ಇನ್ಮುಂದೆ ಫಿಂಗರ್‌ಪ್ರಿಂಟ್ ಬಳಸಿ 'ವಾಟ್ಸ್‌ಆಪ್' ಲಾಕ್ ಮಾಡಬಹುದು!!

ಫಿಂಗರ್‌ಪ್ರಿಂಟ್ ಫೀಚರ್!

ಸ್ಮಾರ್ಟ್‌ಫೋನ್ ಅನ್‌ಲಾಕ್‌ಗೆ ಇರುವ ಫಿಂಗರ್‌ಪ್ರಿಂಟ್ ಫೀಚರ್ ಅನ್ನು ಇನ್ಮುಂದೆ ವಾಟ್ಸ್‌ಆಪ್ ಆಪ್ ಅನ್ನು ಲಾಕ್ ಮಾಡಲು ಬಳಸಿಕೊಳ್ಳಬಹುದಾಗಿದೆ. ಈ ಮೂಲಕ ವಾಟ್ಸ್‌ಆಪ್‌ನಲ್ಲಿ ಹೆಚ್ಚು ಖಾಸಾಗಿತನವನ್ನು ಕಾಪಾಡಿಕೊಳ್ಳಲು ವಾಟ್ಸ್‌ಆಪ್ ಸಂಸ್ಥೆ ದಾರಿ ಮಾಡಿಕೊಡುತ್ತಿದೆ ಎಂದು ಆಂಡ್ರಾಯ್ಡ್ ಬೀಟಾ ನೀಡಿರುವ ಇತ್ತೀಚಿನ ವರದಿಯಿಂದ ತಿಳಿದುಬಂದಿದೆ.

ಆರ್ಡರ್​​ನಲ್ಲಿ ವಾಯ್ಸ್​​ ಮೆಸೇಜ್​​​

ಈ ಹೊಸ ಫೀಚರ್​​​ ಮೂಲಕ ವಾಟ್ಸ್​​ಆಪ್​ ಬಳಕೆದಾರರು ಇನ್ಮುಂದೆ ಮಾರ್ನಾಲ್ಕು ವಾಯ್ಸ್​ ಮೆಸೇಜ್​ಗಳನ್ನ ಆರ್ಡರ್​​ನಲ್ಲಿ ಪ್ಲೇ ಮಾಡಬಹುದು ಎಂದು ಹೇಳಲಾಗಿದೆ. ಆಲಿಸಬೇಕಾದ ಎಲ್ಲಾ ವಾಯ್ಸ್ ಮೆಸೇಜ್‌ಗಳನ್ನು ಒಂದೇ ವೇಳೆಯಲ್ಲಿ ಸೆಲೆಕ್ಟ್ ಮಾಡಿ ಪ್ಲೇ ಮಾಡಿದರೆ, ಅವೆಲ್ಲವೂ ಆರ್ಡರ್​​ನಲ್ಲಿ ಪ್ಲೇ ಆಗುತ್ತವೆ ಎಂದು ಹೇಳಲಾಗಿದೆ.

ಡಾರ್ಕ್​ ಮೋಡ್​

ಕತ್ತಲಲ್ಲಿ ವಾಟ್ಸ್​​​ಆಪ್​ ಬಳಕೆ ಮಾಡುವಾಗ ಕಣ್ಣುಗಳ ಮೇಲಿನ ಒತ್ತಡ ಕಡಿಮೆ ಮಾಡುವ ಸಲುವಾಗಿ ಮತ್ತು ಬ್ಯಾಟರಿ ಬಾಳಿಕೆ ಹೆಚ್ಚಿಸುವ ಸಲುವಾಗಿ ಡಾರ್ಕ್​ ಮೋಡ್​ ಅನ್ನು ಈ ವರ್ಷ ವಾಟ್ಸ್‌ಆಪ್‌ನಲ್ಲಿ ಕಾಣಬಹುದಾಗಿದೆ. ವಾಟ್ಸ್​​ಆಪ್​ ಬೀಟಾ ಇನ್ಫೋ ಟ್ವಿಟರ್​​ ಅಕೌಂಟ್​​ನಲ್ಲಿ ಈ ಬಗ್ಗೆ ಖಚಿತ ಮಾಹಿತಿ ನೀಡಲಾಗಿದೆ.

ಸ್ವೈಪ್​ ಟು ರಿಪ್ಲೈ

ಈಗಾಗಲೇ​​ ಲಭ್ಯವಿರುವ ಈ ಸ್ವೈಪ್​ ಟು ರಿಪ್ಲೈ ಮತ್ತಷ್ಟು ಅಪ್‌ಡೇಟ್ ಆಗಿ ಬರಲಿದೆ. ಬಳಕೆದಾರರು ಈ ಫೀಚರ್​ ಮೂಲಕ ಬಳಕೆದಾರರು ಬಲಕ್ಕೆ ಸ್ವೈಪ್​ ಮಾಡುವ ಮೂಲಕ ಮೆಸೇಜ್​ಗಳಿಗೆ ರಿಪ್ಲೈ ಮಾಡಬಹುದು. ಬಲಕ್ಕೆ ಸ್ವೈಪ್​ ಮಾಡುತ್ತಿದ್ದಂತೆ ಆ ಸಂದೇಶ ರಿಪ್ಲೈ ಕಾಂಟೆಕ್ಸ್ಟ್​​​ನಲ್ಲಿ ಲೋಡ್​ ಆಗುತ್ತದೆ ಎಂದು ಹೇಳಲಾಗಿದೆ.

ಕಾಂಟ್ಯಾಕ್ಟ್ಸ್​ ಲಿಂಕಿಂಗ್

ವಾಟ್ಸ್ಆಪ್ ಪರಿಚಯಿಸಲಿರುವ ಈ ನೂತನ ಫೀಚರ್ ಸಹಾಯದಿಂದ ನೀವು ಯಾರೊಂದಿಗೆ ಹೆಚ್ಚು ಬಾರಿ ಚಾಟ್​​ ಮಾಡ್ತೀರ ಎನ್ನುವುದರ ಆಧಾರದ ಮೇಲೆ ಇತರೆ ಕಾಂಟ್ಯಾಕ್ಟ್​​ಗಳನ್ನ ಆಟೋಮ್ಯಾಟಿಕ್​ ಆಗಿ ಲಿಂಕ್​ ಮಾಡಿ ಪಟ್ಟಿ ಮಾಡಬಹುದಾಗಿದೆ. ಇದು ಚಾಟಿಂಗ್‌ಗೆ ಬಹಳ ಸಹಕಾರಿಯಾಗಲಿದೆ.