ಫ್ಲಿಪ್‌ಕಾರ್ಟ್‌ನ ಮೊದಲ ಡೆಲಿವರಿ ಬಾಯ್ಸ್ ಕೋಟ್ಯಾಧಿಪತಿಯಾದ ಕಥೆ: ನಿಜಕ್ಕೂ ರೋಚಕ..!

ಅಬೂರ್ ನಿವಾಸಿ:

ತಮಿಳುನಾಡಿದ ವೆಲೂರು ಜಿಲ್ಲೆಯಲ್ಲಿರುವ ಅಬೂರ್ ನಿವಾಸಿಯಾದ ಅಯ್ಯಪ್ಪನ್, ಬೆಂಗಳೂರಿಗೆ ಬಂದು ಹಲವು ಕಡೆಗಳಲ್ಲಿ ಕೆಲಸ ಮಾಡಿ, ಕೊನೆಗೆ ಕೊರಿಯರ್ ಕಂಪನಿಯೊಂದರಲ್ಲಿ ಕೆಲಸಕ್ಕೆ ಸೇರಿ, ಕೊರಿಯರ್ ಸೇವೆಯ ಒಳ-ಹೊರಗೆ ತಿಳಿದುಕೊಂಡರು ಎನ್ನಲಾಗಿದೆ. ಇದೇ ಮುಂದೇ ಫ್ಲಿಪ್‌ಕಾರ್ಟಿನಲ್ಲಿ ಅವರಿಗೆ ಕೆಲಸ ಸಿಗುವಂತೆ ಮಾಡಿದೆ.

12 ವರ್ಷಗಳ ಹಿಂದೆ:

12 ವರ್ಷಗಳ ಹಿಂದೆ ಬೆಂಗಳೂರಿನಲ್ಲಿ ಜನ್ಮ ತಾಳಿದ ಫ್ಲಿಪ್‌ಕಾರ್ಟ್‌ನ ಮೊದಲ ಎಂಪ್ಲಾಯಿಯಾಗಿ ಸೇರಿಸಿಕೊಂಡವರು ಅಂಬೂರ್ ಅಯ್ಯಪ್ಪನ್. ಮೊದಲಿಗೆ ಸಣ್ಣ ಪ್ರಮಾಣದಲ್ಲಿ ಆರಂಭವಾದ ಫ್ಲಿಪ್‌ಕಾರ್ಟ್‌ ಹೆಚ್ಚಿನ ಬೇಡಿಕೆಯನ್ನು ಹೊಂದಿರಲಿಲ್ಲ. ಇದಕ್ಕಾಗಿ ಕೇವಲ ಒಬ್ಬನೇ ಡೆಲಿವರಿ ಬಾಯ್ಸ್ ಅನ್ನು ನೇಮಕ ಮಾಡಿಕೊಂಡಿದ್ದರು ಎನ್ನಲಾಗಿದೆ.

ಕಂಪ್ಯೂಟರ್ ತಲೆ:

ಫ್ಲಿಪ್‌ಕಾರ್ಟ್‌ ದಿನಕ್ಕೆ 1000 ಆರ್ಡರ್ಗಳನ್ನು ಪಡೆದುಕೊಂಡರು ಸಹ ಅಂಬೂರ್ ಅಯ್ಯಪ್ಪನ್ ಒಬ್ಬರೇ ಅಷ್ಟು ವಸ್ತುಗಳನ್ನು ತಲುಪಿಸುವ ಮತ್ತು ಅವುಗಳ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಹೊಂದಿದ್ದರು ಎನ್ನಲಾಗಿದೆ. ಇವರ ಕೆಲಸಕ್ಕೆ ಫ್ಲಿಪ್‌ಕಾರ್ಟ್ ಸಂಸ್ಥಾಪಕರೇ ತಲೆ ದೂಗುತ್ತಿದ್ದರು ಎನ್ನಲಾಗಿದೆ.

8000 ಸಂಬಳ:

ಅಯ್ಯಪ್ಪನ್ ಮೊದಲು ಫ್ಲಿಪ್‌ಕಾರ್ಟಿಗೆ ಸೇರಿಕೊಂಡ ಸಂದರ್ಭದಲ್ಲಿ ರೂ.8000 ರ ಪಡೆಯುತ್ತಿದ್ದರು ಎನ್ನಲಾಗಿದೆ. ಇದಾದ ನಂತರದಲ್ಲಿ ಫ್ಲಿಪ್‌ಕಾರ್ಟ್‌ ಹೆಚ್ಚಿನ ಪ್ರಮಾಣದ ಲಾಭವನ್ನು ಸಂಪಾದಿಸಿದ ಸಂದರ್ಭದಲ್ಲಿ ತನ್ನ ನೌಕರರಿಗೆ ಶೇರುಗಳನ್ನು ಹಂಚಿದ ಸಂಧರ್ಭದಲ್ಲಿ ಅಯ್ಯಪ್ಪನ್ ಸಹ ಕೋಟಿ ಮೌಲ್ಯದ ಶೇರುಗಳನ್ನು ತಮ್ಮದಾಗಿಸಿಕೊಂಡರು ಎನ್ನಲಾಗಿದೆ.

ಫೇಸ್‌ಬುಕ್ ಅನ್ನು ಸಹ ಬಳಸಬಹುದಾದ ಈ ಫೀಚರ್ ಪೋನ್ ಅತ್ಯುತ್ತಮವಾಗಿದೆ

ಇಂದು ಅಸೋಸಿಯೇಟ್ ಡೈರೆಕ್ಟರ್:

ಅಯ್ಯಪ್ಪನ್, ಡೆಲಿವರಿ ಬಾಯ್ ಆಗಿ ಉತ್ತಮವಾಗಿ ಕಾರ್ಯನಿರ್ವಹಿಸಿದ ನಂತರದಲ್ಲಿ ಇಂದು ಫ್ಲಿಪ್‌ಕಾರ್ಟ್‌ನಲ್ಲಿ ಅಸೋಸಿಯೇಟ್ ಡೈರೆಕ್ಟರ್ ಆಫ್ ಕಸ್ಟಮರ್ ಎಕ್ಸ್‌ಪೀರಿಯನ್ಸ್ ಮ್ಯಾನೇಜ್ ಮೆಂಟ್ ಹುದ್ದೆಯನ್ನು ಅಲಂಕರಿಸಿದ್ದಾರೆ ಎನ್ನಲಾಗಿದೆ.