸುವುದಕ್ಕೆ ಸೂಕ್ತವಾಗಲಿದೆ. ಏಕೆಂದರೆ ಈ ವಾಚ್‌ನಲ್ಲಿ ಹೈಕಿಂಗ್ ಮತ್ತು ಸೈಕ್ಲಿಂಗ್ ಮಾರ್ಗಗಳನ್ನು ಡೌನ್‌ಲೋಡ್ ಮಾಡಬಹುದು. ಇನ್ನು ಈ ಸ್ಮಾರ್ಟ್‌ವಾಚ್‌ ಕೂಡ ಸ್ಯಾಮ್‌ಸಂಗ್‌ನ ಬಯೋಆಕ್ಟಿವ್ ಸೆನ್ಸಾರ್‌ , ಅಕ್ಸಿಲೆರೊಮೀಟರ್, ಬಾರೋಮೀಟರ್, ಗೈರೊಸ್ಕೋಪ್, ದಿಕ್ಸೂಚಿ ಮತ್ತು ಲೈಟ್‌ ಸೆನ್ಸಾರ್‌ ಅನ್ನು ಒಳಗೊಂಡಿದೆ.