ಗೂಗಲ್ ಮ್ಯಾಪ್ ಬದಲಾಗಲಿದೆ 'ಹೊಸ ರೂಪ, ಹೊಸ ಕಾರ್ಯ' ನೀವೇ ನೋಡಿ..!

ಹೊಸದಾಗಿ ಮ್ಯಾಪ್‌:

ಈಗಾಗಲೇ ಭಾರತದಲ್ಲಿ ಗೂಗಲ್ ಮ್ಯಾಪ್ ಬಳಕೆ ಮಾಡಿಕೊಳ್ಳುವವರ ಸಂಖ್ಯೆಯೂ ತೀರಾ ಹೆಚ್ಚಾಗಿದ್ದು, ಈ ಹಿನ್ನಲೆಯಲ್ಲಿ ಗೂಗಲ್ ಮ್ಯಾಪ್ ಬದಲಾವಣೆಯನ್ನು ಕಂಡಿದೆ ಎನ್ನಲಾಗಿದೆ. ಡ್ರೈವಿಂಗ್, ನ್ಯಾವಿಗೇಷನ್ ಸೇರಿದಂತೆ ಎಲ್ಲಾ ವಿಷಯಗಳು ಆಪ್‌ಡೇಟ್ ಆಗಿದೆ.

ಗೂಗಲ್ ನೊಂದಿಗೆ ಸಿಂಕ್:

ಇದಲ್ಲದೆ ಗೂಗಲ್ ಮ್ಯಾಪ್ ನಿಮ್ಮ ಗೂಗಲ್ ಕ್ಯಾಲೆಂಡರ್ ನೊಂದಿಗೆ ಸಿಂಕ್ ಆಗಲಿದ್ದು, ಅಲ್ಲದೇ ಮೇಲ್ ನೊಂದಿಗೂ ಸಿಂಕ್ ಆಗಲಿದ್ದು, ಹೊಸದಾಗಿ ವಾಂಟು ಗೋ (ಅಲ್ಲಿಗೆ ಹೋಗಬೇಕು) ಎನ್ನುವ ಜಾಗದ ಪಟ್ಟಿಯನ್ನು ತಯಾರಿಸಿಕೊಳ್ಳಲು ಸಹಾಯ ಮಾಡಲಿದೆ.

ಹೊಸ ಹೊಸ ಆಯ್ಕೆಗಳು:

ಗೂಗಲ್ ಮ್ಯಾಪ್ ನಿಮ್ಮ ನೆಚ್ಚಿನ ರೆಸ್ಟೋರೆಂಟ್‌ನಲ್ಲಿ ಎಷ್ಟು ಹೊತ್ತು ಕಾಯಬೇಕಾಗುವುದು ಎನ್ನುವುದನ್ನು ಸಹ ತಿಳಿಸಲಿದೆ. ಜೊತೆಗೆ ಅಲ್ಲದೇ ನಿಮ್ಮ ಲೋಕೆಷನ್ ಹಿಸ್ಟರಿಯೂ ಇದರಲ್ಲಿ ದಾಖಲಾಗಲಿದ್ದು, ನಿಮ್ಮ ಸಹಾಯಕ್ಕೆ ಬರಲಿದೆ.

ಎಲ್ಲಾ ಐಕಾನ್‌ಗಳು ಹೊಸ ರೂಪ:

ಗೂಗಲ್ ಮ್ಯಾಪಿನಲ್ಲಿ ರೆಸ್ಟೋರೆಂಟ್‌ಗಳು, ಕಾಫಿ ಶಾಪ್‌ಗಳು ಹಾಗೂ ಆಸ್ಪತ್ರೆ ಸೇರಿದಂತೆ ಹಲವು ಐಕಾನ್‌ಗಳನ್ನು ತೋರಿಸುತ್ತಿತ್ತು, ಆದರೆ ಈ ಬಾರಿ ಈ ಐಕಾನ್‌ಗಳೆಲ್ಲವೂ ಹೊಸದಾಗಿ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದೆ. ಇದರಿಂದಾಗಿ ಮ್ಯಾಪ್ ಬಳಕೆ ಇನ್ನಷ್ಟು ಹೊಸತನವನ್ನು ಹೊಂದಲಿದೆ.