ಭಾರತದಲ್ಲಿ ಈ ಟೆಕ್ನಾಲಜಿಯಿಂದ 70,000 ಉದ್ಯೋಗಗಳು ಲಾಸ್‌

ಪ್ರಸ್ತುತದಲ್ಲಿ ಬೆಳವಣಿಗೆ ಹೊಂದುತ್ತಿರುವ ಇಂಟರ್ನೆಟ್‌ ಆಫ್‌ ಥಿಂಗ್ಸ್‌ ಟೆಕ್ನಾಲಜಿಯಿಂದ ಭಾರತ ದೇಶದಲ್ಲಿ 2021 ರ ವೇಳೆಗೆ 120,000 ಉದ್ಯೋಗಗಳ ಮೇಲೆ ಪರಿಣಾಮ ಬೀರಲಿದೆ.

'5 ಅವಧಿಯಲ್ಲಿ 94,000 ಉದ್ಯೋಗಗಳು ನಿರ್ಮೂಲನಗೊಳ್ಳಲಿದ್ದು, ಕೇವಲ 25,000 ಉದ್ಯೋಗಗಳು ಮಾತ್ರ ಕ್ರಿಯೇಟ್‌ ಆಗಲಿವೆ' ಎಂದು ಸಲಹಾ ಸಂಸ್ಥೆ ಜಿನ್ನೋವ್‌ನ ಪ್ರಧಾನರಾದ 'ಹಾರ್ದಿಕ್‌ ತಿವಾರಿ' ರವರು ಹೇಳಿದ್ದಾರೆ.

'ಇಂಟರ್ನೆಟ್‌ ಆಫ್‌ ಥಿಂಗ್ಸ್' ಎಂಬುದು ಸೆನ್ಸಾರ್‌ ಮತ್ತು ಚಿಪ್‌ಗಳ ಯಂತ್ರೋಪಕರಣಗಳ ಬಗ್ಗೆ ವಿವರಿಸಲು ಬಳಸುವ ಪದವಾಗಿದ್ದು, ಇವುಗಳು ಇಂಟರ್ನೆಟ್‌ ಮೂಲಕ ನಿಯಂತ್ರಣ ಹೊಂದಲು ಅವಕಾಶ ನೀಡುತ್ತವೆ.

ಆಫೀಸ್‌ ಆಡಳಿತ, ಸಹಾಯಕ ಸಿಬ್ಬಂದಿ ಮತ್ತು ನಿರ್ವಹಣೆ ಉದ್ಯೋಗವನ್ನು ನಿರ್ವಹಿಸುತ್ತಿರುವ ಜನರ ಬದಲಾಗಿ ಅವರ ಕೆಲಸವನ್ನು ಟೆಕ್ನಾಲಜಿ ನಿರ್ವಹಿಸಲಿದೆ. ಹೊಸ ಉದ್ಯೋಗಗಳು 'ಇಂಟರ್ನೆಟ್‌ ಆಫ್‌ ಥಿಂಗ್ಸ್' ಪ್ರಾಡಕ್ಟ್‌ ಮ್ಯಾನೇಜರ್‌, ರೊಬೋಟ್ ಸಂಯೋಜಕರು, ಕೈಗಾರಿಕಾ ಪ್ರೋಗ್ರಾಮರ್ ಮತ್ತು ನೆಟ್‌ವರ್ಕ್‌ ಎಂಜಿನಿಯರ್‌ಗಳಿಗಾಗಿ ಕ್ರಿಯೇಟ್‌ ಆಗಲಿವೆ.

ಹೊಸ ಟೆಕ್ನಾಲಜಿಗಳು ಕೆಲವು ಪ್ರದೇಶಗಳಲ್ಲಿ ಉದ್ಯೋಗವನ್ನು ಹೆಚ್ಚಾಗಿ ಕುಗ್ಗಿಸಲಿವೆ. ಕಳೆದ ಜುಲೈನಲ್ಲಿ ಸಂಶೋಧನಾ ಸಂಸ್ಥೆ ಎಚ್‌ಎಫ್‌ಎಸ್‌ 'ಮಾಹಿತಿ ತಂತ್ರಜ್ಞಾನ ಸೇವೆಯ ಉದ್ಯಮವು 5 ವರ್ಷಗಳಲ್ಲಿ 6.4 ಲಕ್ಷ ಕಡಿಮೆ ಕೌಶಲ್ಯದ ಉದ್ಯೋಗಗಳನ್ನು ಕುಗ್ಗಿಸುತ್ತದೆ ಎಂದು ಭವಿಷ್ಯದ ಬಗ್ಗೆ ಹೇಳಿತ್ತು.

ಸಂಶೋಧನಾ ಸಂಸ್ಥೆ ಎಚ್‌ಎಫ್‌ಎಸ್‌ ವರದಿ ಪ್ರಕಾರ 'ಕಡಿಮೆ ಕೌಶಲ್ಯ'ದ ಉದ್ಯೋಗಳು ಶೇಕಡ 30 ಕುಗ್ಗಲಿವೆ, 'ಮಧ್ಯಮ ಕೌಶಲ್ಯ' ಉದ್ಯೋಗಗಳು ಶೇಕಡ 8 ರಷ್ಟು ಮಾತ್ರ ಹೆಚ್ಚಾಗಲಿವೆ ಹಾಗೂ 'ಉನ್ನತ ಕೌಶಲ್ಯ'ದ ಉದ್ಯೋಗಗಳು ಶೇಕಡ 56 ರಷ್ಟು ಹೆಚ್ಚಾಗಲಿವೆ".

ಉದ್ಯೋಗಗಳನ್ನು ಕಳೆದುಕೊಳ್ಳುವಿಕೆ ಬಗ್ಗೆ ಒಟ್ಟಾರೆ ಹೇಳುವುದಾದರೆ, ಭಾರತೀಯ ಸಂಸ್ಥೆಗಳು 'ಇಂಟರ್ನೆಟ್‌ ಆಫ್‌ ಥಿಂಗ್ಸ್‌' ಟೆಕ್ನಾಲಜಿಯ ಉಪಯೋಗಗಳನ್ನು ಪಡೆಯಲು ನಿರೀಕ್ಷೆ ಹೊಂದಿವೆ. ಪ್ರಸ್ತುತದಲ್ಲಿ ಈಗಾಗಲೇ ಭಾರತೀಯ ಸಂಸ್ಥೆಗಳು ಶೇಕಡ 40 ರಷ್ಟು 'ಇಂಟರ್ನೆಟ್‌ ಆಫ್‌ ಥಿಂಗ್ಸ್‌' ಸೇವೆ ಮಾರುಕಟ್ಟೆಯನ್ನು ಹೊಂದಿದ್ದು, 2021 ರ ವೇಳೆಗೆ ಶೇಕಡ 44 ಮಾರುಕಟ್ಟೆ ಶೇರ್‌ನ ನೀರಿಕ್ಷೆ ಹೊಂದಿದೆ.

ಅಂದಹಾಗೆ ಸರ್ಕಾರದ ಕೊಡುಗೆ ಶೇಕಡ 20 ದೇಶಿಯ 'ಇಂಟರ್ನೆಟ್‌ ಆಫ್‌ ಥಿಂಗ್ಸ್‌' ಮಾರುಕಟ್ಟೆಯಲ್ಲಿದೆ. ಆದರೆ ಭಾರತೀಯ ಸಂಸ್ಥೆಗಳು ಶೇಕಡ 80 ರಷ್ಟು ವೆಚ್ಚವನ್ನು ಬರಿಸುತ್ತಿವೆ.